يعنى لازم الواحد يبقى قليل الادب وبلطجى !!

**Ahmed Samy** · 13-08-2010 06:32 PM

المشاركة الأصلية كتبت بواسطة evoo90

ده اسمه ان حضرتك اللي غلطان
وهو خد حقه بدراعه

لو عايز تتكلم عن الجيرة و الذوق كان الأولى بك انك تستأذنه أو لما ييجي تنزل تشيل العربية

أو فعلازي ماقلت ...مادام الشارع و اسع و فيه حتت فاضية ...وده مكانه المخصص ليه

ليه عربية الضيف بتاعك ماتركنش بعيد ....

ولو كان ضيفك و مش عايز تخليه يدور على ركنة بعيدة أكرمه بمكانك انت مش بمكان غيرك

**MoHaMed HaMeD** · 13-08-2010 06:32 PM

كبر وروق وانت صايم وان شاء الله المضوع هيتحل بهدوء مش عصبيه

**Mostafa.Mahran** · 13-08-2010 06:36 PM

الموضوع بسيط و متنرفز نفسك على الفاضى

**Eng.Geo** · 13-08-2010 06:38 PM

انا كنت فاهم غير كدة الحقيقة
كنت فاكر الركنة موازي الطريق وهو حاطط بوز العربية رخامة
بس لما شفت الصورة
حسيت ان كل واحد وليه ركنته
يبقي مينفعش تخليه يركن مكانه
وزي مانت بتقول في أمكان تانية كان ممكن قريبك يركن فيها
المفروض تقوله يوسعلك عشان تخرج عربية قريبك

**kamatsho** · 13-08-2010 06:41 PM

يبقى انتا اكيد فى مصر

**evoo90** · 13-08-2010 06:42 PM

المشاركة الأصلية كتبت بواسطة ahmed samy

ده اسمه ان حضرتك اللي غلطان
وهو خد حقه بدراعه

لو عايز تتكلم عن الجيرة و الذوق كان الأولى بك انك تستأذنه أو لما ييجي تنزل تشيل العربية

أو فعلازي ماقلت ...مادام الشارع و اسع و فيه حتت فاضية ...وده مكانه المخصص ليه

ليه عربية الضيف بتاعك ماتركنش بعيد ....

ولو كان ضيفك و مش عايز تخليه يدور على ركنة بعيدة أكرمه بمكانك انت مش بمكان غيرك

ياافندم اولا المكان اللى راكن فيه ده بتاعنا قانوا ياعنى احنا سمحنا ليه انه يركن كده فى ارضنا لان فى عقد الشقه مكتوب ان كل شقه ليها ربع الارض اللى قدام الجزء اللى فيه الشقه العماره جزئين يمين وشمال وكل جزء اربع ادوار والدور شقه وفيما معناه ان لو شاقه واحده اللى ساكنه تبقى الارض كلها من حقها ( جق انتفاق فقط ) يعنى ركن سياره او مايشبه ذلك واحنا عندنا شقتين والراجل ده واخد شقه وفى شقه فاضيه مالهاش مالك يعنى تلتين الارض دى بتاعتنا ومش من حقه يعاندنا فى حاجه

ثانيا الضيف ليه اكرام يعنى ماينفعش اسيبه يركن بعيد عن العماره ولا اقوله اركن بره لان زى ماقولتلك والدى اكبر واقدم واحد فى العماره ده اولا يعنى المفروض يكون فى احترام من الاخرين اللى اصغر منه سننا ومركزا وثانيا من حقنا شقتين يعنى رأى والدى بأتنين

ثالثا ضيفنا لما بنروح عنده مصر الجديده اللى هى مافيش حد يعرف يركن فيها بيخلى واحد من الجيران يشيل عربيته ويركنها بعيد عشان ده من المنطقه يقدر يركنها فى اى حته وهو مطمئن ومايتضايقش وبركن مكانه ...

رابعا احنا فى شهر رمضان وفى رمضان او غيره ماينفعش ترد على الغلط بغلط اكبر منه واستفزاز وماتلومنيش وتقول انها غلطتى عشان لو الراجل شايف ان دى غلطه مننا ماينفعش ابدا ومطلقا انه يعمل كده ويبجح فى والدى لما يكلمه

كل سنه وانتم طيبين

**M.almaghraby** · 13-08-2010 06:43 PM

كلام دكتور احمد سامي صحيح 100%

انتوا الاتنين غلط و المواضيع متتاخدش كدا

**mahmoudysf** · 13-08-2010 06:43 PM

المشاركة الأصلية كتبت بواسطة ahmed samy

ده اسمه ان حضرتك اللي غلطان
وهو خد حقه بدراعه

لو عايز تتكلم عن الجيرة و الذوق كان الأولى بك انك تستأذنه أو لما ييجي تنزل تشيل العربية

أو فعلازي ماقلت ...مادام الشارع و اسع و فيه حتت فاضية ...وده مكانه المخصص ليه

ليه عربية الضيف بتاعك ماتركنش بعيد ....

ولو كان ضيفك و مش عايز تخليه يدور على ركنة بعيدة أكرمه بمكانك انت مش بمكان غيرك

+1
انا قبل ما تنزل الصورة كنت فاهم غلط ان مفيش مكان محدد لحد وكنت ماسك نفسي ومش عايز ااقولك ازاي تسيبه يزعق لوالدك
لاكن بعد الصورة لاقيت ان احمد سامي معاه حق

**hugan** · 13-08-2010 06:45 PM

انا ما كنتش شفت الصوره
عندنا في الشارع كل واحد ملتزم بمكانه وبتحصل لغبطه كبيره لو حصل تبديل
انتو الاتنين غلطانين
هو لم يراعي حقوق الجيره
وانتم ركنتم مكانه بدون استئذان

-

الموضوع: يعنى لازم الواحد يبقى قليل الادب وبلطجى !!

LinkBack

أدوات الموضوع

عرض

-

-

-

-

-

-

-

-

المواضيع المتشابهه

يعنى ايه الواحد يقرص عالموتور

الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

الواحد لازم يحسبها صح

بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة