حادثة نيو اكسنت بالصور تفتكرو حد عاش من اللي قدام؟!!

**lovermohamed** · 16-08-2010 04:39 PM

المشاركة الأصلية كتبت بواسطة drmax

هوه حضرتك مش عايز تقول ايه اللى حصل علطول ليه؟؟!!!!
الموضوع مش مستاهل ان حضرتك تسيب كل واحد يقول كلمة عشان تشوف سناريوهاتنا ومين السناريو الاقرب!!
عامة ايا كان السناريو حمد الله على سلامة حضرتك ويارب لو كان حد معاك يكونو كلهم بخير

لو مش عاوز تشترك ما تشتركش بس بلاش الرد الناشف ده وبعد اذنك حرفع ردك للادارة هي اللي تتصرف في طريقتك دي لان بمنتهى السهوله ممكن تتجتهل المشاركة تماماً

**lovermohamed** · 16-08-2010 04:42 PM

المشاركة الأصلية كتبت بواسطة medo2o1o

انا بقى تحليلى خيالى شوية
بس حاسس ان ده اللى حصل
انت حد لبس فيك من ورة خلى العربية تعوم و لبست انت من قدام فى شىء معدنى بس على الارجح بسن او حاد(جنب مقطورة او الحاجات الحديد اللى جنب الطريق ) و من ستر ربنا انك دحلت بالعربية بجنبها اكنك بتحك فيه بس الحكةطبعا اكنها قشرت الصاج من على الرفرف و الباب

الخبطة الاولانية كانت من قدام في عجلة مقطورة وهي بتلف مفاجئ من u تيرن على سرعة 110كم س

بس الله ينور

**DrMax** · 16-08-2010 05:26 PM

المشاركة الأصلية كتبت بواسطة lovermohamed

لو مش عاوز تشترك ما تشتركش بس بلاش الرد الناشف ده وبعد اذنك حرفع ردك للادارة هي اللي تتصرف في طريقتك دي لان بمنتهى السهوله ممكن تتجتهل المشاركة تماماً

ردى مش ناشف ولا حاجة...ده تعبير عن رايى بدون تجاوزات ...وعلى فكرة ده مش رايى لوحدى تقدر تراجع الردود
وعامة ارفع ردى للادارة براحتك زى مبتقول لان بمنتهى البساطة انا مش شايف اى تجاوز ولو بسيط حتى فى كلامى

**M.Osman** · 16-08-2010 06:15 PM

عربية هيونداي و طبعاً مفيهاش فرامل زي ما المشككين بيفتوا

ههههههههههههههههههههههههه هههه

حمد لله على السلامة

**Donzi** · 16-08-2010 06:26 PM

لا حول و لا قوة الا بالله

بجد اللي يشوف بلاوي الناس تهون عليه بلوته

و ايا كان السيناريو - لان مش هاعرف اتخيله - فاقدر الله و ما شاء فعل

و اهم حاجة بس تطمنا على الناس اللي كانو في العربية

و حمدالله على سلامتك

**lovermohamed** · 17-08-2010 12:57 PM

المشاركة الأصلية كتبت بواسطة fawzyyyy

يبقي اكيد بعد اما خبط في عجلة المقطورة العربية لفت منك بالعرض و اللي جاي وراك لبس في الجنب الشمال

بس حمدالله علي سلامتك و كويس ان محدش حصله حاجة

كنت ماشي في الحارة الشمال على طريق القاهرة - اسكندرية الصحراوي وبعد قرية الاسد ب 2 كيلو وعند الدوران اللي قدام شركة انابيب البترول كان فيه مقطوره ماشية في الحارة اللي في النص فاديتله كام قلاب نور وكنت ساعتها على 110 كم فعديت الديل بتاعة وفجأه كسر الدركسيون شمال وعاوز يلف الملف اللي مكنش شايفه وفجأه شافه بس من غير مايبص في المراية.
فكل اللي ربنا الهمني بيه اني كسرت الدركسيون على آخر الشمال علشان اقلل من المساحه اللي في اليمين اللي حتخبط في كاوتش واكصدام المقطورة لغاية محسيت ان الفرده الشمال عندي خبطت في الجزيره وفي الثانيه التانية حصل الاصطدام وساعتها صممت ان مايغماش عليا وشفت الازاز الامامي وهو بيتكسر وبعد الاصطدام على السرعه دي العربية لفت وعدت الجزيرة للاتجاه المقابل ولسوء الحظ والحمد لله برده كان فيه عربية ربع نقل بتهدي علشان تاخد الملف والسواق بتاعها فوجئ بيا بطير عليه من الاتجاه التاني من فوق الجزيره وصدمته بالجنب الشمال ورايا في وش عربيته (اللي اتدمر) فحدفني على الحاره اللي كنت فيها ووقفت العربية مكانها.

**MEMES** · 17-08-2010 01:12 PM

لا حول ولا قوه الا بالله
وسواق النقل الله لا يسامحه ابدا. عملت معاه ايه

**Ayman-Ahmed** · 17-08-2010 02:21 PM

المشاركة الأصلية كتبت بواسطة lovermohamed

كنت ماشي في الحارة الشمال على طريق القاهرة - اسكندرية الصحراوي وبعد قرية الاسد ب 2 كيلو وعند الدوران اللي قدام شركة انابيب البترول كان فيه مقطوره ماشية في الحارة اللي في النص فاديتله كام قلاب نور وكنت ساعتها على 110 كم فعديت الديل بتاعة وفجأه كسر الدركسيون شمال وعاوز يلف الملف اللي مكنش شايفه وفجأه شافه بس من غير مايبص في المراية.
فكل اللي ربنا الهمني بيه اني كسرت الدركسيون على آخر الشمال علشان اقلل من المساحه اللي في اليمين اللي حتخبط في كاوتش واكصدام المقطورة لغاية محسيت ان الفرده الشمال عندي خبطت في الجزيره وفي الثانيه التانية حصل الاصطدام وساعتها صممت ان مايغماش عليا وشفت الازاز الامامي وهو بيتكسر وبعد الاصطدام على السرعه دي العربية لفت وعدت الجزيرة للاتجاه المقابل ولسوء الحظ والحمد لله برده كان فيه عربية ربع نقل بتهدي علشان تاخد الملف والسواق بتاعها فوجئ بيا بطير عليه من الاتجاه التاني من فوق الجزيره وصدمته بالجنب الشمال ورايا في وش عربيته (اللي اتدمر) فحدفني على الحاره اللي كنت فيها ووقفت العربية مكانها.

لا حول ولا قوة الا بالله والحمد لله على كل حال.

بس كنت عاوز اسالك يا محمد هو سواق النقل مكنش مدى اشارة خالص ولا بايده حتى.
هو انت لما وصلت لديل المقطورة وفهمت انه بيدور على ملف وداخله معلقتش ايديك على الكلاكس ولا حاولت تحرق تطلع منه.

والحمد لله ان ربنا الهمك انك تقلل من المساحة اللى تفادى بيها اكبر مساحة فى اليمين.فيه ناس كتير فى اوقات زى ديه مخها بيتوقف.

هو انت بتقدر ازاى تتحكم فى مخك وتصمم انك ميغماش عليك من هول الصدمة والموقف اللى انت فيه.

معلش يا محمد الاسئلة كتيرة بس عاوز افهم وده طبعا لو قادر تتكلم اكتر عن الحادثة.

**Donzi** · 17-08-2010 04:33 PM

طيب طمننا بقى على الناس اللي كانو راكبين معاك هو دة الاهم

فداكو العربية المهم البني ادمين

-

الموضوع: حادثة نيو اكسنت بالصور تفتكرو حد عاش من اللي قدام؟!!

LinkBack

أدوات الموضوع

عرض

-

-

-

-

المواضيع المتشابهه

الرفرف اللي قدام اتشق

حادثة قدام عيني لعربية ماكنتش أتوقع منها كدة

حادثة قدام هايبر

الكشاف اللي قدام دخل فيه تراب

الكلمات الدلالية لهذا الموضوع

المفضلات

المفضلات

ضوابط المشاركة