الموضوع: حادثة نيو اكسنت بالصور تفتكرو حد عاش من اللي قدام؟!!

المشاركة الأصلية كتبت بواسطة emo_ayman

لا حول ولا قوة الا بالله والحمد لله على كل حال.

بس كنت عاوز اسالك يا محمد هو سواق النقل مكنش مدى اشارة خالص ولا بايده حتى.
هو انت لما وصلت لديل المقطورة وفهمت انه بيدور على ملف وداخله معلقتش ايديك على الكلاكس ولا حاولت تحرق تطلع منه.

والحمد لله ان ربنا الهمك انك تقلل من المساحة اللى تفادى بيها اكبر مساحة فى اليمين.فيه ناس كتير فى اوقات زى ديه مخها بيتوقف.

هو انت بتقدر ازاى تتحكم فى مخك وتصمم انك ميغماش عليك من هول الصدمة والموقف اللى انت فيه.

معلش يا محمد الاسئلة كتيرة بس عاوز افهم وده طبعا لو قادر تتكلم اكتر عن الحادثة.

سواق النقل رنا يسامحه لا كان مدي اشاره ولا طلع صباعه ولا اي حاجه هو شاف الملف فقام كسر شمال ووووو

انا كنت على 110 عند الديل وهو ييجي 60 فلايمكن للمساحه الفاضله اني اقف او حتى الكلاكس مكانش حيجيب نتيجة

اما ازاي صممت ان مخي مايغماش عليه واني فكرت في تقليل المساحه اللي حتصطدم بالمقطوره فدي نتيجه تدريبات بتخليك ماتقاومش السرعه بل سايرها لو مقدرتش تقاومها زي ماحصل معايا في الحادثة فطلعت منها باضرار بسيطه جداً

[overline]والحمد لله[/overline]

المشاركة الأصلية كتبت بواسطة attaromar

انت اللي كان قاعد جانبك حصله حاجة ...العربية اتعجنت ياعم و لكن لله ما أخذ و لله ما أعطى و أحب اعرف منك هتعمل إيه بعد كده؟....الناس اللي معاك المهم تمام و مفيش خسائر في الارواح؟

حضرتك القدر عماك و كان ممكن تمسك فرامل في الثانية دي ...و العربية لسة زيرو و اكيد الفرملة كانت هاتساعدك
قدر الله و ماشاء فعل ....دي غلطة سواق و الغلطة مشتركة بينك و بين سواق المقطورة...و ساعة القدر يعمى البصر بس كان ممكن تمسك فراملكو العربية كانت هاتساعدك بس قدر

هل حضرتك مأمن على العربية؟
و ياترى هتنوي تصلحها فين
و ربنا يوفقك

لا يمكن باي حال انك تمسك فرامل وتنزل للصفر من 110 في اقل من 10 متر الا لو مركب تيل سيراميك

ثانيا ودي الكارثة بجد ان علبال متنزل السرعة نقول ل 50 كم ومع القصور الذاتي الرهيب حتكون المقطوره كسرت شمال عليا اكتر وبالتالي حيكون التصادم وش عربيتي بالكامل في جنب المقطورة فعربيتي حتقف مرة واحده فالاضرار حتتضاعف لكن كده الصدمه جت في جنبي اليمين بس بزاوية مش في الوش

فهمت قصدي

المشاركة الأصلية كتبت بواسطة donzi

لا حول و لا قوة الا بالله

بجد اللي يشوف بلاوي الناس تهون عليه بلوته

و ايا كان السيناريو - لان مش هاعرف اتخيله - فاقدر الله و ما شاء فعل

و اهم حاجة بس تطمنا على الناس اللي كانو في العربية

و حمدالله على سلامتك

عرفت بقى ان حادثتك بسيطه والحمد لله

كانت مراتي جنبي ودي طبعا كانت اكثر المضارين لانها كانت نايمة وسانده راسها على قايم النص
وورايا كانت بنتي 3 سنين ودي طارت وكسرت الشباك وخرجت بره بس عندها اصابات بسيطه خالص
وورا مراتي كانت حماتي اللي اتكسر كرسي مراتي ورجع لورا وكسرلها الحوض والرجل اليمين والدراع الشمال

وكل ده بسبب سواق نقل

حسبي الله ونعم الوكيل

المشاركة الأصلية كتبت بواسطة fawzyyyy

يا عم الحمد لله انك محصلكش حاجة و اللي كانوا معك كويسين و في داهية العربية

و الراجل بتاع الربع نقل حصله حاجة ؟؟
و عملت ايه مع سواق المقطورة اللي حيودونا في داهية الله يسامحهم

الراجل بتاع الربع نقل جالي وهو شايف الواقعه بالكامل وقالي تسألني في حاجه يابني انا مسامحك كفايه اللي جرالك
قلتله ربنا يسهلك يا حاج انت تسألني ف حاجه


اما سواق المقطوره فربنا يسامحه
لما جت الاسعاف وودت مراتي وحماتي المستشفى والمستشفى كلمتني وطمنتني انهم حيعيشو فسامحته وقلت لنفسي حاجري ورا تعويض مادي بس ممكن اخسر حد فيهم

بجد يتريت سواقين النقل او على الاقل 95% منهم يفهمو لانهم وللاسف معظمهم فوضويين ومش مدركين اهمية حياه الانسان لانه واخد ان على الهلهلي وده ناتج عن قله التعليم وضعفه وكفاية كده احسن الكلام في موضوع التعليم ده ملهوش اخر

وربنا يكفيكو شر السواقين والطرق