الموضوع: ظبطة كربيراتير ملهاش حل

المشاركة الأصلية كتبت بواسطة mohamedadelemam

السلام عليكم..حضرتك وزن ال405 ودى متأكد منه 1360كجم أما عن السرعات المذكورة فدى فعلا بتحصل فى ال405 أماال504 ودى مش عندى إنما مرة ركبتها فى سفر وكان حالتها ضنك خالص وماشى 170كم/ساعة...حضرتك ياريت تجرب أى بيجو..فعلا عزم مواتير البيجو قوية جدا لدرجة حضرتك هتبهر حضرتك....عموما مرة تانية حضرتك والله منورنا وفعلا بستفيد من حضرتك فى مواضيع كتير قريتها لحضرتك فى مشاركات كتير

ياباشا منور باهلة و انا سعيد بمناقشاتي معك و باستفيد منها كتير

اية اخبار تآكل الكاربراتير, اقتنعت ان التنر مش حاياكل المعدن و للا لسة ماجربتهاش

ياسيدي الفاضل انا مقتنع ان مواتير البيجو هايلة و من زمان موتور ال 504 و ال 505 من اقوى عزم مواتير (في زمانها) بس المواتير دي و لو زيرو دلوقتي مش حاتجاري أداء المواتير الحديثة من حيس الاكسيليرشن او السرعه و برضة الار بي ام بتاعها مش عالي, التكنولوجيا مختلفة كتير عن زماااان

المشاركة الأصلية كتبت بواسطة ahmed hassan

أقصى وزن لل ٤٠٥ هوه ١١٠٠ كج

1360 او 1100 مش فارقة كتير

انما اكيد مش فوق ال 2 طن زي ما سبق و قلت لحضراتكم

حضرتك موضوع التنر لسه مجربتش..أما موضوع الوزن فعندى ال605 وزنها 1615...ولك حضرتك تقدر وزنها بالنسبة لوموتر 2000 سى سى...أما موضوع العزم فال405 عندى ماشاء الله قوية جدا وطبعا جربت عربيت تانية كتير بس بردو بحس إنى فى ال405 بعمل بيها اللى مش بيتعمل بغيرها......يمكن أكون غلط بس يمكن دا حاجة نفسية لأأنى مش بحب أركب غير الفرنساوى....

[QUOTE=Adham;3872925274]

المشاركة الأصلية كتبت بواسطة mohssenrashed

حضرتك عربية ماشية كل الكيلو مترات دي ببنزين بلدنا الجميل يبقى الكاربراتير محتاج يتفك و يتنضف بدون شك

و الموضوع بسيط مش معقد

روح لحد متخصص لنوع ربيتك يفك الكاربراتير و ودية لورشة الحاج ابراهيم في شبرا اول يمين امام سينما شبرا بالاس

دة اكبر و اشهر ورشة كاربراتير في مصر

و اعمل حساب حضرتك انة حايتساب يومين عنده و ترجع تستلمة و ترجعه للي فكة يركبة تاني

و عامة لة العربية بتهبب شوية في الشكمان و بتاكل بنزين زيادة عن المعتاد و فيها نتشة او بتغيب شوية في الدوارة مش من اول سنة او مابتسحبش كويس دي علامات ان الكاربراتير محتاج يتنضف

بس فوق ال 50 الف كيلو او 3 سنين استعمال لازم يتفك و يتنضف كدة كدة

هي العربة مش بتغيب معايا في الدوارة بس بتاكل بنزين و غيرت بوجيهات و جبت NGK اتنين شمعه ظبظت بس بردو مش اوي فا اكيد عايز يتنضف المشكلة انا من اسكندرية لو حد يعرف واحد كويس في اسكندرية ياريت يفدنا

كلام جميل ياباشا و لخصت المفيد

بس انا لازلت غير مقتنع ان التنر يسبب تآكل جسم الكاربراتير الانتامونيا (نظريا و عمليا مابيحصلش كدة , ورشة الحاج ابراهيم في شبرا بيعملوا كدة من سنين و ورشتهم اشهر و انجح ورشة كاربراتير في مصر)

نور باشا اللى واحشنى جدا..إزيك؟؟؟؟....وكيف حال الكتكوتة المعدلة؟....يارب تكونوا إنتوا الإتنين بخير...موضوع الكربيراتير أعرفه من زمان من الكتالوج الفنى إنه لازم يتغير كل 60000كم...ودا مخلى العربية عندى مظبوطة جدا...وبالنسبة لموضوع ظبط الكربيراتير مفهمتكش أوى...بس الحمد لله أنا حافظه مسمار مسمار...وكل سنة وإنت طيب يا كبير!!