الموضوع: اصعب قرار ومش هاتعرف تختار!. Honda Civic 92_(Vs)_Bmw E30

المشاركة الأصلية كتبت بواسطة saberman

مشكله العداء الازلى بين الهوندا و البى ام

مين قال كدة بس انا والله بحب هوندا جدا كا " يابانى" من احسن العربيات و توكيل محترم فى مصر و عربية محترمة برده بس يا باشا اللى بيركب بى ام او مرسيدس او هوندا او الفا رميو "مش فى مصر" بتبقى احسن عربية بالنسباله و على فكرة البيمر مبيقدرش يغير حتى لو لمرسيدس اللى بيجيب بى ام , يبقى كدة خلاص , عليه العوض

الحقيقه كلام ahmedsadek82 مفهوش غلطه اصلا بي ام سيار فاخره فعشان تقارنها هتقارن الجديد بالجديد لو عاوز تقول مركات يبقا الاكورد ب ال525 و مع عشقي للأكورد الشديد و عشقي لمرسيدس ايضا لكن هقول ال525 تكسب بكتساح تام حتي الاكورد مش هتبقا في خانه المنافسه لانها المفروض سياره فاخره و هي في الحقيقه مفهاش ريحه الفخامه بالنسبه لل525 ولا الرفاهيه كل الي فيها موتور و نظام تعلق محترمين انا معرفشي مواصفات محرك الاثنين بس الي متأكد منه ان ثبات الاكورد لا يعني شئ بالنسبه لثبات ال525 دا لما انا سقت ال318 و نزلت منها سقت عربيتي الانسر كنت بقول هو العربيه مفهاش مساعدين ولا ايه و اتقرفت منها!!!
فما باللك بال525 انا بشفها بتعقد اصلا ولا لما تبقا مع شاب و بيقول عاوز يجري بيكون مبهدل الشارع و بيرج العمارات و تلاقي كل الناس بتجري وراه عشان يدو لقب شديد مع بي ام
يعني عاوز اعرف عربيه قمه في الفخامه و مالكه لرولز رويز افخم سياره في العالم و سياره لها تاريخ مشفرق في عالم الفروميلا ون(الي عمري ما شفت هندا فيه) و تعتبر السياره الفارهه و الرياضيه الاولي في قلوب الشباب فالعربيه مش مجرد محرك فقد فهي كيان كامل و اظن ان كل الشباب الي ركبين بي امات مش اغبيه و لو كانت الاكورد افضل كان زمنا شفناها ملاكي!

نرجع للسفك 1993 معشوقتي الي بحلم بمتلاكها كسياره رياضيه وليست كسياره فارهه موتور قوي جدا و لو فكرت هفكر في النيب ار وش طبعا بييجي بعفشته و تظبيطاط خارجيه تخليها رياضيه جدا و صاولن تحفه يبقا انا معايا سياره رايضيه من الترجه الاولي وليست فارهه حضرتك لو دورت علي العربيه دي و شفت التكنولوجيا الي فيها هتحس انها عربيه من ايام الستينيات بالنسبه لل316 حتي الي هي من اقل فئات بي ام
و نروح للعزل طبعا بي ام معروفه انك مش بتعرف انت ماشي علي كام الا لما تبص علي العداد هل عزل السفك زي ال316
نروح للفخامه و الرفاهيه موضوع لا جدال فيه ان بي ام تتفوق بمراحل
نروح لجوده التصنيع بردو الصناعه الالانيه معروفه بانها افضل جوده تصنيع و عربيات معمره بطريقه تدايق
اسم طبعا بي ام ليها بريتجا و اسمها الكبير جدا علي مستوي العادي و هندا بردو مغروفه بس مش لكل الناس الناس الي بتفهم بس لان في ناس مش بتقدر تفرق بين الهيونداي و الهندا!!!!
المحركات الحقيقه مش هقدر انكر ان هندا من اقوي المحركات علي مستوي العالم زيها زي بي ام لكن في نقطه غابت عن كتير بي ام مش بدور علي سي سي زي هندا بالعكس ال750 موتور عملاق 4.5 علي هورس بور قليل و عزم عالي نوعا ما لكن في النهايه سي سي عالي علي هورس بور قليل مع ان بي ام ممكن تزل موتور بنفس العه مع ضعف الهوس بور!!!! ليه؟
لان ميمفعشي اكون راكب عربيه من افخم العربيات في العالم و حد يسألني علي السي سي اقول 2500 بس مفتريين لا لازم السي سي يبقا عالي لانه بالنسبه للفخامه زي الدي في دي و الكراسي السخاات شئ من الرفاهيه مش بيحسبوها بقا سي سي علي الفاضي و الكلام ده لانها في النهايه سياره فارهه لكن في العربيات الرياضيه بي ام بطلع شغل محترم جدا فيها و الM6 من اعلام السيارات الرياضيه علي مستوي العالم و من اقواهم لكن السي سي القليل rbm عالي زي ما قلت ابل كدا يعني عمر افتراضي اقل و طبعا بي ام بتسعي للعربيات العمره لان مش كل يومين هسقط موتور ب30 الف لا دي اخر حاجه بفكر اغيرها في علربيه بي ام هي الموتور اصلا
نروح للوزن بي ام وزنها زياده 400 ولا 500 كيلو يعني كتر خيرها اوي انها بتقول كلام حلو جمب السفك و كمان البي ام خلفي و ده بيخلي طلعه العربيه تقيله طبعا عكس الامامي الي بيخايا تخدها قفزات!
نوصل لاخر نقطه و هي الثبات لان زعلني اوي الاستاذ semsem kane لاني من الاول كنت بشوفه بيقول كلام جميل اوي و موزون و في اخر رد ليه بيقول انت بتاخد ملفات علي كام و عاوز يقارن ثبات البي ام بالهندا و دي ميمفعشي خالص في فرق بين الليونه و دي المتوافره في هندا جدا زي الفورميلا ون كدا عربيه هوا بس شكلها و تصميمها بيخليها ثبته علي الطريق شرط سواق و في الاخر ثباتها بيكون مرن جدا و نروح لثبات البي ام و ده ثبات خرافي مع اني نفسي اعرف بيجيبو الثبات ده منين مع قاعه العجل الصغيره دي(بالنسبه لقاعده عجل مرسيدس مثلا)لكن العربيه في قمه الثبات حتي لو الي سيقها حمار فيقفل العداد بيها و يغرز و يعمل الي هو عوزه و العربيه مش هتقول له تلت الثلاثه كام و انا افضل بدل الكلام الكتير


اظن ان الاخ semsem kane و الاخ ahmedsadek82 من النوع الي بيغرزو و بيلعبو كتير يبقا يتحدد يوم يتقبلو فيه بعربيتهم و يطلعو علي طريق كله ملفات صعبه و يفتحو سرعات و نشوف اي عربيه فيهم بتقول كلام وحش الاول و نعمل بقا توب جير ايجبت
دا لو الموضوع يهمكم دي اسلم طريقه انا لما واحد قالي لي الكورولا اثبت من الانسر اتكلمنا شويه مفيش فيده خده علي الدوريسففته التراب ورايا اجري اد ما تجري بس عاوز اشوفك علي الملف هتعمل ايه
ولا انتو ايه رئيكم يا شباب في الفكره دي(مع اني عارف كل واحد يهقول لي حجه واحد هيقول الشغل و التاني هيقول مسافر!!)