استهلاك البنزين للسيراتو

**xShadow** · 09-08-2010 02:41 PM

المشاركة الأصلية كتبت بواسطة mocs

السلام عليكم جميعا .....
انا مريت بكل الحاجات ديه من بدرى , زى استهلاك البنزين اعدت الخبط و ادوور هى المشكله فين لقيت فى الاخر ان فعلا استهلاك البنزين زيادة بطريقه ملحوظه . و هقولكم تجربتى :

1 - التجربة كانت على 7 عربيات سيراتو 2010 اربعه خليجى و الباقى وكيل .
2 - العربيات الخليجى هتاكل بنزين بغباء مع العلم ان اول متجيب العربية بيبقى معدل استهلاك البنزين كويس جدا مع انك مشغل التكييف 24 ساعه و انت ماشى .
3 - الوكيل بتبقى زى ماهى تقريبا مع العلم ان نفس مستوى الحرق و ظروف القيادة و التكييف .

السبب بسيط اوى للاسف ان السيارات الخليجى بتيجى من بلادها الموتور مظبوط كحرق و كهرباء للموتور على التكييف و ظروف استخدامه للخليج بيبقى فارق كتير صدقونى لان الاجهزة اللى بتقوم بظبط اداء المحركات مختلفه تماما عن اللى بنستخدمها هنا فى مصر , و لذلك هتلاقى كل الشكوى من الخليجى انه بعد ما عمل صيانه فى مصر زاد المعدل اوى و برده قل السحب للسيارة وده طبعا لان السيارة اتظبطت على الجهاز اللى فى مصر اللى كله فى جميع التوكيلات بيستخدمه ولو حد معاه سياره خليجى و كان جوه مركز الصيانة مع الفنيين هتلاقى بعد ما يستخدم الجهاز للكشف عليها هيقولك ان السلانسيه بتاعها زيادة و طبعا بيظبطه على الجهاز بتاعه وهو ده اللى بيزود استهلاك البنزين و بيقلل السحب و تعيش فى حيرة ونكد بعد ما تتطلع من الوكيل .

و شكرااا لحسن استماعكم

Mocs

السلام عليكم،

متشكر على معلومات حضرتك بس أنا عندي تعليق بسيط..

دلوأتي أنا عربيتي خليجي، و عملت كل سينتي الاولني فالتوكيل.. و شايف إن العربية فالأول كان استهلاكها علي، بعدن استهلاكها إتظبت و ال جداً جداً بعد صيانة ال-10,000 .. فن شايف إن الكلام دة بيتنكد مع كلام حضرتك حبتين..

بس للعلم بالشئ، أنا عملت صيانة ال-20,000 في مركز غير التوكيل، و دلوقتي إستهلاك العربية زاد بطريقة ملحوظة

**xShadow** · 09-08-2010 02:51 PM

أنا الإستهلاك هيجنني يا جماعة، أنا وصلت 12.3 دلوقتي !!!

بالمناسبة، معلش أعذرو جاهلي، هو السلنسيه دة إلي هو اه ؟ أو اه المصطلح بتاعو فاللغة الإنجليزية ؟

**NoRmAl** · 09-08-2010 03:17 PM

المشاركة الأصلية كتبت بواسطة mocs

هو يا نورمال الفرق مابيبقاش فى ال ار بى ام بالظبط يعنى مش لو ال rbm عالى يبقى العزم اقوى , لا .
بس هقولك , هو لو جبنا عربيتين نفس الموديل بس واحدة عامله 40000 كيلو و التانية 10000 كيلو لو حطيت الاتنين على جهاز الكشف هتلاقى ان ممكن واحدة عزمها بقى اقل من التانية و التانية قوة حصانها اقل من المستوى الطبيعى بتاعها ده مش عيب عربية لا , ده استهلاك و فى فاقد فى القوة بتنشأ من كذا جهة منها الكهرباء و منها نوع البنزين و منها البوجيهات و حاجات كتير بتأثر . نخش فى الموضوع يا سيدى , هو الخليجى بيبقى السلانسيه بتاعه فى الاغلب بيبقى 9.25 مش زى الوكيل بيبقى ما بين 7 و 7.50 فى ال rbm ده موزع جهد فى ال ecu للسيارة هو الكنترول يونت فى العربية واحد بس توجيه القوة بيختلف يعنى السيت اب للوحدة بيبقى غير الوكيل المصرى عشان المواصفات الخليجية بتحتاج قوة اكبر للتكييف مش بس كفريون , ده كمان قوة بتطلع من الموتور للخدمه لجهاز التكييف . القوة من طبيعتها هتضعف قوة السحب و الاداء للسيارة فبالتالى لازم اعادل القوة لكل جزء حسب الحاجة فلما بتيجى تظبط كل قوة للسيارة بتتظبط على اساس اعلى اداء للتكييف و افضل اداء للسيارة معاها فبيعلى التورك للمراحل الاولى فى السرعه بعد كده بتلاقى بعد السرعات العالية بيبقى مستواه متساوى فى الوكيل و الخليجى عشان كده فى الاغلب الخليجى بيبقى داخل المدينة بيستهلك بنزين كتييير اوى لكن فى الطرق المفتوحة اى بعد سرعات عالية بيرجع منحنى التورك ليتقابل مع مستوى الباور عند سرعة 140 كيلو متر لكن على السرعات الاولى بيبقى الاستهلاك اعلى من الوكيل وده طبعا مش فى الاول ( اول الشراء ) الكلام ده بعد ماتعمل صيانه فى الوكيل او اى مركز بيظبط التورك على اللى عنده بمعنى ان بيقلل العزم لكن مع نفس كمية ضخ الوقود وبالتالى هتاكل بنزين والسحب هيقل . مثال :
لو طالع بعربية مطلع عاصى اوى ايه اللى هتعملوا ؟ هتنزل غيار اقل عشان محتاج عزم اقوى للطلوع وبالتالى هيبقى استهلاكك اعلى , لو نازل منه بقى مش هتحتاج تجيب غيار اقل هتسيبها على غيارها حتى لو جايب الخامس مش هتفرق . صح ؟
لكن لو انت داخل المطلع ده بسرعه عالية , هتحتاج تجيب غيار اقل عشان تطلعه ؟؟؟؟؟؟ يا رب اكووون وصلت فكرتى و تجربتى وعلى فكرة انا عالجت استهلاك البنزين بالنسبة للخليجى حتى فى وسط المدينة بس لسه تحت التجربة لكله لانه جاب نتيجه معايا بس هو الاوكتان بووستر مع بنزين 90 مش 92 هتلاقى السحب عالى فعلا و قوة هتحس بيها اول ماتحطه .
ملحوظة : الاوكتان بوووستر بيطحط العلبة الكامله على 80 لتر بنزين ماتحطش العلبة كلها على التنك عندك . واسف للتاخير يا عمده

شكرا يا باشا على الشرح أنا تقريبا فهمت قصدك بس خلى الاقناع على جنب :)

**NoRmAl** · 09-08-2010 03:23 PM

المشاركة الأصلية كتبت بواسطة xShadow

أنا الإستهلاك هيجنني يا جماعة، أنا وصلت 12.3 دلوقتي !!!

بالمناسبة، معلش أعذرو جاهلي، هو السلنسيه دة إلي هو اه ؟ أو اه المصطلح بتاعو فاللغة الإنجليزية ؟

12 على طول مع قياده عاديه بدون حرق؟
لو كدا فعلا يبقى قى حاجه غلط
بس أنا مش متخيل ان الوكيل يكون بيعمل حاجه فى العربيه غيره مبيعرفش يعملها يعنى زى تقليل أستهلاك البنزين
مش مقتنع بيها خالص
هل بردو دايما بتمون من نفس المكان يا محمد ولا كل مره من حته؟
السلنسيه الى هو الIdeal يعنى والعربيه واقفه ومش واخده أى غيار....عندك بيبقى الrpm على كام؟

**xShadow** · 09-08-2010 03:43 PM

المشاركة الأصلية كتبت بواسطة normal

12 على طول مع قياده عاديه بدون حرق؟
لو كدا فعلا يبقى قى حاجه غلط
بس أنا مش متخيل ان الوكيل يكون بيعمل حاجه فى العربيه غيره مبيعرفش يعملها يعنى زى تقليل أستهلاك البنزين
مش مقتنع بيها خالص
هل بردو دايما بتمون من نفس المكان يا محمد ولا كل مره من حته؟
السلنسيه الى هو الideal يعنى والعربيه واقفه ومش واخده أى غيار....عندك بيبقى الrpm على كام؟

طيب تصدق أنا فعلاً لاحظت فرء فالموضوع دة، بس مجاش في بالي إن ممكن يبقى ليه أي علاقة ؟

أنا أبل الصيانة، كنت بلاحظ لم بسخن، ال-rpm بيسبات على 1 أو أقل من 1 حاجة بسيطة جداً جداً .. على ما أظن دلواقتي بيسبات على أقل من واحد شوية حلوين، يعني بعد النص بحاجة بسيطة كدا..

بس بصراحة مش متأكد، محتاج أجرب أشوف الموضوع تاني.. بس أنا مش فاهم اه علاقة أوي بالبنزين معلش ، أعذر جاهلي :/

**NoRmAl** · 09-08-2010 03:52 PM

المشاركة الأصلية كتبت بواسطة xShadow

طيب تصدق أنا فعلاً لاحظت فرء فالموضوع دة، بس مجاش في بالي إن ممكن يبقى ليه أي علاقة ؟

أنا أبل الصيانة، كنت بلاحظ لم بسخن، ال-rpm بيسبات على 1 أو أقل من 1 حاجة بسيطة جداً جداً .. على ما أظن دلواقتي بيسبات على أقل من واحد شوية حلوين، يعني بعد النص بحاجة بسيطة كدا..

بس بصراحة مش متأكد، محتاج أجرب أشوف الموضوع تاني.. بس أنا مش فاهم اه علاقة أوي بالبنزين معلش ، أعذر جاهلي :/

لا أعذر جهلك أيه بس أنا مش فاهم حاجه بردو :)
أنت متأكد أنك أول مجبت العربيه كان الrpm عالى ولما زورت التوكيل قل؟؟
طيب هل دلوقتى زاد تانى؟ الrpm ؟

**xShadow** · 09-08-2010 03:56 PM

لأ مش التوكيل يا نورمال، أنا لسة حاسس التغيير دة بعد صيانة تكنو ون مش التوكيل.. انما لحد أبل كدا كنت بحسو بيوقف عند 1 أو أقل منها حاجة بسيطة، دلوقتي بحسو بيوقف أقل من كدا أكتر شوية ..

بس بردو مش متأكد، د مجرد إحساس غالي مع الوسوسة، لازم أجرب عشان أتأكد

**NoRmAl** · 09-08-2010 04:05 PM

المشاركة الأصلية كتبت بواسطة xShadow

لأ مش التوكيل يا نورمال، أنا لسة حاسس التغيير دة بعد صيانة تكنو ون مش التوكيل.. انما لحد أبل كدا كنت بحسو بيوقف عند 1 أو أقل منها حاجة بسيطة، دلوقتي بحسو بيوقف أقل من كدا أكتر شوية ..

بس بردو مش متأكد، د مجرد إحساس غالي مع الوسوسة، لازم أجرب عشان أتأكد

طيب محمد هقلك ألى فهمته منك وقلى كدا صح ولا لأ
دلوقتى أنت أول مجبت العربيه كان الاستهلاك عالى والrpm على الايديل عالى على 1000 تقريبا
وبعدين قلت أنك عملت أول صيانه تقريبا مع الوكيل وحسيت أن استهلاك البنزين قل وكذلك الrpm قل بقى 750 مثلا
وبعدين بعد صيانه ال10 مع تكنو وان الاستهلاك زاد وتقريبا الrpm زاد بردو بس أنت لسه مش متأكد
صح كدا؟

**masryxt** · 09-08-2010 04:34 PM

المشاركة الأصلية كتبت بواسطة xshadow

لأ مش التوكيل يا نورمال، أنا لسة حاسس التغيير دة بعد صيانة تكنو ون مش التوكيل.. انما لحد أبل كدا كنت بحسو بيوقف عند 1 أو أقل منها حاجة بسيطة، دلوقتي بحسو بيوقف أقل من كدا أكتر شوية ..

بس بردو مش متأكد، د مجرد إحساس غالي مع الوسوسة، لازم أجرب عشان أتأكد

اسمحولي اشارك في الموضوع بما اني من مالكي السيراتو ومتابع موضوع الاستهلاك من اول ماجبت العربية
مبدايا انا عامل حوالي 7000 ك
عامل صيانة الالف فقط ومنتظر لل 10000 علشان الصيانة التانية
الصيانة كنت عملتها غند صبحي سند واعتقد انهم ماحطوهاش علي الجهاز مجرد تغيير زييت ودمتم
في اول 2000- 2500 الاستهلاك كان بييتراوح مابين 6.5 الصحراوي ماشي منتظم 90-110
ومابين 9.5 دائري ووسط البلد 50-50 تكييف وشد وحرق
بعدها كنت راجع صحراوي بلبل والجنونة اشتغلت واقل حاجة كانت 150 استهلاك 9.5-10
الكام يوم بعدها جوة البلد مش اقل من 11 واضح انها كانت لسة متأثرة
الوضع الحالي مشي عادي بدون حرق جاد 8.5 -10 وممكن 11 باالحرق الجامد ومشاوير زحمة كتيير

عداد لفات الموتور اول مابدور المؤشر بيبقي علي 1.1 بعدها بينزل 1 او اقل 0.9

فية اقتراح ياريت نعملة طالما فية اختلاف في عدد اللفات علي السلانسية

كل واحد يكتب الرقم اول مابيدور وبينزل لكام بغد دقيقة او دقيقتين وبعد مايخلص مشوارة ويركن
وطبعا يكتب خليجي ولا وكيل ومافيش مشكلة لو زودنا لو خليجي البلد اية
علشان نحصر الموضوع ونعرف نحدد من خلال المعطيات اللي فاتت

وشكرا

**xShadow** · 09-08-2010 04:43 PM

المشاركة الأصلية كتبت بواسطة normal

طيب محمد هقلك ألى فهمته منك وقلى كدا صح ولا لأ
دلوقتى أنت أول مجبت العربيه كان الاستهلاك عالى والrpm على الايديل عالى على 1000 تقريبا
وبعدين قلت أنك عملت أول صيانه تقريبا مع الوكيل وحسيت أن استهلاك البنزين قل وكذلك الrpm قل بقى 750 مثلا
وبعدين بعد صيانه ال10 مع تكنو وان الاستهلاك زاد وتقريبا الrpm زاد بردو بس أنت لسه مش متأكد
صح كدا؟

لأ مش د أصدي،

أنا أصدي إن بعد تكنو ون حسيتو قل مش زاد (ال-rpm)، بس الإستهلاك أنا متأكد إن زاد (د مش إحساس )

بس أنا مش عرف اه العلاقة عامةً

الموضوع: استهلاك البنزين للسيراتو

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

رائحة احتراق البنزين في الداخل للسيراتو

استهلاك البنزين للسيراتو

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة