الموضوع: اصعب قرار ومش هاتعرف تختار!. Honda Civic 92_(Vs)_Bmw E30

المشاركة الأصلية كتبت بواسطة M_Nabil

على حسب أنت بتقارن اية في مواتير البى ام مع ايه في السيفيك ماتور 18is و كمان الـ 20i صعب انه يطلع من ماتور SiR هو عزم مواتير البى ام اعلى من السيفيك لكن السيفيك أعلى في الهورس باور وعلى فكرة السرعة القصوى لمواتير الهوندا أعلى يعنى اذا كانت البى ام هيجيب أخره على 215 أو 220 كم فا ماتور الـ SiR بيجيب 235 كم وممكن يزيد ماتور السيفيك بيجيب من 0 لحد 100 كم في 7.2 ثانية البى ام في كام؟؟؟ أكيد أكثر بحوالى ثانية ونص الى ثانيتين الا لو هتسقط ماتور 25 يديك الوقت ده

السؤال الاساسى أنت هتجيب عربية وتشدها على مزاجك ولا هتجيب حاجه جاهزة تركبها؟

البى أم ثابته أكثر من السيفيك بس مش بفرق شاسع والبى ام وزنها أكثر من السيفيك في حدود من 150-250 كجم، السيفيك موديل أحدث وصالون أوسع، والبى ام سواقتها أمتع كونها دفع خلفى حيث الدريفتات والتعريض والأختيار ليك

محمد نبيل باشا اذيك

معلش بقى انا بس هرد على حاجة عشان لسة الموقف دة كان حاصل مع مين بى ام دبليو 330i 2009

انتوا بتقولوا الe30 وانا بقولكوا 330 2009 يعنى متهيالى المفروض فرق ثبات رهيب مابين الاتنين عشان التكتولوجيا المعقدة اللى فى السيارة واللى بتديها الهاى استابيلتى

نيجى بقى للموضوع والله انا كنت بجرى كدة مع 330 انا لح دلوقتى مستغرب ازاى انا وهو ماشيين بنشد جنب بعض كدة مع فرق الاحصنة 272 حصان مقابل 175 حصان مع تخطينا حاجز 170 كم احنا الاتنين وبردة مافيش حد فينا عدى التانى ولما الطريق اتزحم شوية اصبح دلوقتى اللعب على ثبات السيارة والله احنا تقريبا قلبنا كوبرى 6 اكتوبر auto cross وخلينا الناس كلها تشد تقريبا من قوة السباق اللى كان بينا بس الغرزة اللى كان بياخدها كنت بعمل واحدة قصادها بنفس الدقة والحمد لله عرفتة يعنى اية يجرى مع هوندا SIR وانا لحد دلوقتى مش لاقى تفسير للى حصل 272 مقابل 175 فرق تكنولويجا 2009 من 1995 المهم الحمد لله حصل خير وعت على خير

بالنسبة بقى للفئة الثالثة 320 موديل 2000 فى نفق الازهر مع تشغيل التكييف احنا الاتنين لانة كان بيشد معايا من اول صلاح سالم والحمد لله عديتة ودخلت النفق قبلة وبهدلتة فى ملفاتة كان بيرجع فرق بينى وبينة كتير بعد كل ملف وعلى فكرة M3TOUK زميلنا فى المنتدى بتاع هوندا كان معايا بس غير اليوم دة وشاف بنفسة واسالة
وانا باخد غرزة من عربيتين فى النفق على سرعة 175 كم غرزة ضيقة والحمد لله ربنا سترها

الE30 320 لعبت بيها على طريق المحور قبل الرادار مايتعمل كان تقريبا من سة ونص او سنتين مش فاكر ولقيتها عادية فى جريها اوى بس الوا كان باين انة مظبطها والحمد لله

دة ثبات الهوندا ياباشا

اللى مايعرفش يركب هوندا وبالذات SIR هيعرف يعنى اية هوندا

على فكرة شوفوا كدة الاختبار ة وانتوا تعرفوا WHAT HONDA MEAN
ودية الSI

YouTube - MW 1992 Honda Civic Road Test

اتفرجوا بس على الثبات