الموضوع: اصعب قرار ومش هاتعرف تختار!. Honda Civic 92_(Vs)_Bmw E30

المشاركة الأصلية كتبت بواسطة semsem kane

محمد نبيل باشا اذيك

معلش بقى انا بس هرد على حاجة عشان لسة الموقف دة كان حاصل مع مين بى ام دبليو 330i 2009

انتوا بتقولوا الe30 وانا بقولكوا 330 2009 يعنى متهيالى المفروض فرق ثبات رهيب مابين الاتنين عشان التكتولوجيا المعقدة اللى فى السيارة واللى بتديها الهاى استابيلتى

نيجى بقى للموضوع والله انا كنت بجرى كدة مع 330 انا لح دلوقتى مستغرب ازاى انا وهو ماشيين بنشد جنب بعض كدة مع فرق الاحصنة 272 حصان مقابل 175 حصان مع تخطينا حاجز 170 كم احنا الاتنين وبردة مافيش حد فينا عدى التانى ولما الطريق اتزحم شوية اصبح دلوقتى اللعب على ثبات السيارة والله احنا تقريبا قلبنا كوبرى 6 اكتوبر auto cross وخلينا الناس كلها تشد تقريبا من قوة السباق اللى كان بينا بس الغرزة اللى كان بياخدها كنت بعمل واحدة قصادها بنفس الدقة والحمد لله عرفتة يعنى اية يجرى مع هوندا SIR وانا لحد دلوقتى مش لاقى تفسير للى حصل 272 مقابل 175 فرق تكنولويجا 2009 من 1995 المهم الحمد لله حصل خير وعت على خير

بالنسبة بقى للفئة الثالثة 320 موديل 2000 فى نفق الازهر مع تشغيل التكييف احنا الاتنين لانة كان بيشد معايا من اول صلاح سالم والحمد لله عديتة ودخلت النفق قبلة وبهدلتة فى ملفاتة كان بيرجع فرق بينى وبينة كتير بعد كل ملف وعلى فكرة M3TOUK زميلنا فى المنتدى بتاع هوندا كان معايا بس غير اليوم دة وشاف بنفسة واسالة
وانا باخد غرزة من عربيتين فى النفق على سرعة 175 كم غرزة ضيقة والحمد لله ربنا سترها

الE30 320 لعبت بيها على طريق المحور قبل الرادار مايتعمل كان تقريبا من سة ونص او سنتين مش فاكر ولقيتها عادية فى جريها اوى بس الوا كان باين انة مظبطها والحمد لله

سمسم باشا صباح الفل الحمد لله أنا بخير

رد ياباشا الملعب ملعبك :) هو طبعاً موقف الـ 330i جميل جداً هو موضوع يدعوا للأستغراب فعلاً مع الفرق في القوة والثبات وأنا مش لقى تفسير محدد غير ان ممكن يكون عيب سواق سواء هو بيخاف أو مش سويق نمرة واحد بس كويس أنك مطلعتش منه أفتكر كان ساعتها يا أما هايروح ينتحر أو يبيعها ويجيب هوندا هههههه
اما الـ 320i سواء الدبانة أو الـفراشة أنا قولت لهم في المشاركة اللى فاتت انه صعب يطلع من الـ SiR عاوزة 23i وأنت طالع وبلاش الجرى الشديد ده جوة النفق مع انى بحب اجرى فيه برضه عشان صوت الماتور و الـ Vtec بيكون بالأبعاد الثلاثية ههههه وربنا يستر طريق الجميع ان شاء الله

المشاركة الأصلية كتبت بواسطة snakeson2

ياراجل !!!!
معقول ؟ نظريا وعمليا مستحيل !
السيفيك عربية محترمة جداا بس برضو البي ام مينفعش يتقال عليها الكلام دة ونسكت ولا كاننا سمعناة !
البي ام لو حطك في اي تراك مش هتشوفة ولا هتسمع صوتة
خلي بالك اغلب الي راكبين العربيات دي عارفين قدرتها كويس جدا ومش ممكن يخاطر معاك وسط البلد او في طريق زحمة ويجري ويغرز وكدة !
هوة عارف وانت عارف وانا عارف النتيجة !!! الناس الي بتركب العربيات دة اغلبهم مبيحبوش يعقدونا ويخلو عندنا امل!!!

في التراك لو البى ام M3 أقول لك ماشى مش هانشوفه ولا هانسمع صوتة غير كدة هايكون صعب اصدقها وعلى فكرة معظم الناس مايعرفوش ومش فاهمين قيمة الهوندا، السيفيك لما بتتعدل صح بتعلم على معظم السيارات سواء في سباقات الربع ميل ( Drag race ) أو الحلبات ( Circuit race ) أصل الموضوع مش مقتصر على تسقيط ماتور في عندك تربو وسوبر تشارجر و NOS وعفشات رياضية الى أخره، في فيديو لسيفيك متعدلة في اليابان في سباق مع عربيات نيسان سكاى لاين اللى هيا تعتبر من أفضل السيارات للطرق والسباقات طبعاً مش هاقول لك ان السيفيك هيا اللى فازت بس على الأقل سدت معهم جامد كل ده من ماتور 1600cc، والفيديوهات مليانة على اليوتيوب

في النهاية احنا لا نقلل من قيمة البى ام اطلاقاً عربية زى الفل بس برضه مانستهونش بالهوندا لهذة الدرجة كل
عربية فيهم ليها عيوب ومميزات واحنا بنقول رأينا وتجاربنا والأختيار في النهاية لصاحب الموضوع.

معلش مكن سؤال عشان نفسى اعرفه من زمان
او افهمه اكتر يعنى
ايه الفرق ما بين oversteerting and understeering
و ايه العلاقه مابينه و بين الجر الخلفى و الامامى

المشاركة الأصلية كتبت بواسطة matrixco

طبعا الهوندا ليها مكانتها العالية ومحدش يقدر يتكلم عليها بس دة فرق مواتير مالهاش حل يعنى يعنى هى هى لما تقول ان 128 شدت مع m3 طبعا مش بساوى الهوندا ب ال 128 مع احترامى لاصحاب ال 128 بس الفكرة كلها انه فرق مواتير ياريت اكون وصلت الفكرة , و عالعموم انت بتقول ان الهوندا فى التعديلات بتبقى حلوة , بس انا بتكلم عن ال stock يعنى هو فيه عربية هوندا stock تطلع من m3 ؟ اللى هى نفس فئة الهوندا ؟؟ مقولتلكش m6 عشان مخليها لبتوع المرسيدس وربنا يكفينا شر الطريق واللى ماشى على الطريق

لو أنت متابع الموضوع من الأول صاحب الموضوع اتكلم على مواتير 1800cc بى ام مع سيفيك 1600cc بالتالى
مافيش اى مقارنة مع الـ M3 اللى هيا 3000cc و 3200cc ده غير انك بتقول ان الـ M3 نفس فئة السيفيك ازى الكلام ده؟

اجابة على سؤالك بأختصار عشان منخرجش برة الموضوع عربية هوندا عموماً أستوك تطلع من M3 وتطلع من M6 كمان عشان جبايب الهوندا والمرسيدس :) الاجابة نعم اما سيفيك أستوك تطلع الأجابة لأ

المشاركة الأصلية كتبت بواسطة beetleMOSH

معلش مكن سؤال عشان نفسى اعرفه من زمان
او افهمه اكتر يعنى
ايه الفرق ما بين oversteerting and understeering
و ايه العلاقه مابينه و بين الجر الخلفى و الامامى

الـ oversteer ده بيحصل في العربيات الدفع الخلفي لما العجلتين الخلفي يفقدوا التماسك على الطريق في الملفات في حين العجلتين الامامي تماسكهم طبيعى كانها بتتزحلق هديلك مثال يعنى عندك في البيتلز لو داخل على ملف وفيه شوية مياة أو رمل ناعم ورحت كابس في الملف هتلقى العربية عرضت وراحت منك ده اسمة oversteer ودى صورة للتوضيح



الـ understeer ده بيحصل في الدفع الامامي لما تلف الدركسيون على الملف والعجلتين الامامي يلفوا بمقدار معين والعربية نفسها ماتلفش بنفس مقدار لف العجلتين أو الدركسيون ده بيخلى العربية من قدام تأخد الملف على واسع بصورة أكبر من اللى السواق عايز يلف بيها بمعنى انك عاوز تلف على ضيق بس العربية بتلف بيك على واسع يعنى عكس الـ oversteer بيكون العجلتين الخلفي تماسكهم على الطريق أكثر من الأمامي بس بتحصل أكثر لما تكون راكب جر أمامي فوق الـ 200 حصان عشان كدة يقول لك خد بالك أكثر في الملفات للعربية تأندر منك لو الهورس باور عندك عالى ودى صورة توضحية برضه للـ understeer



اى خدمة ياباشا كدة تمام؟ ولو عندك أستفسار أو اى حاجه مش واضحة قول عليها بس ماتنسانيش في قسم الصوتيات بقى :)

المشاركة الأصلية كتبت بواسطة matrixco

طبعا انا مقصدش انها نفس الفئة ولا من السعر ولا من الموتور لأنى لسة قايل انه فرق مواتير , انا اقصد الفئة الرياضية الشبابية , انا معلوماتى عن الهوندا مش اوى بس ممكن اعرف الهوندا اللى تطلع من ال m6 ؟ وبعدين لو حضرتك بتتكلم عن السيفيك 92+ يعنى مش المفروض انها تتقارن بال E30 المفروض تتقارن ب E36 عشان ال E30 اخرها موديل 90-91 يعنى فرق تكنولوجيا يا باشا لو عايز تقارن 1600 ب 1600 يبقى فى نفس السنة عشان كدة ال سيفيك (اللى حضرتك بتتكلم عليها ) لازم تتقارن بال e30 ال 1800 عشان مش من نفس الفئة العمرية بتاعتها .. و بالنسبة للمرسيدس ال m6 الجديدة نازلة قريب

طيب ولا يهمك عموماً الهوندا اللى تطلع من الـ M6 هيا هوندا NSX أو ( Acura NSX- R ) ماتور ستة سلندر 3200cc بيطلع حوالى 290 حصان وعزم 305 نيوتن/متر دى دفع خلفى على فكرة بس هيا أتوقف انتاجها سنة 2005 طبعاً أنت هاتستغرب ازى ده الـ M6 ماتور عشرة سلندر 500 حصان وعزم أكثر الفرق هنا هو عامل الوزن مقابل القوة وزن الهوندا حوالى 1300 كجم فقط في حين الـ M6 تقريباً 1700 كجم يعنى فرق 400 كجم بحالهم و هما الأثنين من 0-100 كم في حاجز 4 ثواني ونص بس الهوندا تطلع ام على السرعات العالية طبعاً البى ام هتطلع بدون نقاش نفس قصة لما المكلارين F1 شدت مع البوجاتي وطلعت في الأول بعدها البوجاتي طلعت

و المفروض فعلاً المقارنة الصح تكون مابين الـ E36 موديل 91-2000 ومابين السيفيك الـ EG ولـ EK موديلات 92-2000