اصعب قرار ومش هاتعرف تختار!. Honda Civic 92_(Vs)_Bmw E30

**ahmedsadek82** · 04-09-2010 08:45 PM

المشاركة الأصلية كتبت بواسطة semsem kane

معلش ياباشا انا هاختلف معاك فى النقطة دية هى طبعا ازواق

بس انا اوافقك فى الرأى لو بلد غير بلدنا

لانى لو هركب e30 325 يبقى انا كدة هاخد نفس القوة واقل كمان من ماتور 1600 sir بس فى مقابل

بنزين اكتر لل325 و الضرايب والمصاريف كقطع غيار

وبالنسبة للe36 انك تركب 320 فبردة قوة الماتور صغيرة مقارنة بالsir

دة غير ان شكل الهوندا احلى واوسع انت لو بصيت لشكل الهوندا هتحس انك راكب عربية موديل 2006 , وقطع غيار ارخص , واوبشن كتير عن البى ام

يبقى كل دة يدى الكفة لصالح الهوندا ولا انت اية رايك ؟؟؟؟

يعني بس في ناس تقولك ان متعة و ثبات الدفع الخلفي ليها تمنها ده غير طبعا جودة بي ام مش محتاج اقولك فرق الصاج و الخامات و كده.

**SAMEH_FOUAD** · 04-09-2010 09:14 PM

المشاركة الأصلية كتبت بواسطة ahmedsadek82

يعني بس في ناس تقولك ان متعة و ثبات الدفع الخلفي ليها تمنها ده غير طبعا جودة بي ام مش محتاج اقولك فرق الصاج و الخامات و كده.

مافيش كلام من ناحية القوة والاعتمادية البى ام دبليو سيارة الظروف الصعبة والثبات العالى والرياضية من الدرجة الاولى

وماشى متعة الدفع الخلفى هيبان قوى مع الدريفتات وبما اننا كلنا تعبانين فى القرش وبنجيبة بالعافية فاكيد الكلام دة هتنساة اخرنا نشد ونحرق على الغيارت

بالنسبة بقى لتحكم الدفع الخلفى عن الامامى فممكن يتقال قدام سيارة تانية لكن الهوندا صعب الكلام دة
السيارة توزيعها متقن جدا شاسية طويل وعريض وانخفاض عن الارض بيديها ثبات وهمى وعن تجربة احرجت بى ام وباسات وجيتا وجولف 2010 وسوبارو امبيريزا وتويوتا كورولا 2009 فى الثبات اللى حسيت بانى فعلا امام منافسة مع السيفيك 2009 ودة فى الثبات بس والتحفة الباسات وطبعا الملكة 320 2009 والسوبارو ماكنتش متوقع ان التويوتا كورولا ثباتها مش حلو
واهية سيارات احدث منى ب15 سنة او 14 سنة وبردة تفوقت واتعادلت مع معظمهم

الهوندا سيارة رياضية والبى ام رياضية والثبات هنا عالى والثبات هنا عالى اللى هيحكم بقى فرق المواتير والاستخدام داخل المدينة مابين استهلاك وقود وقطع غيار لاتك مش هتجرى طول الوقت ومش غنى للدرجة ان الواحد يجيب عربية للسباق ويجيب عربية للمهمات اليومية طبعا انا بتكلم عن معظم حال الشعب المصرى

**M.Akef** · 03-09-2010 04:29 PM

المشاركة الأصلية كتبت بواسطة semsem kane

طبعا بى ام دبليو لا يعلى عليها سيارة الاحلام

بس دة اللى حصل وعلى فكرة انا بجد حصلى موقف لو كانت عربية غير البى ام كان حصل كلام تانى خالص

كنت ماشى وخلاص مهدى عشان ادخل اول يمين وفجاءة سمعت صوت محركات عالية يعنى عربيات بتشد واذ ببى ام دبليو بيدى غرزة تقريبا على سرعة مش اقل من 80 وراح لاقنى فى وشة مافيش بينى وبينة 4 متر والله انا تلاقى من نفسى شوفقتة فى المرايا روحت موسع بس هو كان وقف اول لما شافنى بجد العربية دية وهم فى كل حاجة انت 320 2008 لانى وسعتلة وعدى من جنبى بحرق ان بيشد مع عربية اوبل استرا بس بجد قولت الحمد لله ان ربنا ستر والحمد لله انها بى ام مش اى عربية تانية كان زمانها خبطت فى مليون عربية

ياجماعة انا اصلا بموت فى حاجة اسمها بى ام دبليو دية اللى حببتنى فى السيارات اصلا

بس مش عارف وانا راكب الهوندا بيجيلى احساس ان اى حد بيجرى معايا الهوندا هتاكلة وفعلا الاحساس دة بيتاكد كل مرة

انا بردو لي مواقف مع بي امات بتعقدني و تعتبر اشدهم كانت بي ام 325 مشهوره عندنا جدا برقمها و صحبها انه مفتري دا انا كنت ماشي علي الدولي لقيته هو و جتا جيين مظبطين الطريق غرز من ورا انا كنت ماشي عادي 160 دست الكيك دون وصلت ل170 و لسه بتقول كلام حلو لقيت البي ام طارت من جمبي كأني واقف ولله كأني واقف يعني هو معدي حاجز ال200 من بدري و طار كان بياد غرز بعرض العربيه و بيلعب لعب جامد جدا قلت متشترتش علي البي ام اكيد هتشطر علي الجتا جت الجتا جمبي و لسه هيعدي بدء يرجع لوره لاني كنت جمعت جامد و هو كان دايس الكيك دون لكن فجئه ملف حاد علي سرعه لا تقل علي 180 و سعتها الدنيا ضربت الوان في وشي لا هيمفع المس الهاند علي السرعه دي ولا فرامل لان الزوايا مكنتشي مظبوطه يعني هروح في ستين دهيا شلتر رجلي من علي البنزين و وحد الله و احلي زحف تسمعه من عربيه لانسر راكب فيها 5 عندي كان ظهر العربيه في شوار و راجع بس الحمد لله رفعت راصي و متقلبتشي:b4_282:و كملت جري بس بتاع الجتا خاف و هدي بعد الي شافه(هو طبعا خد الملف ولا كأنه ماشي علي 80) بعد فتره من الغرز و الارص وصلنا لمنطقه مطباط و زحمه و كنت شايف البي ام طاير ادام بردو علي سرعه عاليه بياخد عرز ولا الي ماشي علي 20 و كان فاتح التكييف الراجل ده عقدني في الدنيا كلها

**ahmedsadek82** · 03-09-2010 04:39 PM

المشاركة الأصلية كتبت بواسطة medoakef

انا بردو لي مواقف مع بي امات بتعقدني و تعتبر اشدهم كانت بي ام 325 مشهوره عندنا جدا برقمها و صحبها انه مفتري دا انا كنت ماشي علي الدولي لقيته هو و جتا جيين مظبطين الطريق غرز من ورا انا كنت ماشي عادي 160 دست الكيك دون وصلت ل170 و لسه بتقول كلام حلو لقيت البي ام طارت من جمبي كأني واقف ولله كأني واقف يعني هو معدي حاجز ال200 من بدري و طار كان بياد غرز بعرض العربيه و بيلعب لعب جامد جدا قلت متشترتش علي البي ام اكيد هتشطر علي الجتا جت الجتا جمبي و لسه هيعدي بدء يرجع لوره لاني كنت جمعت جامد و هو كان دايس الكيك دون لكن فجئه ملف حاد علي سرعه لا تقل علي 180 و سعتها الدنيا ضربت الوان في وشي لا هيمفع المس الهاند علي السرعه دي ولا فرامل لان الزوايا مكنتشي مظبوطه يعني هروح في ستين دهيا شلتر رجلي من علي البنزين و وحد الله و احلي زحف تسمعه من عربيه لانسر راكب فيها 5 عندي كان ظهر العربيه في شوار و راجع بس الحمد لله رفعت راصي و متقلبتشي:b4_282:و كملت جري بس بتاع الجتا خاف و هدي بعد الي شافه(هو طبعا خد الملف ولا كأنه ماشي علي 80) بعد فتره من الغرز و الارص وصلنا لمنطقه مطباط و زحمه و كنت شايف البي ام طاير ادام بردو علي سرعه عاليه بياخد عرز ولا الي ماشي علي 20 و كان فاتح التكييف الراجل ده عقدني في الدنيا كلها

الحمد لله ربنا سترها معاك خد بالك يا ريس , و بعدين البي ام مساموهاش ultimate driving machine من فراغ

**ahmedsadek82** · 03-09-2010 04:28 PM

متعة الدفع الخلفي حاجة تانية مش ممكن تلاقيها في اي عربية امامي مهما كانت gti , sir ....

**i_Am_Legend** · 03-09-2010 10:03 PM

المشاركة الأصلية كتبت بواسطة matrixco

ياااااااااااااااااة , اخيرااااااااااااااااااااا !!!! +99999999999

خللللى بااااالك موتور الدبانة e36 لو سقط فى الe30 هايطلع من اى عربية بحكم الوزن لصالح e30 والe36 تتقارن بسيفيك 2005 مش بال97 .وعلى فكرة الe30 اقوى من الدبانة واسرع وابسط واقل اعطال وفى ناس بتدفع فى اى ثرتى قد تمن الدبانة-الاى ثرتى محبوبة اكتر وكمان اسرع من الدبانة.نفس اللى حاصل مع السيفيك -اكتر شكل بيحبوه هنا وبرة مصر ال93 ال97 مش محبوب خالص.وبردة ناس بتدفع تمن ال97 فى 93...... ... ..... ......... مش قولتلكم مش هاتعرف تختار ولا تاخد قرار.ملوك التعديل -ملوك الطريق -ملوك الثبات -عشق الشباب والكبار - حتى الستات بيحبوهم.

**i_Am_Legend** · 03-09-2010 10:17 PM

والله انزلكم بحتة فيات اونو تربو -او تيبو تربو - كل دة هايركن على جنب -ولا اقولكم-نجهز ماريا بالموتور ال2000 ابو 20 صباب-والله العظيم الماريا -تقعد ال2 جنب بعض مس هاتتشاف اساسا.
بس بلاش نجيب سيرة الفيات هنا علشان الدنيا ماتتلخبطش-خلينا فى هناء وشيرين.قصدى -سيفيك وأى ثرتى.

**ahmedsadek82** · 03-09-2010 11:12 PM

متعة الدفع الخلفي حاجة تانية مش ممكن تلاقيها في اي عربية امامي مهما كانت gti , sir ....

**otefa** · 04-09-2010 01:29 AM

معلش مش اي سحب أمامي الأفا روميو 156 2000 سي سي بتتعب البي أمات جامد لغاية فئة ال540

-

الموضوع: اصعب قرار ومش هاتعرف تختار!. Honda Civic 92_(Vs)_Bmw E30

LinkBack

أدوات الموضوع

عرض

العرض المتطور

- انشر الموضوع فى :

-

-

-

-

-

-

-

المواضيع المتشابهه

اصعب قرار_ومش هاتعرف تختار!Peugeot 405_Vs_Fiat Tempra.ايطاليا_Vs_فرنسا.

أصعب قرار!ومش هاتعرف تختار!..سيفيك 92 vs فيكتراا a&b....

أصعب قرار!ومش هاتعرف تختار!.بروتون ويرا 2000_vs_لانسر بطة_فرق 8 سنين ونفس السعر!

اصعب قرار ومش هاتعرف تختار!.. بيجو 205_رينو 5سوبر سينيك_ريتمو ريجاتا85...

أصعب قرار!ومش هاتعرف تختار!... سيفيك vs كريستالة....

الكلمات الدلالية لهذا الموضوع

المفضلات

المفضلات

ضوابط المشاركة