الموضوع: الشامل فى عيوب شيفروليه لانوس حصرياً.

المشاركة الأصلية كتبت بواسطة mycat

الشيفورليه لانوس وجبت شيفوليه من 1/8/2010 والعربيه عامله معايا 2000 كيلو وعيوبها مثل الاخ العضو khaled4nour اما قال :
1- استهلاك البنزين عالى جدا جدا " انا مشاوري جوا البلد مصر الجديده عين شمس " بالتكييف 120كيلو فى الصفيحه من غير 175 فى الصفيحه ،،،، بره البلد من غير تكييف 250 فى الصفيحه بالتكييف 190 بالعافيه

2- العربيه سحبها ضعيييف جدا جدا ودائما فى طلعات الكبارى لو127 هتعدييك

3- الابواب لازم تترزع عشان تقفل

4- فعلا فى حدفه يمين والعربيه بتعوم جامد جدا على 100

5-التوكيل حلنجي انا روحت فرع ياسين المطار

انتا متأكد انك بتتكلم عن الشيفورليه اللانوس

طيب اللى معايا دىايه شيفورليه بطيخة
الكلام اللى بتقوله ده مش موجود عندى و انا شارى العريبة دى من 28 3 2010
و لو العيوب دى موجوده فى عربيتك روح بسرعة على الفرع الرئيسى بأبو رواش و أعملهم فضيحه و لو الراجل اللى اسمه الفرماوى ده فتح بقه اديله باللى فى رجلك هوا منصور ده فاكر انى احنا هنسكت

المشاركة الأصلية كتبت بواسطة wael_dosoky

الفرق كبير موش صغير (اعتقد 14000 جنيه مبلغ كبير موش صغير) وكمان الأفيو ظهرت منها مشاكل وشكاوي كتيرة

الفرق كبيير جدا جدا أولا فى السعر
اللانوس اقل فى السعر

قطع الغيار للانوس ارخص بكتيير

عيوب فى ضفيرة الكهرباء للأفيو

المواتيير واحده و الافيو اكبر بحصان واحد

الافيو هيا التطور الطبيعى للانوس بس ماتستهلش حاجة و تمانين الف لو بنفس سعر اللانوس يبقى كان ممكن نفكر

انا رأى انها احسن عربيه فى هذه الفئه السعريه .....................
أنا هغير من لادا روسى موديل 95 لى شيفروليه لانوس و ممعيش فلوس اعلى خالص فأريد النصيحهز

المشاركة الأصلية كتبت بواسطة sergiooo128

انا رأى انها احسن عربيه فى هذه الفئه السعريه .....................
أنا هغير من لادا روسى موديل 95 لى شيفروليه لانوس و ممعيش فلوس اعلى خالص فأريد النصيحهز

بلاش احسنلك ابعد عن الشيفروليه لانوس
انا نصحتك لوجه الله
وانت حر

المشاركة الأصلية كتبت بواسطة ahmedeg1

السلام عليكم و كل سنه و انتم طيبيين
و الله يعينا على الصيام فى الجو النار ده و يقينا شر لهيب جهنم ان شاء الله و يتقبل منا صيامنا و صلاتنا
طيب معلش اعمل اللى هاقولك عليه

فك كابل البطاريه الأرضى
و دور العربيه
طبعا العربيه مش هتدور
روح ركب كابل الطارية تانى و ربطه كويس و اقفل كبوت العربيه
و طبعا انتا ظابط فيشة الأوكتان على بنزين 95
اعمل ايدل ليرن للموتور بالطريقه التاليه
افتح الكونتاكت على وضع standbay لمدة 5 ثوانى و اقفله لمدة 5 ثوانى كرر العمليه دى مرتيين كمان
بعد كده دور العربية على وضع السلانسيه لمدة 3 دقائق و بدون اى احمال سواء تكييف او انوار او كاسيت
و بعد انتهاء ال 3 ثوانى كمل المده لحد 5 ثوانى اى ذود 2 دقيقه كمان على ال 3 دقائق بدون ان تفصل العريبة و شغل اثناء هذه ال 2 دقيقه كل حاجة فى العريبة تكييف على اخر سرعة و انوار عالية و كاسيت و شبوره لو فيه و حرك الدركسيون كمان و شغل الانتظار و نور الصالون اى بشك كامل و كل ده لمدة 2 دقيقه بعد كده اى بعد مرور ال 2 دقيقه افصل كل حاجة واحده واحده و بعد كده بطل العربيه و انتظر 15 ثانيه بعد كده دور العربيه و شغل التكييف و امشى بالعربيه و اسمع صوت الموتور و ابقى قابلنى لو سمعتله صوت تانى
أحمد

وحضرتك طيب
هو انا عملت الايدل ليرن قبل كدة بس في حاجات نسيت اعملها او معملتهاش من الحضرتك قولت عليها
ان شاء الله هجرب تاني و اقول لحضرتك علي النتيجة

السلام عليكم،

كل سنة وأنتم طيبين ....

أنا معايا لانوس 2010 وكنت عايز أعرف فيشة الأوكتين بتاعتها فين، تحت الكرسي اللي جنب السائق ولا تحت التابلوه؟

أيضا، هو أوتو ماستر ده معتمد من منصور؟

شكرا يا رجالة.