تويوتا _ستارليت_ ..... (أراء وتقييمات + صيانات + أسعار قطع غيار)

**pro_samir** · 14-06-2011 04:41 PM

المشاركة الأصلية كتبت بواسطة raptorali

انا اول مشاركة لى هنا ومجهود حقيقى رائع الى انتوا عاملينه انا عندى مشكلة صغيرة البطاحة عندى اتقطمت من مطب معلش قدر الله ما شاء فعل المهم اجيبها منين ولو تعرفوا حد فى اكتوبر يبقى تمام قوى

البطاحه انا كنت سألت عليها في الحرفيين جديد عند العالميه ملاقيتهاش واستيراد بيبيعوها بالمساعد بالسوسته علي بعض
ممكن تتصل بالصوابي تشوفها عنده أو بالراجل بتاع وسط البلد اللي استاذ عمرو كان حاطط رقمه في المشاركات الأخيره

المشاركة الأصلية كتبت بواسطة aboelazm172

انا اول مشاركة لى هنا و انا سعيد جدا انى لات حد بيتكلم على ستارليت لحسن انا لسا جيبها من يومين على اد فيلوسى 26000 بس عملة زى الشوخشاخة و هى ماشية فممكن لو حد يعرف عفشجى كويس ليها و يسلام بقا لو فى 6 اكتوبر :)

الف مبروك عليك العربيه ومنور المنتدي

**NOOR** · 15-06-2011 12:57 PM

عندك الصوابى فى الخلفاوى على شبرا الرئيسى
او التوفيقية
الكبالن 500 جنية اليابانى والتيوانى 250 بس لازم يكون معاك القديم احسن علشان تقارن علشان متجيبش الحاجة وترجعها

**raptorali** · 15-06-2011 03:19 PM

امبارح رحت اشوف سير الكتينة دورت عليه فى التوفقيه وشارع ذكى ملقتهوش اجيبه منين وبرده بك الكهرباء دوخت عليه مش لاقيه برده

**pro_samir** · 15-06-2011 10:47 PM

المساعدين انا شاري الأصلي kyb ياباني ب650 جنيه من الصوابي

الكبالن استاذ عمرو كان بيقول ب350 عند الصوابي مش عارف هم غليو ولا ايه بس انهارده كنت بشتري كف ازازه للمرايه في طنطا وسألت علي الكبالن قالي فعلا علي التايواني الجوز ب250 جنيه والراجل بيشكرلي فيهم جدا وبيقول كله بياخدهم ونويت اجيبهم ان شاء الله

وبلي العجل عند أي حد عنده بلي مهياش مشكله، يستحسن تاخدها معاك برضو تجيب زيها

الحاجات اللي مش لاقيها دي شوفها عند الصوابي انا بشتريها من أي حد بتاع تويوتا عندنا و بلاقيها عادي ، سألت عند الراجل بتاع شارع ذكي ده ولا ايه

**pro_samir** · 15-06-2011 10:54 PM

اتصلت بواحد دلوقتي بتعامل معاه كتير بس ميعرفش اني انا اللي بكلمه قالي الكبالن التايواني ب200 والياباني 500

**aboelazm172** · 19-06-2011 02:03 AM

المشاركة الأصلية كتبت بواسطة pro_samir

المساعدين انا شاري الأصلي kyb ياباني ب650 جنيه من الصوابي

الكبالن استاذ عمرو كان بيقول ب350 عند الصوابي مش عارف هم غليو ولا ايه بس انهارده كنت بشتري كف ازازه للمرايه في طنطا وسألت علي الكبالن قالي فعلا علي التايواني الجوز ب250 جنيه والراجل بيشكرلي فيهم جدا وبيقول كله بياخدهم ونويت اجيبهم ان شاء الله

وبلي العجل عند أي حد عنده بلي مهياش مشكله، يستحسن تاخدها معاك برضو تجيب زيها

الحاجات اللي مش لاقيها دي شوفها عند الصوابي انا بشتريها من أي حد بتاع تويوتا عندنا و بلاقيها عادي ، سألت عند الراجل بتاع شارع ذكي ده ولا ايه

الميكانيكى قالى ان المساعدين الخلفى نشفه و الامامى ضعيفة و انا نفسى العربية دى تكون نعمة كدة زى الحجات الجديدة فا انهى احسن اجيب المساعدين kyb ولا اجيب استيراد الاصلى بتاع العربية مع العلم انى سائلت على ال kyb الامامى لاتها ب 750 بيقولوا غليت و الاستيراد الامامى عملين 400 !!!

**yamr2006** · 19-06-2011 11:36 AM

المشاركة الأصلية كتبت بواسطة aboelazm172

الميكانيكى قالى ان المساعدين الخلفى نشفه و الامامى ضعيفة و انا نفسى العربية دى تكون نعمة كدة زى الحجات الجديدة فا انهى احسن اجيب المساعدين kyb ولا اجيب استيراد الاصلى بتاع العربية مع العلم انى سائلت على ال kyb الامامى لاتها ب 750 بيقولوا غليت و الاستيراد الامامى عملين 400 !!!

بلاش مساعدين استيراد خليك فى الجديد