البطاريه فى العربيه 128

**aboomar2010** · 29-08-2010 11:07 AM

السلام عليكم انا حقولكم عملت ايه اليومين الى فاتوا انا روحت للكهربائى طبعا بعد مازقيت العربيه المهم قاس شحن الدينامو لقاه كويس ولقى البطاريه فيها شحن وقعدت ادور وابطل كذا مره المهم قالى لما تركنها شيل كابل البطاريه وتانى يوم ركبه ودور لو ماداريتش هات بطاريه ولو دارت هاتلى العربيه المهم انا كان عندى مشوار تانى يوم وركبت الكابل ودارت العربيه ولمل رجعت شيلت الكابل وقولت اسيبها يومين تلاته عشان اتاكد انها مش بطاريه فياريت اعرف رايكم فى كلام الكهربائى

وبالمره سالت على اسعار البطاريات لقيت السائله النسر فارتا قالى تعمل 200 جنيه بالقديمه والجافه نوع كورى تعمل 330 بالقديمه ايه رايكم فى الاسعار دى ولو جبت اجيب ايه السائله ولا الجافه

نسيت كمان اقول انى غيرت زيت وفلتر كنت ناوى اغير زيت موبيل الجركن الابيض 3000 كيلو ولما سالت الراجل عليه خصوصا انا الماكينه عندى خفيفه شويه قالى يبقى تاجد التعاون عشان تقيل وموبيل خفيف فغيرت التعاون 1000 كيلو ايه رايكم

معلش انا طولت عليكم اعذرونى ماليش حد غيركم وجزاكم الله عنى خير الجزاء

**aboomar2010** · 30-08-2010 01:44 PM

ياريت حد يرد عليه من فضلكم

**Khaled_Nowaihy** · 30-08-2010 02:16 PM

المشاركة الأصلية كتبت بواسطة aboomar2010

قالى لما تركنها شيل كابل البطاريه وتانى يوم ركبه ودور لو ماداريتش هات بطاريه ولو دارت هاتلى العربيه المهم انا كان عندى مشوار تانى يوم وركبت الكابل ودارت العربيه

يبقى كده البطارية سليمة ؟؟؟
خلى بتاع البطاريات يشوف البطارية فيها ربع ضارب وللا حاجة ؟

ولمل رجعت شيلت الكابل وقولت اسيبها يومين تلاته
كتير يومين ثلاثة ... البطارية ممكن تنام

وبالمره سالت على اسعار البطاريات لقيت السائله النسر فارتا قالى تعمل 200 جنيه بالقديمه
اوعى تجيب النسر فارتا ... دى أسوأ بطارية ركبتها فى ال 128 قعدت سنة واحدة فقط
كلورايد ميراج ب 220 جنيه وبتقعد سنتين على الأقل

نسيت كمان اقول انى غيرت زيت وفلتر كنت ناوى اغير زيت موبيل الجركن الابيض 3000 كيلو ولما سالت الراجل عليه خصوصا انا الماكينه عندى خفيفه شويه قالى يبقى تاجد التعاون عشان تقيل وموبيل خفيف فغيرت التعاون 1000 كيلو ايه رايكم

صح ... ما ترجعش تحط زيت سوبر تانى بعد كده ... تفضل على التعاون العادة التقيل

**aboomar2010** · 31-08-2010 09:53 AM

السلام عليكم انا متشكر جدا للاهتمام بالنسبه لموضوع انى اسيب البطاريه يومين تلاته حضرتك بتقول كتير وممكن تنام هو مش المفروض ان شحن البطاريه موجود طالما شيلت الكابل خصوصا انى كنت عامل بيها مشوار كبير يعنى المفروض تكون مشحونه على الاخر ولا قصدك انها بتهرب من الربع الضارب وفى الحاله دى البطاريه تكون سليمه ولا ايه واغيرها ولا لا ياريت ترد عليه فى الموضوع ده انا حعدى على الكهربائى النهارده بعد الضهر بس طبعا لما اركب الكابل واشوف حتدور ولا لا ولو ماداريتش اغيرها ولا انا طولت عليها فى الركنه هى كده بقالها 3 ايام بالظبط ياريت ترد عليه فى الموضوع ده

بالنسبه للبطاريه معقول النسر فارتا مش كويسه مع انى سامع عليها كلام كويس المهم حضرتك جبت النوع الجاف منين عشان عندى قالى 330 بالقديمه وياترى الكورى كويس عشان فى ناس بتقول مش كويس ومش مضمون

وشكرا لاهتمام حضراتكم وارجو الرد

**BLACKVERNA** · 31-08-2010 04:52 PM

المشاركة الأصلية كتبت بواسطة aboomar2010

المهم حضرتك جبت النوع الجاف منين عشان عندى قالى 330 بالقديمه وياترى الكورى كويس عشان فى ناس بتقول مش كويس ومش مضمون

وشكرا لاهتمام حضراتكم وارجو الرد

انا اشتريت البطارية من محل فى حلمية الزيتون

هو رشحلى الكورى و شغاله تمام و الحمد لله

بس انا لسه مركبها من اسبوع

-

الموضوع: البطاريه فى العربيه 128

LinkBack

أدوات الموضوع

عرض

-

-

المواضيع المتشابهه

العربيه هتتركن شهر ايه الي بيتعمل عشان البطاريه ماتنامش

البطاريه بتنام لو في يوم العربيه مدارتش

هرفع العربيه سنه اعمل ايه فى البطاريه ؟؟؟؟؟؟

عايز اشتري منفاخ لكاوتش العربيه اللي معاه وصله بطاريه تقوم العربيه لو البطاريه نامت

للى معاة لانوس ياترى العربيه لواتسابت اسبوع البطاريه تنام ؟

الكلمات الدلالية لهذا الموضوع

المفضلات

المفضلات

ضوابط المشاركة