الموضوع: حجزت صنى اتوماتيك اليوم من السبع اتوموتيف

المشاركة الأصلية كتبت بواسطة memo_hefnawy

ألف مبروك يا محمد باشا و إن شاء الله ربنا يباركلك فيها

نصيحة إتصل بالتوكيل مباشرة و إسأل على السعر تجنبا للحركات

بالنسبة للون حاول تغيره للون فاتح عشان الإسود ده بعد سنة هاتزعل عليه أوى

محمود باشا الله يبارك فيك....أجيب رقم التوكيل منين ؟؟

المشاركة الأصلية كتبت بواسطة DODY

مبرووووك عليك وربنا يبارك لك فيها ويكفيك شرها .. ياريت اعرف تفاصيل اكثر عن القسط يعنى المدة والفائدة

التقسيط 60 شهر بواقع 800 جنيه شهريا أو أقل حاجة بسيطة + دفع مقدم 58 ألف

الفائدة طبقاً للبنك العربي 8.5% وكل المطلوب منك صورة بطاقة وايصال كهرباء حديث

يتم عمل حظر بيع حتى سداد قيمة الأقساط مثله مثل أى بنك ولكن لا يأخذ نسخة مفاتيح وهى ميزة

فى حالة رغبتك فالسداد المبكر يتم دفع 3% من باقى أصل المبلغ

المشاركة الأصلية كتبت بواسطة memo_hefnawy

من إعلاناتهم فى ملحق الجمعه

أو إتصل ب 140 و إسأل على توكيل نيسان - مش أى موزع - التوكيل نفسه

دى الارقام اللى جبتها من الدليل

رقم المصنع فى 6 أكتوبر 38340920/1/2/3/4/5

والموزع مودرن موتورز لأن ده متسجل عندهم الموزع الرئيسي تقريباً رقمه 19055

حاولت اكلم كل ارقام المصنع محدش بيرد

مودرن موتورز بيقول سعرها 91 الف وسواء بنبيعها كاش او تقسيط الورق بتاعنا بيقول السعر الرسمي لكن ميعرفش ليه السبع بيعمل كده.

المشاركة الأصلية كتبت بواسطة memo_hefnawy

لأ يبقى إرجعلهم و حقى و حقك و العربية بتتباع كده يا يديهالك بنفس السعر يا تاخد فلوس الحجز

كاتبين فإيصال الحجز يتم خصم مبلغ 1000 جنيه رسوم إدارية فحالة الإسترداد أنا هصبر عليهم لغاية ميخلصوا اجراءات البنك واكلمهم تانى فالنقطة دى

المشاركة الأصلية كتبت بواسطة cpt_shawky

إن شاء الله سيتم دفع جزء مقدم (58000) والباقى (33000) قسط مع البنك العربي وبعد اتمام التفاصيل اخبرنى مسئول المبيعات بتفصيلة لا ادرى سببها واتمنا منكم الإفادة وهى ان سعر السيارة 91000 ولكن سيتم ارسال السعر للبنك 88000 فقط متعللاً بأن هذا توفيرا لهم فالضرائب وان اقوم بدفع الفرق مبلغ ال 3000 كاش بمعنى أن أقوم رسمياً بسداد (55000) فقط وأخبرنى أن اقول ذلك اذا سألنى البنك.

المعرض عامل كده لأن البنك بياكل منه حوالي 1.5% من ثمن العربية !

فكل ما المعرض يقلل سعرها على الورق ، تقل نسبة البنك .

وبعدين أنت كده واقع في الربــا ... هل تعلم ذلك ؟

لأن البنك هايقرضك بقية ثمن العربية ويدفعه للمعرض ، وسيفتح لك حساب دائن - البنك دائن وأنت مدين - بقيمة هذا القرض ويحسب عليك ربا " فائدة "....

والربا له أربع عقوبات ، 2 في الدنيا و2 في الآخرة

في الدنيا : المحق ، وأذن بالحرب من الله

في الآخرة : لا يقوم إلا كالذي يتخبطه الشيطان من المس ، + عذاب جهنم

ونعوذ بالله من الربا ولعنته .

المشاركة الأصلية كتبت بواسطة memo_hefnawy

طبعا تهريج

كلمهم قولوهم بالذوق العربية بتتباع أرخص بره - تنحوا هددهم بحماية المستهلك

التهديد ماعملش نتيجة كلم حماية المستهلك

---------
يا جماعه إتعودوا تشتروا من الوكيل مباشرة و إبعدوا عن المعارض أو الموزعيين إلا لو الوكيل مش بيبيع مباشرة للناس

أنا توجهت للسبع لأن سبعاوى اشترى منه وبالتالى فهو اكيد عارف ان ده أفضل مكان وفهمت ان ده افضل موزع ومعنديش فكرة فين اماكن الوكيل.