استهلاك البنزين للسيراتو

**xShadow** · 09-08-2010 04:47 PM

المشاركة الأصلية كتبت بواسطة masryxt

اسمحولي اشارك في الموضوع بما اني من مالكي السيراتو ومتابع موضوع الاستهلاك من اول ماجبت العربية
مبدايا انا عامل حوالي 7000 ك
عامل صيانة الالف فقط ومنتظر لل 10000 علشان الصيانة التانية
الصيانة كنت عملتها غند صبحي سند واعتقد انهم ماحطوهاش علي الجهاز مجرد تغيير زييت ودمتم
في اول 2000- 2500 الاستهلاك كان بييتراوح مابين 6.5 الصحراوي ماشي منتظم 90-110
ومابين 9.5 دائري ووسط البلد 50-50 تكييف وشد وحرق
بعدها كنت راجع صحراوي بلبل والجنونة اشتغلت واقل حاجة كانت 150 استهلاك 9.5-10
الكام يوم بعدها جوة البلد مش اقل من 11 واضح انها كانت لسة متأثرة
الوضع الحالي مشي عادي بدون حرق جاد 8.5 -10 وممكن 11 باالحرق الجامد ومشاوير زحمة كتيير

عداد لفات الموتور اول مابدور المؤشر بيبقي علي 1.1 بعدها بينزل 1 او اقل 0.9

فية اقتراح ياريت نعملة طالما فية اختلاف في عدد اللفات علي السلانسية

كل واحد يكتب الرقم اول مابيدور وبينزل لكام بغد دقيقة او دقيقتين وبعد مايخلص مشوارة ويركن
وطبعا يكتب خليجي ولا وكيل ومافيش مشكلة لو زودنا لو خليجي البلد اية
علشان نحصر الموضوع ونعرف نحدد من خلال المعطيات اللي فاتت

وشكرا

شكراً على مشاركتك،
أهوى أنا السلنسيه بتاعي كان ذي بتاعك بالظبط، و استهلاكي كان زيك بالظبط..

بس إلي حصل بعد صيانة ال-20,000 عند تكنو ون، حاسس ال-ideal زاد(بس لسة هتأكد) مع ملاحظة إن الإستهلاك زاد أوي

**Mocs** · 10-08-2010 01:45 AM

السلام عليكم ......
ازيك يا محمد و سلام ل نورمال الكبير , هو يا محمد الفرق فى الrbm فى العداد مش هتشوفه ما يبنش بسهوله لان الفرق بسيط جدا . , وطبعا استهلاك الاتوماتيك اعلى من المانيوال بنسبة ما بين 2 % او 3 % وده طبيعى لان الفترة ما بين نقل الغيارات على الماتيك وانت دايس بنزين يا ترى البنزين ده فى الفترة ديه بيروح فين ؟؟؟ طبعا قوة بس قوة هالكه فى اول الغيار التالى و طبعا مش هتحس بفرق فى ضغط البنزين اكتر

**Mocs** · 10-08-2010 01:52 AM

يا نووووووووووورمال ....
اخدت بالك لما قولتلك انها بتبقى ما بين 9 و 1 على ال rbm وبعد كده حصل مع xshadow نفس الكلام اللى بقولهولك .

**Mocs** · 10-08-2010 02:00 AM

على فكرة يا جماعة انا بحاول فى الموضوع ده اوى بس وانا بدوور و ابحث فيه اكتشفت حاجة غريبة اوى ان كان فيه بطئ شديد فى الغيار التانى بعد سرعة 30 و اول 65 وده كان واضح جدا . لقيت بعد استخدام الاوكتان بووستر ان البطئ ده راح خالص وبقى الشد احسن كتير فى الفترة ديه من التجميع . ( وده صدفة بحته )

**hobiko** · 10-08-2010 11:08 AM

المشاركة الأصلية كتبت بواسطة NoRmAl

جابوا الشيت دا مكتوب تم تغيير الكلاكس وتوسيع البوجيهات!!!!!
أول مره أسمعها
قلتله إدا قالى دا كانت البوجيهات مقفوله ودا الى كان مخليها تسحب بنزين
يعنى أيه مقفوله الله أعلم
المهم أنا مالى رحت أجرب الكلاكس لقيته كويس
أستلمت ومشيت
أولا وأنا لسه جوه الفرامل بقيت قويه جدا مش فاهم ليه
يعنى قويت كمان أكتر من الاول قلت يمكن نضفوا حاجه ولا حاجه بس أتبسط
وبعدين بعد ممشيت بشويه بكلكس بقى حسيت أن صوته مش قد كدا
وتقريبا كل مكلكس أكتر كل مصوته بيوحش أكتر
وبقى صوته يعر الحقيقه
تحس أن فى شاب مفتول العضلات وملامح الرجوله على وجهه وبعدين يجي يتكلم تفاجأ بصوت بنت صغيره :))
دا حال العربيه دلوقتى :)
غير كدا بقى العربيه بقيت تجرى بغباء وغشامه
يعنى بتسحب بفترا كدا
حسيت أن دا من البوجيهات الى كانت فيها حاجه دى
المهم أنا كنت داخل التوكيل بأستهلاك 10.1 وكان أعلى من كدا من يومين
طول الطريق وأنا ماشى هو عمال ينزل وقتى
ودلوقتى نزل لغايه 9.1
وأنا راجع العربيه زى مقلت زى متكون بتجرى تنفد بعمرها....أفترى يعنى متوسط سرعه 130
وأنا رايح متوسط سرعه 100
يعنى رايح مش بجرى وفى أستهلاك عالى
وراجع بجرى بأستهلاك أقل
بردو مش عايز أوهم نفسى ممكن يكون الاستهلاك قل لأى سبب
فناوى أفول بقى واصفر العادات وأشوف هتقول أيه

فاكر الموضوع ده يا نورمال ايه رأيك تفتكر في علاقة بين "توسيع البوجيهات" مع انى مش عارف يعنى ايه توسيع بوجيهات و بين استهلاك البنزين العالى ده

يعنى لما نروح التوكيل نقوله اكشف على البوجيهات ووسعها عشان نقلل استهلاك البنزين

**mohamedaghali** · 10-08-2010 02:02 PM

انا حبيت اطمنكو ان الاستهلاك رجع لمعدل 9.5 الى 10.5بدون حرق انا طريقى دائما من مدينه نصر للمعادى(دائرى) وا ستهلاك البنزين حوالى 1/4 التنك فى 120 كم مسافه ,وده تقريبا زى اول ما جبت العربيه وانا اعتقد ان نظافه و نوع محطه البنزين بيفرق كتير.

**Conspirator** · 10-08-2010 02:50 PM

أنا شايف اننا نبعت ايميل لشركة كيا ونبلغهم اننا بنشتكى من الاستهلاك العالى للسيراتو وان دى شكوى عامة ونطلب منهم سوفت وير جديد لل ecu يقلل الاستهلاك بنسبة 15 الى 20 % عشان نبقى فى المعدل الطبيعى بتاع معظم العربيات والوكيل يكون مجبر انه يعمله لكل العربيات فرى

**aaet1** · 10-08-2010 03:02 PM

السلام عليكم، ليا استفسار ياجماعة أنا حبيت اقيس معدل الاستهلاك على طريق سريع مرتين وفى أوله صفرت المتوسط وكانت النتيجة كالآتى

فى المرة الأولى كان معدل السرعة 100-120 ولما وصلت كان المتوسط 6.8 لكل 100 كيلو
فى المرة التانية كانت السرعة من 140-160 ولما وصلت كان المتوسط 8.5 لكل 100 كيلو

فياترى المعدلات دى معقولة ولا عالية

تحياتى

**NoRmAl** · 10-08-2010 04:01 PM

المشاركة الأصلية كتبت بواسطة hobiko

فاكر الموضوع ده يا نورمال ايه رأيك تفتكر في علاقة بين "توسيع البوجيهات" مع انى مش عارف يعنى ايه توسيع بوجيهات و بين استهلاك البنزين العالى ده

يعنى لما نروح التوكيل نقوله اكشف على البوجيهات ووسعها عشان نقلل استهلاك البنزين

لا لما تروح أشتكى بس من الاستهلاك وشوف هما هيعملوا أيه

المشاركة الأصلية كتبت بواسطة conspirator

أنا شايف اننا نبعت ايميل لشركة كيا ونبلغهم اننا بنشتكى من الاستهلاك العالى للسيراتو وان دى شكوى عامة ونطلب منهم سوفت وير جديد لل ecu يقلل الاستهلاك بنسبة 15 الى 20 % عشان نبقى فى المعدل الطبيعى بتاع معظم العربيات والوكيل يكون مجبر انه يعمله لكل العربيات فرى

أنا هعمل كدا فعلا وهعلمكوا بالنتيجه إن شاء الله

**egypt0777** · 11-08-2010 12:23 AM

من مشاركاتكم كد السيراتو بتعمل من 170 - 180 كيلو فى الصفيحة - داخل البلد

و بتوصل ل 260 فى طريق السفر على سرعة لا تتعد ال 120

صح الكلام ده

لة صح ده معدل استهلاك رائع جدا على 1600 و حجم العربية و 2 كامه