اصعب قرار ومش هاتعرف تختار!. Honda Civic 92_(Vs)_Bmw E30

**cOrn** · 02-09-2010 08:08 PM

المشاركة الأصلية كتبت بواسطة M_Nabil

الـ oversteer ده بيحصل في العربيات الدفع الخلفي لما العجلتين الخلفي يفقدوا التماسك على الطريق في الملفات في حين العجلتين الامامي تماسكهم طبيعى كانها بتتزحلق هديلك مثال يعنى عندك في البيتلز لو داخل على ملف وفيه شوية مياة أو رمل ناعم ورحت كابس في الملف هتلقى العربية عرضت وراحت منك ده اسمة oversteer ودى صورة للتوضيح

الـ understeer ده بيحصل في الدفع الامامي لما تلف الدركسيون على الملف والعجلتين الامامي يلفوا بمقدار معين والعربية نفسها ماتلفش بنفس مقدار لف العجلتين أو الدركسيون ده بيخلى العربية من قدام تأخد الملف على واسع بصورة أكبر من اللى السواق عايز يلف بيها بمعنى انك عاوز تلف على ضيق بس العربية بتلف بيك على واسع يعنى عكس الـ oversteer بيكون العجلتين الخلفي تماسكهم على الطريق أكثر من الأمامي بس بتحصل أكثر لما تكون راكب جر أمامي فوق الـ 200 حصان عشان كدة يقول لك خد بالك أكثر في الملفات للعربية تأندر منك لو الهورس باور عندك عالى ودى صورة توضحية برضه للـ understeer

اى خدمة ياباشا كدة تمام؟ ولو عندك أستفسار أو اى حاجه مش واضحة قول عليها بس ماتنسانيش في قسم الصوتيات بقى :)

طيب ولا يهمك عموماً الهوندا اللى تطلع من الـ M6 هيا هوندا NSX أو ( Acura NSX- R ) ماتور ستة سلندر 3200cc بيطلع حوالى 290 حصان وعزم 305 نيوتن/متر دى دفع خلفى على فكرة بس هيا أتوقف انتاجها سنة 2005 طبعاً أنت هاتستغرب ازى ده الـ M6 ماتور عشرة سلندر 500 حصان وعزم أكثر الفرق هنا هو عامل الوزن مقابل القوة وزن الهوندا حوالى 1300 كجم فقط في حين الـ M6 تقريباً 1700 كجم يعنى فرق 400 كجم بحالهم و هما الأثنين من 0-100 كم في حاجز 4 ثواني ونص بس الهوندا تطلع ام على السرعات العالية طبعاً البى ام هتطلع بدون نقاش نفس قصة لما المكلارين F1 شدت مع البوجاتي وطلعت في الأول بعدها البوجاتي طلعت

و المفروض فعلاً المقارنة الصح تكون مابين الـ E36 موديل 91-2000 ومابين السيفيك الـ EG ولـ EK موديلات 92-2000

بحب اوى اتكلم مع حد بيفهم , عموما وزن ال nsx R 720+500 = 1220 kg و ال m6 850+970=1820 فارق كبير للهوندا, بس بقوة 280/7300 rpm للهوندا , ال m6 507/7750 rpm التسارع m6 4.8 الهوندا 5,0 يعتبر مفيش فرق و عموما الهوندا اتوقف تصنيعها عشان بتخلص تانك البنزين فى 20 دقيقة والعربية كانت للدراجات بس يا ريت تكون فهمتنى..

**cOrn** · 02-09-2010 08:14 PM

المشاركة الأصلية كتبت بواسطة i_Am_Legend

العربيتين سعرهم قريب من بعض فى سوق المستعمل -الe36 سعرها بيبتدى من 60 الف وانت طالع.فمينفعش نحطها مع السيفيك.وفرق تكنولوجيا السنين مابينe30 &civicسنتين -يعنى مش عاملو واحدة فيها ستبترونيك ولا فتيس dsg مثلا-
طيب علشان المقارنة تبقى صح والكلام منطقى والموضوع مايتهش مننا.
Civic ex-vs- E30 316i.
Civic si -vs- E30 318i-320i
Civic sir -vs- E30 325i.
Civic (type R) -vs E30 M3-alpina.
طبعا مع مراعاة فرق خفة الوزن لصالح السيفيك-والتحكم والثبات لصالح الأى ثرتى.
نشوف اخواتنا الخبراء هايعملوا اي فى القصة دى ربنا يستر semsem kane هاينزل بالسلاح السيفيك sir f16. ومستنين حد بالاى ثرتى يرد على السلاح سيفيك.ويظهر قدرتة الحقيقية للمشككين -لان شنب هتلر بقى تحت التهديد -وربنا يستر.

مال السعر بالموضوع اللى بنتكلم عليه؟؟؟؟ ديه BMW و ديه HONDA ال civic 95+ تتقارن بال e36 وهو نفس موديل السنة , موضوع ان الالمان فارقين فى التكنولوجيا ديه حاجة مش بتاعتنا و موضوع ان العربية غالية دة هنا فى مصر بس....

**SAMEH_FOUAD** · 02-09-2010 08:16 PM

المشاركة الأصلية كتبت بواسطة snakeson2

ياراجل !!!!
معقول ؟ نظريا وعمليا مستحيل !
السيفيك عربية محترمة جداا بس برضو البي ام مينفعش يتقال عليها الكلام دة ونسكت ولا كاننا سمعناة !
البي ام لو حطك في اي تراك مش هتشوفة ولا هتسمع صوتة
خلي بالك اغلب الي راكبين العربيات دي عارفين قدرتها كويس جدا ومش ممكن يخاطر معاك وسط البلد او في طريق زحمة ويجري ويغرز وكدة !
هوة عارف وانت عارف وانا عارف النتيجة !!! الناس الي بتركب العربيات دة اغلبهم مبيحبوش يعقدونا ويخلو عندنا امل!!!

المشاركة الأصلية كتبت بواسطة M_Nabil

سمسم باشا صباح الفل الحمد لله أنا بخير

رد ياباشا الملعب ملعبك :) هو طبعاً موقف الـ 330i جميل جداً هو موضوع يدعوا للأستغراب فعلاً مع الفرق في القوة والثبات وأنا مش لقى تفسير محدد غير ان ممكن يكون عيب سواق سواء هو بيخاف أو مش سويق نمرة واحد بس كويس أنك مطلعتش منه أفتكر كان ساعتها يا أما هايروح ينتحر أو يبيعها ويجيب هوندا هههههه

اما الـ 320i سواء الدبانة أو الـفراشة أنا قولت لهم في المشاركة اللى فاتت انه صعب يطلع من الـ SiR عاوزة 23i وأنت طالع وبلاش الجرى الشديد ده جوة النفق مع انى بحب اجرى فيه برضه عشان صوت الماتور و الـ Vtec بيكون بالأبعاد الثلاثية ههههه وربنا يستر طريق الجميع ان شاء الله

في التراك لو البى ام M3 أقول لك ماشى مش هانشوفه ولا هانسمع صوتة غير كدة هايكون صعب اصدقها وعلى فكرة معظم الناس مايعرفوش ومش فاهمين قيمة الهوندا، السيفيك لما بتتعدل صح بتعلم على معظم السيارات سواء في سباقات الربع ميل ( Drag race ) أو الحلبات ( Circuit race ) أصل الموضوع مش مقتصر على تسقيط ماتور في عندك تربو وسوبر تشارجر و NOS وعفشات رياضية الى أخره، في فيديو لسيفيك متعدلة في اليابان في سباق مع عربيات نيسان سكاى لاين اللى هيا تعتبر من أفضل السيارات للطرق والسباقات طبعاً مش هاقول لك ان السيفيك هيا اللى فازت بس على الأقل سدت معهم جامد كل ده من ماتور 1600cc، والفيديوهات مليانة على اليوتيوب

في النهاية احنا لا نقلل من قيمة البى ام اطلاقاً عربية زى الفل بس برضه مانستهونش بالهوندا لهذة الدرجة كل
عربية فيهم ليها عيوب ومميزات واحنا بنقول رأينا وتجاربنا والأختيار في النهاية لصاحب الموضوع.

طيب حلو جدا كل واحد قال اللى هو عايزة اوك

اولا بالنسبة لدرجة الاحترافية للسائق والله عمل غرزة ولا اجدع سواق وقلب ميت فيها كة يبقى ماتقوليش خايف على العربية ومش سواق

بالنسبة للشد وكان دايس نص البنزين والله ياجماعة انا الحمد لله مش هقول حاجة كدب او هألف بس بجد الوا كان دايس بنزين وجايب اخر الدواسة من صوت الماتور بتاعة واحنا كان جرينا على 170 وعلى فكرة اخر ال330 250 كم سرعة محددة وبتجيب من 0 الى 100 فى 6.1 ثانية كمان مش 6.5 وانا عندى ودية انا اختبرتها بنفسى جايب من 0 الى 100 فى 6.5 ثانية يعنى على الورق هو اسرع منى والمفروض انة يكون اسرع منى ماتور
3000 مقابل 1600
موديل 2009 مقابل 1995 فرق فى التكنولوجيا والمكونات وفترة الاستهلاك
272 حصان وعزم 32 كجم على المتر مقابل 175 حصان وعزم 18 كجم
من الثبات الى100 كم 6.1 ثانية وسرعة قصوى 250 مقابل من الثبات الى 100 كم 6.5 ثانية وسرعة قصوى 260 وجيبتهم عشان محدش يقول حاجة ولو عايزين الصورة موجودة

بس اللى حصل اللى انا قولتهولكوا وانا مش مصدق لحد دلوقتى بس والله دة الى حصل وكلمت صاحبى اللى اكن معايا فى اليوم دة واكدلى نفس الكلام قالى انا مستغرب

على فكرة بتاع ال330 كان معاة اصحابة i30 هيونداى , بيجو 308 , بروتون جين 2 وكلهم على فكرة كانوا بيجروا معانا بس اختفوا من على المرايا

ملحوظة اخيرة الطريق كان فاضى تماما يعنى مافيش اى حاجة تدعو اللى القلق ولا ناس بتعدى ولا اى حاجة وكان الكلام دة الساعة 1:30 بليل على مااتذكر

على فكرة تجميع الSIR من 0 الى 200 فى زمن خرافى بلاش اقولة

**otefa** · 02-09-2010 08:47 PM

شوفوا اللينك ده كدة
0-60 and 1/4 mile times for Factory Stock Vehicles

**M_Nabil** · 02-09-2010 09:26 PM

المشاركة الأصلية كتبت بواسطة matrixco

بحب اوى اتكلم مع حد بيفهم , عموما وزن ال nsx r 720+500 = 1220 kg و ال m6 850+970=1820 فارق كبير للهوندا, بس بقوة 280/7300 rpm للهوندا , ال m6 507/7750 rpm التسارع m6 4.8 الهوندا 5,0 يعتبر مفيش فرق و عموما الهوندا اتوقف تصنيعها عشان بتخلص تانك البنزين فى 20 دقيقة والعربية كانت للدراجات بس يا ريت تكون فهمتنى..

منين ياباشا معلومة انها اتوقف تصنيعها عشان بتخلص تانك البنزين في 20 دقيقة؟ الكلام ده مش مظبوط هيا أتوقف تصنيعها عشان أعتبارات أقتصادية بالشركة + ان العربية تكلفة تصنيعها كبيرة ومبيعاتها حول العالم مكنتش قد كدة في فترتها الأخيرة وهيا أصلاً كانت متصناعة في أول التسعينات عشان تنافس السيارات الرياضية الألمانية والايطالية زى فيرارى في القوة والأداء لكن بتكلفة أقل منهم، يعنى مش للدراجات خالص، طبعاً مع دخول عالم السيارات بعد سنة 2000 والتطور في التكنولوجى والمحركات هوندا مقدرتش تكمل بنفس القوة بتاعة زمان وكانت محتاجة لمحركات أقوى لذلك تم اتخاذ قرار بوقف خط أنتاجها في حين كان من سنتين تقريباً كانوا بيعلنوا عن اعادة تصنيع ليها بمواصفات جديدة لسنة 2010 لكن للظروف الاقتصادية السيئة اللى حصلت في العالم تم الغاء قرار تصنيعها مرة أخرى وتحياتي

**M_Nabil** · 02-09-2010 10:04 PM

المشاركة الأصلية كتبت بواسطة semsem kane

طيب حلو جدا كل واحد قال اللى هو عايزة اوك

اولا بالنسبة لدرجة الاحترافية للسائق والله عمل غرزة ولا اجدع سواق وقلب ميت فيها كة يبقى ماتقوليش خايف على العربية ومش سواق

بالنسبة للشد وكان دايس نص البنزين والله ياجماعة انا الحمد لله مش هقول حاجة كدب او هألف بس بجد الوا كان دايس بنزين وجايب اخر الدواسة من صوت الماتور بتاعة واحنا كان جرينا على 170 وعلى فكرة اخر ال330 250 كم سرعة محددة وبتجيب من 0 الى 100 فى 6.1 ثانية كمان مش 6.5 وانا عندى ودية انا اختبرتها بنفسى جايب من 0 الى 100 فى 6.5 ثانية يعنى على الورق هو اسرع منى والمفروض انة يكون اسرع منى ماتور
3000 مقابل 1600
موديل 2009 مقابل 1995 فرق فى التكنولوجيا والمكونات وفترة الاستهلاك
272 حصان وعزم 32 كجم على المتر مقابل 175 حصان وعزم 18 كجم
من الثبات الى100 كم 6.1 ثانية وسرعة قصوى 250 مقابل من الثبات الى 100 كم 6.5 ثانية وسرعة قصوى 260 وجيبتهم عشان محدش يقول حاجة ولو عايزين الصورة موجودة

بس اللى حصل اللى انا قولتهولكوا وانا مش مصدق لحد دلوقتى بس والله دة الى حصل وكلمت صاحبى اللى اكن معايا فى اليوم دة واكدلى نفس الكلام قالى انا مستغرب

على فكرة بتاع ال330 كان معاة اصحابة i30 هيونداى , بيجو 308 , بروتون جين 2 وكلهم على فكرة كانوا بيجروا معانا بس اختفوا من على المرايا

ملحوظة اخيرة الطريق كان فاضى تماما يعنى مافيش اى حاجة تدعو اللى القلق ولا ناس بتعدى ولا اى حاجة وكان الكلام دة الساعة 1:30 بليل على مااتذكر

على فكرة تجميع الsir من 0 الى 200 فى زمن خرافى بلاش اقولة

طيب اية التفسير المنطقى لى اللى حصل؟

البى ام 272 حصان عزم 300 نيوتن/متر ماتور 3000

السيفيك 170 حصان عزم 160 نيوتن/متر ماتور 1600

و أكيد أنتوا مكنتوش بتجروا من الثبات من الجير الثالث مثلاً مظبوط؟

**i_Am_Legend** · 02-09-2010 10:36 PM

المشاركة الأصلية كتبت بواسطة medoakef

انا مقرئتش الكومنتات الي محطوطه لكن هتكلم عن تجربه حصلت لي امبارح مع بي ام اوائل الثمانيات مش فاكر اي ايه بالظبط لكن هو مسقط m3 و العربيه تحفه بسم الله ما شاء الله و تعتبر اجمل بي ام عندنا في المنصوره
المهم هو كان طالع من شارع جانبي حوالي الساعه 4 الفجر و انا خد معاه مطب و سمعت صوت مكنه عالي علي اعتقاد انه كدا قارص دست الكيك دون بعد عنه سويه و لقيته مش بيقرب حتي قلت اكيد دا صوت الموتور في العادي! و فجئه من غير تمبيه لقيت صوت طلع من العربيه ازاي صوت محركات بي ام الخارفي ده و ولله زي عربيات الفرميلا ون صوت رهيب زي الدبانه و بعدين نقله سريعه و بعدها طار من جمبي و انا كنت وصلت ل140 يعني اول في تاني كان وصل ل 160 ولا 170 علي الاقل طلع ادامي نقل 3 لقيت اكن الشكمان بيرمي ميه مشفتش شكمان بيطرد زيها و اختفي و بعد فطره طويله لقيته هدي عشان كان تاخل شارع و اول مره اكلم حد بعد ريس معاه هديد جمبه و خليت صحبي يقول له اسفين ولله مكنشي اصدنا و انا و الي معايا مش قدرين نمسك نفسنا من الدحك و هو كمان موقف فظيع عمري ما قبلت عربيه زي دي ابدا في ريس
m3 دي تحفه فعلا و تستاهل كل ملم بيدفع فيها انا بعشق السفك و جيت مع سفك مسقط تب ار ابل كدا بس الm3 حاجه تنيا خالص
المشكله البنزين زمان طار منه 5 لتر ولا حاجه في الجريه دي

هو البي ام ركوبه لا تعوض لكن السفك اكثر عمليه

المشاركة الأصلية كتبت بواسطة m_nabil

هيا الميزانية كام بالظبط؟ عشان هيا اللى هاتحدد الموضوع والفئة وكل الكلام، أنت عارف ان سعر الـ sir بيبدأ من 55 ألف وطالع على حسب الشغل اللى فيها و الـ si ممكن 45 ألف والـ ex رينج 40 ألف

البى ام مش عارف أسعارة عاملة كام أصحاب البى ام يفيدونا في النقطة دى

والعربيات دى هاتتعدل ولا هاتتركب زى ما هيا؟ عشان الموضوع بيفرق جامد.

المشاركة الأصلية كتبت بواسطة m_nabil

طيب اية التفسير المنطقى لى اللى حصل؟

البى ام 272 حصان عزم 300 نيوتن/متر ماتور 3000

السيفيك 170 حصان عزم 160 نيوتن/متر ماتور 1600

و أكيد أنتوا مكنتوش بتجروا من الثبات من الجير الثالث مثلاً مظبوط؟

كل الاحتمالات واردة-البى ام ممكن كانت عايزة صيانة او تغير بوجيهات مثلا ممكن تكون مس عربيتة ومش واخد عليها ممكن تبقى ممونة 90 وهى تقريبا 95 -اصل صعب قوى فرق الهورس باور دة كلة رايح فين-دة لو فقع كيك داوان واحد -اووووف.اكيد البى أماية كان فيها حداية.

**SAMEH_FOUAD** · 02-09-2010 11:49 PM

المشاركة الأصلية كتبت بواسطة m_nabil

طيب اية التفسير المنطقى لى اللى حصل؟

البى ام 272 حصان عزم 300 نيوتن/متر ماتور 3000

السيفيك 170 حصان عزم 160 نيوتن/متر ماتور 1600

و أكيد أنتوا مكنتوش بتجروا من الثبات من الجير الثالث مثلاً مظبوط؟

انا عن نفسى كنت على التانى هو معرفش على النقلة الكام بس عادى

ياباشا مانا عارف والله ان المفروض والطبيعى ان البى ام طبعا هو انا قولت غير كدة

بس الواد كان شادد جامد جدا جدا انا مش اول مرة اسوق ياخوانا وعارف واحد بيشد يبقى ازاى بقولكوا ماشيين على 170 كم جنب بعض

وبعدين هقول حاجة اخيرة معلش انا جريت مع 525 بى ام دبليو 2007 والحمد لله سديت معاها سدة محترمة

حصل خير اية بى ام تانية هجرى معها هصورها لايف واوقفة واكلمة واقولة هو حضرتك كنت شادد وكنت ماشى على كام عشان تصدقوا

بس هقولكوا ليكو حق لانى ولا انا ولا اصحابى مصدقين بس للاسف كل الوقائع بتقول انة بيشد وسواق ومش خايف على العربية زى مالاخوة الاعضاء قالوا والطريق فااااااااااااضى بكررها ومافيش ناس بتعدى دة كوبرى والساعة 1:30 بليل

دة اللى حصل بكل امانة

وهتفضل الهوندا صاحبة المواتير الجبارة التى لاتقهر

على فكرة بى ام دبليو عشقى الاول بجد سيبك من الجرى والكلام دة بى ام دبليو عرش الفخامة والقوة

-

الموضوع: اصعب قرار ومش هاتعرف تختار!. Honda Civic 92_(Vs)_Bmw E30

LinkBack

أدوات الموضوع

عرض

-

-

-

-

المواضيع المتشابهه

اصعب قرار_ومش هاتعرف تختار!Peugeot 405_Vs_Fiat Tempra.ايطاليا_Vs_فرنسا.

أصعب قرار!ومش هاتعرف تختار!..سيفيك 92 vs فيكتراا a&b....

أصعب قرار!ومش هاتعرف تختار!.بروتون ويرا 2000_vs_لانسر بطة_فرق 8 سنين ونفس السعر!

اصعب قرار ومش هاتعرف تختار!.. بيجو 205_رينو 5سوبر سينيك_ريتمو ريجاتا85...

أصعب قرار!ومش هاتعرف تختار!... سيفيك vs كريستالة....

الكلمات الدلالية لهذا الموضوع

المفضلات

المفضلات

ضوابط المشاركة