مقارنه بين ثبات السيارات الكورى واليابانى والالمانى على مطبات الهواء فى الطرق المصريه

**M.Akef** · 24-08-2010 04:10 PM

المشاركة الأصلية كتبت بواسطة alios

و انا شايف ان العربية الأقرب للألماني في التكنولوجيا و الثبات ....... السوبارو .... بجد و عن تجربة فعلاً من اثبت العربيات في فئتها ...... عربية ظهرت فيها جودة الصناعة اليابانية ..... هيا و الهوندا .... :)

دا عشان السوبارو دفع رباعي مستمر زيها زي الانسر افليوشن ولا حضرتك مشفتش توب جير لما اللومبورغيني فقدد ثباتها و لفت حولين نفسها و الايفو كملت جري

**N.a.j.d** · 24-08-2010 04:19 PM

معلش ع السوال دا يعني ايه عفشه ناشفه

**tornado732000** · 24-08-2010 07:00 PM

فى حاجة يا جماعة ثباتها أعلى كمان من الألمانى بس للاسف مش ماشية فى مصر وهيا العربيات الأمريكانى نفسى مصر تبقى عاملة زى دول الخليج ويبقى فيها كل أنواع السيارات بس ده عيب الوكلاء فى مصر

**M.Akef** · 24-08-2010 08:23 PM

المشاركة الأصلية كتبت بواسطة tornado732000

فى حاجة يا جماعة ثباتها أعلى كمان من الألمانى بس للاسف مش ماشية فى مصر وهيا العربيات الأمريكانى نفسى مصر تبقى عاملة زى دول الخليج ويبقى فيها كل أنواع السيارات بس ده عيب الوكلاء فى مصر

حضرتك لا شئ يعلي علي الصناعه الالمانيه فالمحركات الالمانيه اقوي محركات في العالم من زمن بعيد
ولا حضرتك مسمعتش عن الماكينات الالمانيه في كاس العالم

الامركان كويسين و كل حاجه لكن مفيش فن ولا تكنولوجيا عاليه زي الالمان لانهم اصلا مش بيعملو عربيتهم لينا هما عملين عربيتهم لنفسهم و بيحبو الحجم العملاق و المحركات الكبيره(علي الفاضي) و حاجه كتير من الناس و خاصتا العرب عرفنها ال6 سلندر امريكي بينافس 4 سلندر يباني و ياريت تراجع الموستنج و الz350 و ال4 سلندر الماني بتربي ده و ده و ياريت تراجع الslr 8 سلندر و وخده الترتيب ال6 علي العالم و العاشر بورش كريرا جي تي الي هي 12 سلندر و للعلم مرسيدس مش بتعمل اكثر من 8 سلندر لانها مش محتاجه تكبر عن كدا مش لانها مش قدره تكبر عن كدا
الصناعه الوحيده الي تقدر تنافس الالمان في القوه(اما الفخامه و الامان و الرفاهيه فلا يعلي علي الالمان فيها) الايطاليين اي فيراري و فيات و معشوقتي الفا روميو(محدش يقول امال فين اللمبورجيني الي هي 16 سلندر اصلا وسط الكلام ده انا بتكلم علي مودلات تنافس بعضها مش العمالقه في المركات) غير كدا بيقفو يتفرجو بس

**ahmedsadek82** · 24-08-2010 08:34 PM

المشاركة الأصلية كتبت بواسطة tornado732000

فى حاجة يا جماعة ثباتها أعلى كمان من الألمانى بس للاسف مش ماشية فى مصر وهيا العربيات الأمريكانى نفسى مصر تبقى عاملة زى دول الخليج ويبقى فيها كل أنواع السيارات بس ده عيب الوكلاء فى مصر

العربيات الامريكاني اقل من الالماني لازم تسوق الاتنين عشان تعرف الفرق ...

يعني مستحيل الcaprice تتفوق على 5 series :) , و ده مش كلامي ....العربات الامريكاني مش بتتركب غير في امريكا و السعودية ..المشكلة مش في مصر

**ahmedsadek82** · 24-08-2010 08:35 PM

المشاركة الأصلية كتبت بواسطة medoakef

حضرتك لا شئ يعلي علي الصناعه الالمانيه فالمحركات الالمانيه اقوي محركات في العالم من زمن بعيد
ولا حضرتك مسمعتش عن الماكينات الالمانيه في كاس العالم

الامركان كويسين و كل حاجه لكن مفيش فن ولا تكنولوجيا عاليه زي الالمان لانهم اصلا مش بيعملو عربيتهم لينا هما عملين عربيتهم لنفسهم و بيحبو الحجم العملاق و المحركات الكبيره(علي الفاضي) و حاجه كتير من الناس و خاصتا العرب عرفنها ال6 سلندر امريكي بينافس 4 سلندر يباني و ياريت تراجع الموستنج و الz350 و ال4 سلندر الماني بتربي ده و ده و ياريت تراجع الslr 8 سلندر و وخده الترتيب ال6 علي العالم و العاشر بورش كريرا جي تي الي هي 12 سلندر و للعلم مرسيدس مش بتعمل اكثر من 8 سلندر لانها مش محتاجه تكبر عن كدا مش لانها مش قدره تكبر عن كدا
الصناعه الوحيده الي تقدر تنافس الالمان في القوه(اما الفخامه و الامان و الرفاهيه فلا يعلي علي الالمان فيها) الايطاليين اي فيراري و فيات و معشوقتي الفا روميو(محدش يقول امال فين اللمبورجيني الي هي 16 سلندر اصلا وسط الكلام ده انا بتكلم علي مودلات تنافس بعضها مش العمالقه في المركات) غير كدا بيقفو يتفرجو بس

أوافقك بشدة

**ahmedsadek82** · 24-08-2010 08:42 PM

دي نتائج الengine of the year awards 2010 نلاحظ تفوق ساحق للالمان بنسبة 98% و تواجد ضئيل لليابانييين و الايطاليين و غياب تام للامريكان

http://www.ukipme.com/engineoftheyear/categories.html

**Alios** · 24-08-2010 08:48 PM

المشاركة الأصلية كتبت بواسطة medoakef

دا عشان السوبارو دفع رباعي مستمر زيها زي الانسر افليوشن ولا حضرتك مشفتش توب جير لما اللومبورغيني فقدد ثباتها و لفت حولين نفسها و الايفو كملت جري

للأسف مشفتش ....

بس مش معقول .... اللبمورجيني بجلالة قدرها فقدت ثباتها .......... و الايفو كملت جري ؟!!!!!!!!!!!

ياريت لو تجيب لي الفيديو يا باشا ... ابقى شاكر ليك , ما هو الواحد مش ح يصدق الا لما يشوف بعينه :) :) :)

**M.Akef** · 24-08-2010 09:14 PM

المشاركة الأصلية كتبت بواسطة Alios

للأسف مشفتش ....

بس مش معقول .... اللبمورجيني بجلالة قدرها فقدت ثباتها .......... و الايفو كملت جري ؟!!!!!!!!!!!

ياريت لو تجيب لي الفيديو يا باشا ... ابقى شاكر ليك , ما هو الواحد مش ح يصدق الا لما يشوف بعينه :) :) :)

ولله انا عن نفسي مش مصدق بردو و حاسس انها غلطه سواق لان العربيه كانت بتاخد كل الملفات عادي و الايفو اعده تسرخ وراها و فجئه اللومبورغيني لفت حولين نفسها و وقفت! عموما انا هحاول افتكر شفته فين و خش اليو تيوب و اكتب توب جير لوبورغيني vs الايفو(بالانجليزي كله طبعا) و هتلقيه ان شاء الله

**Ralliart** · 24-08-2010 09:39 PM

اللي استنتجته بعد تجارب كتير ان العفشه الناعمه حلوه في المطبات الهواء ومريحه بس وحشه في الملفات
والعفشه الناشفه حلوه على الطريق الطبيعي ووحشه على مطبات الهواء وبتتسبب في عدم الراحه بس جامده في الملفات
وكمان لو حد بيلعب need4speed لما ييجي يعمل tuning هتلاقي ان العفشه لما تبقى soft احسن في مطبات الهواء والعربيه مبتعومش وهتلاقو الكلام ده مكتوب في الشرح بتاع الـtuning واللعبه دي بيعملها متسابقين ومهندسين عربيات ودايماً هتلاقي كلامها قريب من الواقع

كتير من الشركات حاولت تجمع بين الاتنين زي الشركات الالمانيه زي ما قلتو وزي المساعدين الكوني fsd اللي بتظبط نفسها على حسب الطريق بس طبعاً مش بكفاءه 100%

بس ساعة لما ييجو يعملو عربيه للاستخدام الرياضي العنيف ودا بيبقى على طرق سليمه مش متكسره ومفيهاش مطبات هواء بيعملو العفشه قاسيه جداً جداً زي المرسيديس sl black series لما جيرمي قال ان القعده فيها كأنك قاعد على كرسي حجر

يبقى الخلاصه ان عفشه رياضيه مش معناها ان العربيه هتبقى ثابته في كل الظروف لانها في الطرق المكسره هتكون مقرفه وكمان هتأذي الجنوط والشاسيه وهتأذيك شخصياً ومش هتدي الثبات المطلوب أبداً
لو عفشه عاديه soft هتكون في الطرق المكسره زي الفل زي الكورولا والفيرنا واللانسر 1300 (عفشه soft) مثلاً انا لما بركبهم في طريق مكسر بيكونو مريحين اكتر من اللانسر السبورت بكتير جداً بس على الطريق انسى انهم ياخدو ملفات او غرز بكفاءة العفشه الـhard

طبعاً دا بالنسبه لنظام التعليق لكن في عوامل تانيه زي الايرو ديناميكس زي مثلاً في عربيه اسمها caparo t1 خفيفه جداً ولو اخدت بيها ملف على سرعه 40 هتعوم في حين انك لو اخدته على اضعاف السرعه دي هتاخده بمنتهى الثبات لان العربيه مصممه بحيث ان الهواء بيضغط عليها ويثبتها في الارض كل ما السرعه تزيد ودا اللي بيعتمد عليه كل عربيات الفورملا والـ lemans

وفي عامل تاني وهو قوة الموتور ونوع الدفع ودا بيتحل بالانظمه المساعده زي الـesp وبقينا نشوف عربيات عزمها عالي ودفع خلفي ومبتعومش خالص بسبب الانظمه دي