الموضوع: يعنى لازم الواحد يبقى قليل الادب وبلطجى !!

المشاركة الأصلية كتبت بواسطة evoo90

دى عربيه اجره يعنى مش ليها مواعيد بتركن فيها تحت البيت ومالوش وقت محدد بيركنها فيه ممكن يركن 10 دقايق ويمشى ممكن ربع ساعه
يعنى لو كان جه ببساطه قال خرجوا العربيه عشان هاركن عربيتى مكانى مش هانقوله لا
اكراما للضيف مش اكتر خليناه يركن هنا والمكان واسع الاجره ممكن تركن فى اى حته
انا عربيتى عن نفسى مالهاش مكان معين مكان مابيريحنى بركن عشان المكان كبيرومافيش غير عربيتين بس بيركنوا فيه ..

طاب هقولك علي حاجة
لو قريبك خارج دلوقتي أو بعد شوية .... خلي الراجل ده يطلع العربية وقريبك يركن الشوية دول في حتة تانية
لو مش خارج النهارده ..... خليه راكن بقي بالمنظر العار ده هتلاقي شعب مصر في زيارات النهارده لتفقد قطع غيارها :)

المشاركة الأصلية كتبت بواسطة evoo90

ياافندم اولا المكان اللى راكن فيه ده بتاعنا قانوا ياعنى احنا سمحنا ليه انه يركن كده فى ارضنا لان فى عقد الشقه مكتوب ان كل شقه ليها ربع الارض اللى قدام الجزء اللى فيه الشقه العماره جزئين يمين وشمال وكل جزء اربع ادوار والدور شقه وفيما معناه ان لو شاقه واحده اللى ساكنه تبقى الارض كلها من حقها ( جق انتفاق فقط ) يعنى ركن سياره او مايشبه ذلك واحنا عندنا شقتين والراجل ده واخد شقه وفى شقه فاضيه مالهاش مالك يعنى تلتين الارض دى بتاعتنا ومش من حقه يعاندنا فى حاجه

ثانيا الضيف ليه اكرام يعنى ماينفعش اسيبه يركن بعيد عن العماره ولا اقوله اركن بره لان زى ماقولتلك والدى اكبر واقدم واحد فى العماره ده اولا يعنى المفروض يكون فى احترام من الاخرين اللى اصغر منه سننا ومركزا وثانيا من حقنا شقتين يعنى رأى والدى بأتنين

ثالثا ضيفنا لما بنروح عنده مصر الجديده اللى هى مافيش حد يعرف يركن فيها بيخلى واحد من الجيران يشيل عربيته ويركنها بعيد عشان ده من المنطقه يقدر يركنها فى اى حته وهو مطمئن ومايتضايقش وبركن مكانه ...


رابعا احنا فى شهر رمضان وفى رمضان او غيره ماينفعش ترد على الغلط بغلط اكبر منه واستفزاز وماتلومنيش وتقول انها غلطتى عشان لو الراجل شايف ان دى غلطه مننا ماينفعش ابدا ومطلقا انه يعمل كده ويبجح فى والدى لما يكلمه


كل سنه وانتم طيبين

شعوركم بالتفوق النوعي على الراجل دي مشكلتكم مش مشكلته هو

انت قلت ان في مكان مخصص ليه لما جه يسكن ..يعني اتفاق حتى ولو كان على سبيه الهبة أو التنازل منكم فمش اصول التعامل انك ترجع تسحب هبتك وقت ما تحب...و طبعا ولا ينفع تخالف اتفاقك لما تحتاج مكان استأجر الشقة وهو عارف انه مخصص ليه ...


الحاجة التانية موضوع اكرام الضيف و ان ضيفك بيكرمك دي برضه حاجة لا تخص جارك في شيء
ده تبرير لنفسك انك صح قدام نفسك

لكنه لا يبرر أي شيء لجارك


مقام والدك الكبير لا يعني انه منه حقه يعمل ماشاء في عمارة يملك نصفها بدون حق الجار في الرجوع عليه ...مادام والدك كبير المكان كان اولى بيك انك تحافظ على مكانته و تخليه دايما أكبر من الحاجات الصغيرة دي .


أما بما اننا في شهر رمضان فالجملة الصحيحة هي اننا بلاش نبدأ بالغلط في جارنا و نعيب عليه الرد ايا كان شكله

________________
دي من أكبر مشاكل التعامل مع الناس انك ما تشوفش الموضوع من فوق لو انت طرف فيه
دايما شوف الموضوع من تلات زوايا

زاويتك وزاوية محايدة و زاوية اللي قدامك

و اعرف انك تكسب نفسك و ضميرك و عقلك لما تقدر توصل للرأي الصح من أبعد الزوايا منك

المشاركة الأصلية كتبت بواسطة evoo90

ياشباب اقروا ردى كويس عشان تعرفوا مين الغلط قبل ماتبرروا مشكله من دماغكم وعلى مزاجكم !!

الكلام تقراه انت تاني و تقوله لنفسك

المشاركة الأصلية كتبت بواسطة ahmed samy

الكلام تقراه انت تاني و تقوله لنفسك

شكرا استاذ احمد على ذوق حضرتك
حضرتك بتتكلم من مكان والمشكله فى مكان استحاله حضرتك توصله عشان كده مش شايف الا جزء منه !!

المشاركة الأصلية كتبت بواسطة Ahmed Samy

شعوركم بالتفوق النوعي على الراجل دي مشكلتكم مش مشكلته هو

انت قلت ان في مكان مخصص ليه لما جه يسكن ..يعني اتفاق حتى ولو كان على سبيه الهبة أو التنازل منكم فمش اصول التعامل انك ترجع تسحب هبتك وقت ما تحب...و طبعا ولا ينفع تخالف اتفاقك لما تحتاج مكان استأجر الشقة وهو عارف انه مخصص ليه ...


الحاجة التانية موضوع اكرام الضيف و ان ضيفك بيكرمك دي برضه حاجة لا تخص جارك في شيء
ده تبرير لنفسك انك صح قدام نفسك

لكنه لا يبرر أي شيء لجارك


مقام والدك الكبير لا يعني انه منه حقه يعمل ماشاء في عمارة يملك نصفها بدون حق الجار في الرجوع عليه ...مادام والدك كبير المكان كان اولى بيك انك تحافظ على مكانته و تخليه دايما أكبر من الحاجات الصغيرة دي .


أما بما اننا في شهر رمضان فالجملة الصحيحة هي اننا بلاش نبدأ بالغلط في جارنا و نعيب عليه الرد ايا كان شكله

________________
دي من أكبر مشاكل التعامل مع الناس انك ما تشوفش الموضوع من فوق لو انت طرف فيه
دايما شوف الموضوع من تلات زوايا

زاويتك وزاوية محايدة و زاوية اللي قدامك

و اعرف انك تكسب نفسك و ضميرك و عقلك لما تقدر توصل للرأي الصح من أبعد الزوايا منك

يا احمد تمام ماشي
بس هو الحوار كله ان evo ليهم نسبة اكبر بكتير و الراجل مش مكتوبله ان ليه جراج اصلا و كمان فعلا ديه اجرة و مالهاش مواعيد و هو خلي ضيفه يركن علي اساس ان التاني في الشغل و بعدين هو كان قايل ليه ان المكان ده هو ممكن يبقي يركن فيه انما مش اساسي بتاعه و مع ذلك سايبينه طول المده ديه يعني كان المفروض يعدي الموقف يعني مش كمان يبجح مع والده

و انا رأيي عدو الموقف يا جماعة و خلاص بس تبقي تقولو يا ايفو ان اللي حصل ده ميصحش و كنت تعديها
و بلاش تخسرا بعد لأنكم ساكنين يعتبر في حتة واحدة و مش هتفضلو عايشين في عدوانية و قلق دايما

المشاركة الأصلية كتبت بواسطة evoo90

شكرا استاذ احمد على ذوق حضرتك
حضرتك بتتكلم من مكان والمشكله فى مكان استحاله حضرتك توصله عشان كده مش شايف الا جزء منه !!

لو تقصد معنى تاني بشكري على "ذوقي" فأنا ماقصدتش حاجة الا النص تماما ...

أما ان المكان استحالة أوصله ...فلو أخدنا المعنى الأقرب للجملة ....أنا ممكن أوصل اي حتة ....أبعد مما تتخيل

بجسدي ....و أبعد أيضا بعقلي اللي الحمد لله ما بيكسفنيش كتير

يا جدعاان بسسسسسس احنا داخلين نشوف اراء بعض و نتناقش مش نمسك لبعض
و علشان خاطري نهدي بقي دحنا كلنا شباب في قلب بعض !!

المشاركة الأصلية كتبت بواسطة semsem_uno

يا احمد تمام ماشي
بس هو الحوار كله ان evo ليهم نسبة اكبر بكتير و الراجل مش مكتوبله ان ليه جراج اصلا و كمان فعلا ديه اجرة و مالهاش مواعيد و هو خلي ضيفه يركن علي اساس ان التاني في الشغل و بعدين هو كان قايل ليه ان المكان ده هو ممكن يبقي يركن فيه انما مش اساسي بتاعه و مع ذلك سايبينه طول المده ديه يعني كان المفروض يعدي الموقف يعني مش كمان يبجح مع والده

و انا رأيي عدو الموقف يا جماعة و خلاص بس تبقي تقولو يا ايفو ان اللي حصل ده ميصحش و كنت تعديها
و بلاش تخسرا بعد لأنكم ساكنين يعتبر في حتة واحدة و مش هتفضلو عايشين في عدوانية و قلق دايما

توضيح لحتته انه مالوش مكان جراج
احنا واخدين الشقق بعقد من الشركه عشان كده مكتوب فيه موضوع الارض لكن ده واخدها بعقد من اللى كان قاعد فيها ومش مذكور فيها اى حاجه عن الارض عشان هى ملك الشركه والشركه هى الوحيده اللى تسمح بحق الانتفاع بيها يعنى مالووووش حق يعمل كده ايا كان ويبجح كمان
عموما قصه منتهيه المنتدى ماشاء الله بجد عمران بأهله الكرام اللى كل مااكتب موضوع اشتكى فيه حد بيطلعونى شيطان وانى غلطان فى كل حاجه كل واحد عايز يثبت انه بطل وخلاص بكلمتين حلوين مش مهم يجيى على غيره المهم ان ربنا وهبه لسان بيتكلم بيه كويس وبيخرج بيه اجمل االشعار يبقى بطل

الانسان مش بلسانه وكلامه المتعطر الانسان روح الجسد اللى احنا فيه ده مجرد اداه وهبها لينا ربنا لكن احنا روووح وكل روح بتستخدم جسدها بطريقه معين سواء عضلات او حاسه من الحواس بال1ات اللسان اللى ماشاء الله كله بارع فى استخدامه ضد اى حد عشان يثبت انه هو مافيش زييه
ربنا يرحمنا