الموضوع: مقارنه بين ثبات السيارات الكورى واليابانى والالمانى على مطبات الهواء فى الطرق المصريه

المشاركة الأصلية كتبت بواسطة tarekmomo

طبعا العربيات الالمانة اكثر السيارات ثباتا فى مطبات الهواء والمنحنيات يليها اليابانى والفرنساوى

يليها الكورى

قبل الياباني والفرنساوي عندك الايطالي

وبعدين احنا مش هنقارن العربيه بجنسيتها وبلد الصنع لان مثلا عربيه زي الجين2 ماليزي وثباتها اعلى من الياباني في رأيي ماعدا الهوندا لانها منخفضه

المشاركة الأصلية كتبت بواسطة richman

في عضو فاضل قال "اللي مركبش الماني مركبش عربيات"

+111
الكلام ده الصح حتي لو العربيه موديل كام بس احسن في الثبات من الجديد الياباني والكوري
يعني اكتر عربيه بشوفها مقلوبه عالطريق هي اللانسر

المشاركة الأصلية كتبت بواسطة noctis

قبل الياباني والفرنساوي عندك الايطالي

وبعدين احنا مش هنقارن العربيه بجنسيتها وبلد الصنع لان مثلا عربيه زي الجين2 ماليزي وثباتها اعلى من الياباني في رأيي ماعدا الهوندا لانها منخفضه

+1111

المشاركة الأصلية كتبت بواسطة LeperMessiah

الترتيب يا باشا بالاقدميه و الكريستاله كانت عربيه الوالده مش عربيتى شخصيا علشان كنت لسه صغير ماكنتش اشتريت عربيات و اول واحده اشتريتها من فلوسى كانت الويرا


عموما احسن عربيه ركبتها فى دول هى السيفيك مع ملاحظه انى ركبتها بره مصر بأمكانات اعلى و فى طرق انضف 100 مره من هنا و هناك مابيفرقش معاك سعر اعاده البيع

يارب اكون وضحت

شكرا علي الرد
بس الويرا ايه ترتيبها في دول
مع العلم ان الويرا كانت متصممه قبل الشراكه اللي بين بروتون و لوتس
واول ثمره لشراكتهم هي الواجا وبعد كده الجين 2
وهما دول اللي واضح فيهم ثباتهم علي لمنحنيات ومطبات الهوا
واسف علي الاطاله

طبعاً انا لو حاتكلم عن الياباني ........ السوبارو الامبريزا طبعاً من اثبت العربيات الياباني يليها هوندا سيفيك و يليها دايهاتسو تريوس .... ( عن تجربة )

الألماني طبعاً لا غبار عليه ....... فولكس او بي ام او مرسيدس او اودي كلهم فيهم تكنولوجيا امان عالية جداً ...... يعني مش ح اقدر اتكلم عن الالماني ......

الأمريكاني فورد معروف عنها ثباتها و التكنولوجيا بتاعتها ...... كذلك الجيب و الدودج و الجي ام سي ......

الكوري ... مقدرش احكم لأني مركبتش كوري الا قليل قوي ... فمش ح اقدر احكم بالقليل ....

الايطالي ....... و الله في ناس بتنتقده اشد النقد و في ناس بتشكر فيه ..... و انا من الناس اللي بتشكر فيه :)

و انا شايف ان العربية الأقرب للألماني في التكنولوجيا و الثبات ....... السوبارو .... بجد و عن تجربة فعلاً من اثبت العربيات في فئتها ...... عربية ظهرت فيها جودة الصناعة اليابانية ..... هيا و الهوندا .... :)

موضوع جميل جدا و مفيد للجميع ان شاء الله
عن تجربتي مع اغلب صناعات العالم
الكوري بحس انه عاوز يطير في مطبات الهواء ليه مش عارف! ثواء الانترا او الفرنا بالزات الانترا 80% من صحابي اتقلبو بيها منعدمه الثبات بكل ما تعنيه الكلمه و ناس صحابي اتقلبو بيها علي سرعه اقل من 80!! اما السياراتو فهي افضل منهم بكثر جدا ثباتها جيد لكن متورها قوي و بعد ال120 بتخف اوي ليه مش عارف مع انها ابل ال120 بتكون ممتازه بللنسبه لصناعتها
الباني و هي الوسط بين القمه و القاع متسوبيشي مزدا هندا ثبتين جدا بسم الله ما شاء الله اما تيوتا اغلب سياراتها لو مكنتشي كلها منعدمه الثبات ايضا
هندا هي ملكه الصناعه اليابانيه و تيلها مزدا في الثبات ثم لانسر و احب اقول كام موقف لي مع سيارتي لانسر 1.3 اوتو
كبري صغير علي طريق جمصه الساحلي علي سرعه 150 طرت من عليه مسكت فرامل و انا طاير(بعض السنتي مترات مش طيران طيران يعني) و نزلت زحفت و هدد لان كان ادامي عربيات و معومتشي ولا فكرت في الموضوع ده خالص
بعدي غرزه من عربيه نقل لقيت ادامي عربيه كرو جيه مخالف من سرعه 170 لأقل من 70 في لحظات من غير ما تزحف و رجعت ورا النقل
سرعه 170 علي طريق جمصه الساحلي في اتجاه الذهاب لجمصه في النصف الثاني يعني اصعب ملفات ممكن تشفها في حياتك كنت بشد مع جتا و خد ملف صعب جدا العربيه زحفت جامد في نص الملف و بعدين كملت جري و كأن شئ لم يكن!!!(اما الجتا خدد الملف كأنها علي 20 و كملت جري عادي اصله كان فاتح التكييف اصلا)عربيات تعقد
بس بردو اليباني محتاج سواق عشان يقدر يسيطر علي العربيه و يكون فهمها كويس
اما الاماني من بي ام الفئه الثالثه بكل اصداراتها صاحبه العفشه المتحجره و الثبات الخرافي الي عقدني في الدنيا كلها الي متعه القياده الخرافيه داخلها من صوت المحرك لصوت الاطارات في الارض الاثاره الي بتعملها العفشه بتعتها لاسم بي ام الرياضي الي ميمفعشي تخليه في ايدك مش رياضي
الي مرسيدس الرائعه الي مش بحس اني في الدنيا اصلا داخلها و عفشتها الناعمه الي ابعد الحدود و عدم الاحساس بالسرعه يعني ممكن اقفل العداد و انا حاسب اني لسه علي 80 بس عموما كانت اكثر سرعه لي معاها 140 لاني كنت مرعوب عليها و كان ثباتها خرافي و من ال0 العربيه عوزه تنطلع الي اقصي سرعتها e240
الي الباسات بمحرك 1.6 لم اري موتور 1.6 بقوته ابدا علي سرعه 180 و بنكسر العجل جامد في غرز يادوب علي العربيه العجل يتكسر يمين شمال ورا بعض علطول عادي جدا و ملفات قويه جدا علي سرعه 200 عادي جا بردو ملفات 90% علي سرعه 120 و مبنرضاش نزود
اما الامريكي و باقي الاتحاد الاوروبي فهو قريب للألماني لكن لو تتاح لي الفرصه لقيادته

عموما علي رئي الميكانيكيين الي مركبشي الماني يبقا مركبشي عربيات