حادثة نيو اكسنت بالصور تفتكرو حد عاش من اللي قدام؟!!

**Donzi** · 21-08-2010 03:55 AM

المشاركة الأصلية كتبت بواسطة lovermohamed

عرفت بقى ان حادثتك بسيطه والحمد لله

كانت مراتي جنبي ودي طبعا كانت اكثر المضارين لانها كانت نايمة وسانده راسها على قايم النص
وورايا كانت بنتي 3 سنين ودي طارت وكسرت الشباك وخرجت بره بس عندها اصابات بسيطه خالص
وورا مراتي كانت حماتي اللي اتكسر كرسي مراتي ورجع لورا وكسرلها الحوض والرجل اليمين والدراع الشمال

وكل ده بسبب سواق نقل

حسبي الله ونعم الوكيل

حسبي الله و نعم الوكيل فعلا

و بجد انا اضايقت اوي من اللي انت قلته دة ، ربنا يقومهالك بالف سلامة يا رب
معلش الكسور بتاخد وقت بس من رحمة ربنا علينا ان العظم بيبني نفسه تاني و بيرجع زي الاول و ان شاء الله حماة حضرتك تقوم بالسلامة بس هي ماتزهقش بسرعة و تصبر و ان شاء الله هاتكون احسن من الاول
طب و مرات حضرتك بتقول انها اكثر الماضرين ؟؟ عاملة ايه دلوقتي ؟؟
و الف حمدالله على سلامة بنتك مع ان الوصف يخض جدا بس الحمد لله ربنا ستر و مفيش اصابة جامدة

**ashouhdy** · 21-08-2010 04:12 AM

انت بتتكلم بجد والكلام دة حقيقى

**shaddadfalcon1** · 21-08-2010 10:33 AM

لسه وانا جاي دلوقتي ماشي في امان اللي في النص ونقل كبير ماشي في الشمال وفجاه لقيت حاجه عاليه وكبيره وفي ضل(shadow) كبير جاي عليا
قمت حادف يميين وشادد وبعد ماعديت لقيته مشغل الأشاره اليمين يعني هو ادا اشاره وانا قصاده وقام واخد يميين علي طول

حاجه تشل

بس انا عندي سوال لحضرتك: هو انت كنت عارف ان فيه U-Turn ولو كنت عارف هل كنت داخل فيه ولا لآ؟

**lovermohamed** · 22-08-2010 06:09 PM

المشاركة الأصلية كتبت بواسطة ashouhdy

انت بتتكلم بجد والكلام دة حقيقى

بجد والله وحوريكو العربية بعد ما تيجي من التوكيل
قريب انشاء الله

**lovermohamed** · 22-08-2010 06:11 PM

المشاركة الأصلية كتبت بواسطة mmffor

و سواق المقصوره سيادتك سبته و قلتله ربنا يسامحك! اني صائم يا اخي! انا مش حرد عليك! بس لو انا لكنت جبت قالب طوب و نازل بيه على دماغه لحد ما اعمله ارتجاج في المخ و شلل نصفي علشان يبطل يسوق طول حياته او على الاقل لو انا طيب ارفع عليه قضيه شروع في قتل و تعريض حياة الاخرين للخطر على الاقل يتحبس 6 شهور يفكر في اللي عمله او يلغوا رخصة سواقته و يدفع التعويض كامل ان شاءالله تحطه في جامع

السواق اخد 3 شهور حبس
لو على الفلوس يا جميل تتعوض لكن البشر تفتكر يتعوضوا؟!!

**lovermohamed** · 22-08-2010 06:20 PM

المشاركة الأصلية كتبت بواسطة donzi

حسبي الله و نعم الوكيل فعلا

و بجد انا اضايقت اوي من اللي انت قلته دة ، ربنا يقومهالك بالف سلامة يا رب
معلش الكسور بتاخد وقت بس من رحمة ربنا علينا ان العظم بيبني نفسه تاني و بيرجع زي الاول و ان شاء الله حماة حضرتك تقوم بالسلامة بس هي ماتزهقش بسرعة و تصبر و ان شاء الله هاتكون احسن من الاول
طب و مرات حضرتك بتقول انها اكثر الماضرين ؟؟ عاملة ايه دلوقتي ؟؟
و الف حمدالله على سلامة بنتك مع ان الوصف يخض جدا بس الحمد لله ربنا ستر و مفيش اصابة جامدة

هما خفوا كلهم الحمد الله ورجعوا زي الاول تقريباً
الحادثة كانت ف شهر اكتوبر 2009

بس بجد يا ريت نعمل موضوع نطالب فيه بطريق مخصوص للنقل بكل انواعه يكون بعيد عن الملاكي والاجره علشان بجد السواقين دول بيسببوا ضحايا كتير اوي ولقو ان حوالي 76% من حوادث طريق مصر اسكندرية الصحراوي سببها عربية نقل

وربنا يستر علينا كلنا

**attaromar** · 25-08-2010 10:31 AM

10000 حمد لله على سلامتك و سلامة الاسرة.....السؤال المهم اكيد انت كنت مأمن على العربية مش كده؟؟؟
و ياترى اتكلفت كام في التوكيل( انهي فرع؟)....و هل ياترى مانيوال ال مايكروكات اللى حضرتك عاملتله موضوع مخصوص قبل كده كان بعد الصيانة...و انت كنت ناوي تعمل تعديلات ايه فيها؟؟؟؟
ياترى قعدت قد ايه في التوكيل ؟
و شكرا

**tutankhamoun** · 25-08-2010 12:23 PM

أولا الحمد لله أن مفيش خسائر في الأرواح و الحمد لله أن أهلك رجعوا بالسلامة كويسين زي الأول .

و بالنسبة لسواقين النقل ................. ربنا ياخدهم ........... و يأخد اللي سايبهم يموتوا في الناس
أصلها منظومة كبيرة فاسدة ........... العلاج صعب

-

الموضوع: حادثة نيو اكسنت بالصور تفتكرو حد عاش من اللي قدام؟!!

LinkBack

أدوات الموضوع

عرض

-

-

الف حمد لله على السلامة -

-

المواضيع المتشابهه

الرفرف اللي قدام اتشق

حادثة قدام عيني لعربية ماكنتش أتوقع منها كدة

حادثة قدام هايبر

الكشاف اللي قدام دخل فيه تراب

الكلمات الدلالية لهذا الموضوع

المفضلات

المفضلات

ضوابط المشاركة