ظبطة كربيراتير ملهاش حل

**MASERATI** · 10-08-2010 09:33 AM

السلام عليكم و رحمة الله و بركاته

وكل عام وأنتم بخير

طاب أنا احيانا بلاقى العربية البيجو ال 505 مو 1980 بتاعتنا , التجميع بتاعها مش اللى هو , ده يبقى عيب كربراتير برضه ؟؟

و لو أنا عاوز أغير الكاربيراتير بتاعها ببتاع 505 الطيارة اللى هى الموديل الأعلى , هيبقى احسن ولا مش هيفرق؟؟؟؟

و أنا اصلا كنت فاكر البيجو ال 405 انجكشن مش كاربيراتير .

و الله أنا الكاربيراتير اللى فى العربية اللى هى نازلة بيه , ماشاء الله , بقاله 30 سنة فيها , عمرنا مافكرنا نغيره و هو سيادتك لما بتغير الكاربيراتير كل 8 سنين , بتجيبه جديد ولا استيراد , أصل أنا متهيألى أنه ب 4200 جنيه , يبقى لازم جديد و فرنساوى , مش كده ولا ايه؟؟؟؟؟

هى البيجو ال 405 دفع أمامى ولا خلفى ؟؟؟؟

شكرا و آسف للاطالة .

مازيراتى كواتروبورتيه

**ahmed2y** · 10-08-2010 11:09 AM

المشاركة الأصلية كتبت بواسطة mohamedadelemam

السلام عليكم...يعنى أنا واحد دايما كل همى إنى أفتح الكبوت وأفتش على أى حاجة...وأول أمس من زهقى قلت أفك الكربيراتير أنضفه...وفتحت الكتب وأخدت بالى من ظبطة مسمار خليط الهواء والبنزين الصح وفتحة الباب الأسف للبنزين وعملتها بالمقاس بالظبط زى ما قال الكتاب...ويعنى نضفته وبحط وأجرب والله لاقيت نفسى ماشاء الله راكب بورش...فقلت أطلع أجربها..لاقيتها طايرة....أمس أخدتها وجربت على الطريق المفتوح لاقيت نفسى جايب على الرابع 180كم/ساعة...إديت خامس جابت 200 كم/ساعم ووالله لسه مش دايس للآخر...إنما لسه موضوع إستهلاك البنزين مش هعرفه غير لما يفضى التنك وأملاه تانى عشان أعرف بالظبط وأقول لحضراتكم...المهم الموضوع كله ظبطة كربيراتير صح وهتلاقى طيارة..السيارة بيجو 405 موديل 1998 وعملة حاليا 81500كم...gl

السلام عاليكم يا شباب جميعا ورمضان كريم

طيب ممكن يا باشا ترفعلنا الكتالوج الى فية الظبطة بتاعت الكربراتير دة عشان كلنا نستفيد لان انا حاسس العربية مش عجبانى خالص انا كمان

وعلى فكرة النت عملتة دة احسن حاجة لان الواحد لما يتعلم انة يظبط بنفسة العربية بيبقى احسن اداء للعربية لان مهما كان المكانيكى شاطر مبيبقاش همة انة يظبطة بالظبط على قد ما هو عاوز تمشى وتبقى كويسة وخلاص بالنسبالة الموضوع شغلانة وخلصت ربنا يكرمك ويزيدك من علمة

**mohamedadelemam** · 10-08-2010 02:15 PM

السلام عليكم..حضرتك ال405 دفع أمامى وفى منها كربيراتير وإنجكشن...وموضوع شراء الكربيراتير فطبعا بجيبه جديد لأن الإستيراد هيكون مستهلك.....أما حضرتك موضوع الكتالوج الفنى فهو كتاب عندى وبإذن الله هحاول أصوره بكاميرا الموبايل..وكل سنة وحضراتكم جميعا بخير

**mohamedadelemam** · 10-08-2010 02:18 PM

المشاركة الأصلية كتبت بواسطة nour_peugeot

ربنا يخليك يا باشا تسل و الكتكوته بظبطها عشان عندي سباق قريب في العين السخنه ان شاء الله

و بالنسبه للكلبرتير احنا دنا ان العمر الافتراضي للكلبرتير اكتر من كده

فا الصيانه افضل لغايه لما تحس انه فعلا مفوش منه رجا خالص

بس بصراحه احسن حاجه بتعملها انك ماشي معا الكتالوج

اما في حالتي انا انا الكتالوج بتاع العربيه هههههههه

نور باشا ربنا يوفقك..بس براحة على الكتكوتة شوية...وربنا يوفقك وتكسب وترفع راسنا يا كبير العصابة البيجوهاتية...بس ياريت تخلى فيها حاجة سليمه نتفرج عليها فى أى مقابلة هههههه...عموما كل سنة وإنت طيب وربنا يوفقك

**the-hero** · 10-08-2010 10:06 PM

المشاركة الأصلية كتبت بواسطة maserati

و أنا اصلا كنت فاكر البيجو ال 405 انجكشن مش كاربيراتير .

وحتى الكربراتير بتاعها مختلف عن كربراتير ال 505
لأنة الكربراتير الجديد البخاخ

**kisho55555** · 11-08-2010 04:56 AM

دى التكت اللى مكتوب فى الحوض .. مع العلم ان العربية مش راشة حوض ...

**mohamedadelemam** · 11-08-2010 01:22 PM

هو أنا مش شايف خالص..بس فكرة حلوة موضوع التكت..هشوفه وأقول لكم بالظبط بإذن الله ورمضان كريم

**Ahmed Hassan** · 11-08-2010 07:01 PM

المشاركة الأصلية كتبت بواسطة kisho55555

دى التكت اللى مكتوب فى الحوض .. مع العلم ان العربية مش راشة حوض ...

مفيش في دول وزن العربيه. دول الحمل الاقصى على المحور الامامي و الحمل الاقصى على المحور الخلفي و الوزن الاجمالي للعربيه بالركاب و المقطوره

**kisho55555** · 12-08-2010 03:58 AM

الرقم الاول ... دول اقصى حمولة للعربية ....

الرقمين اللى فى النص ... دول اقصى حمل على المحور الامامى والخلفى ..

الرقم الاخير ... ده ثقل العربية بالموتور