حجزت صنى اتوماتيك اليوم من السبع اتوموتيف

**cpt_shawky** · 12-03-2008 03:09 PM

الأخوة الأحباء قمت أمس بدفع المقدم وتوجهت اليوم للبنك العربي وفى انتظار اتصال منهم لتوقيع الشيكات

وكما ذكرت تم تغيير عرض السعر للسعر الرسمى :)

دلوقتى بقا بالنسبة للتأمين تنصحوا بايه طبقا للمنتدى تأمين جمعية CIS بقيمة 1.5% وطبقاً لمعرض السبع التأمين بردو مع جمعية CIS بقيمة 2% (مع وعد منهم انهم يسهلوا الاجراءات فى حالة حدوث اى شئ لا قدر الله) وأيضاً كلمت شركة Allianz والتأمين بقيمة 2.97% مع الوضع فالصورة أنه طبقا لكلامهم فانهم افضل شركة تأمين....فانتظار النصائح عاجلاً

**cpt_shawky** · 14-03-2008 07:11 AM

فمت أول أمس بتوقيع شيكات البنك العربي وهم 7 شيكات:

1- شيك بمبلغ (35000) بكامل مبلغ القرض يسترد فاخر الـ 5 سنوات.
2- 5 شيكات كل منهم بمبلغ (7000) يسترد منهم شيك كل أخر سنة.
3- شيك بمبلغ (6250) للفيزا.

والسبع حالياً يفيد بعدم توافر سيارات وانتظار ليوم الأحد!!

**SAbuhashem** · 14-03-2008 07:54 AM

أنا في سؤال محيرني
شايفكو بتتحروا الحلال والحرام في موضوع تقسيط البنوك و- سايبين موضوع التأمين دة عادي ماهو التأمين التجاري مش حرام ولا إيه ؟؟

أصل أنا لاحظت الموضوع دة كتير الناس تسأل عن تقسيط البنك أما التأمين دة بيغضوا الطرف عنه مش عارف ليه

المشكلة إن التأمين إجباري مع تقسيط البنك يعني كدا علشان أجيب عربية تقسيط من البنك فرضا إنه حلال لازم أعمل معاه حاجة حرام إجباري اللي هي التأمين

إيه بقى المخرج من حاجة زي دي مع العلم إن البنك مش بيوافق إنه يسيبك تأمن في المكان اللي إنت عايزه زي التأمين التعاوني مثلا

Thanks
Eng.Sherif Shaker

**cpt_shawky** · 14-03-2008 03:15 PM

المشاركة الأصلية كتبت بواسطة SAbuhashem

أنا في سؤال محيرني
شايفكو بتتحروا الحلال والحرام في موضوع تقسيط البنوك و- سايبين موضوع التأمين دة عادي ماهو التأمين التجاري مش حرام ولا إيه ؟؟

أصل أنا لاحظت الموضوع دة كتير الناس تسأل عن تقسيط البنك أما التأمين دة بيغضوا الطرف عنه مش عارف ليه

المشكلة إن التأمين إجباري مع تقسيط البنك يعني كدا علشان أجيب عربية تقسيط من البنك فرضا إنه حلال لازم أعمل معاه حاجة حرام إجباري اللي هي التأمين

إيه بقى المخرج من حاجة زي دي مع العلم إن البنك مش بيوافق إنه يسيبك تأمن في المكان اللي إنت عايزه زي التأمين التعاوني مثلا

Thanks
Eng.Sherif Shaker

طيب لما حضرتك بتجدد رخصة سيارتك بتدفع رسوم تأمين بردو يعنى الموضوع مش مرتبط بس بالقسط اللى مع البنك كل اللى عنده سيارة بيدفع رسوم تأمين يعنى النظام هو اللى بيفرض علينا كده..ايه المخرج فدى كمان ؟؟؟

**eng_mkhalaf** · 15-03-2008 12:00 PM

أيوة كدة انا شفت الموضوع - ربنا يباركلك وتستلم على خير أن شاء الله - بالنسبة لو أنت غاوى يبقى توكل على الله - انت مش جايبها علشان تحنطها أو تحطها فى كيس بلاستيك - مع أحترامى لآى حد من الأخوة الأعضاء ولكن دة رأى شخصى بحت - وكمان طب قسط بقسط خليك فى الرياضية جامدة مووووووووووت

**cpt_shawky** · 15-03-2008 12:17 PM

المشاركة الأصلية كتبت بواسطة eng_mkhalaf

أيوة كدة انا شفت الموضوع - ربنا يباركلك وتستلم على خير أن شاء الله - بالنسبة لو أنت غاوى يبقى توكل على الله - انت مش جايبها علشان تحنطها أو تحطها فى كيس بلاستيك - مع أحترامى لآى حد من الأخوة الأعضاء ولكن دة رأى شخصى بحت - وكمان طب قسط بقسط خليك فى الرياضية جامدة مووووووووووت

حقيقة فكرت ولكن لا لسبب بسيط وهى انها تأتى بدون ABS+EBD فى كلا الحالتين وبالتالى لا داعى لزيادة المصاريف .

**cpt_shawky** · 16-03-2008 12:39 PM

فى حاجة ظريفة نسيت احكيهالكم عن السبع أنهم رغم كل ده متدينين جداً....يعنى تتصل بيهم اوقات الصلاة تلاقى محدش موجود غير البنت اللى بترد عالتليفون وتقلك انهم بيصلوا ولما يحطوك عالهولد تسمع قرآن مفيش موسيقى....ما شاء الله :)

**cpt_shawky** · 19-03-2008 12:05 PM

اصدقائى حدث تطور جديد فالموضوع وتدخلت قوى خارجية (UFO) :D الوالد باع شقة اسكندرية وجارى شراء شقة فمدينة نصر تانى صف أمام قاعة المؤتمرات وحالياً فى مفاوضات مع السبع لسحب المبلغ منذ يومين وسيتم خصم 1000 جنيه (رسوم ادارية!) بس مش مشكلة الشقة احسن بردو:) وبالنسبة للبنك فانتظار استعادة الشيكات الموقعة ب (76 ألف) خلال 3 اسابيع. يا مسهل.

**eng_mkhalaf** · 19-03-2008 03:25 PM

مبروك الشقة مقدما - وطبعا الشقة أهمممممممممممممممممممممم بكتير من العربية

**hano_elmorsy** · 22-03-2008 11:46 PM

بص يا سيدى انا شغال فى بنك ناصر والموضوع اللى انته بتقول عليه دا اما حاجة من اتنين
اولا : فيه خصم تجارى بياخده البنك من المورد وعايز طبعا يشيلهولك عشان هوا مالوش ذنب فيه
أو ثانيا : عرض السعر اللى متقدم من المورد للبنك قيمته 88000 بس ومش عايز يعمل عرض جديد وبالتالى انته تدفعله الفرق كاش ومفيش مشكلة
اما عن موضوع الضرائب فهى مبلغ تافه حوالى .0.5% ( نص فى الميه ) تدفعه فى اى حته مش فارقة ولو ان رأيى شخصيا الا تدفعه لأنه البنك كدا كدا بيورده لمصلحة الضرائب باسم المورد وبيتخصم من الضرائب المقررة على المورد فى نهاية العام
وأنصحك انك تروح البنك لوحدك وتسأله عن القيمة اللى هايدفعها للمورد بالظبط
اما عن السعر فالرسمى 92000 بس فيه فصال فى 1000 ج ممكن تنزله من البائع
وانصحك انك لو عندك ضمانات مرتبات او وديعه تاخدها من بنك ناصر احسن عشان فائدته 6% بس دلوقتى ومابيجبركش على عمل تأمين شامل ودا خبر طازه لسه النهارده
وانا على اتم الإستعداد للرد على اى استفسارات خاصة بالتقسيط على ايميلى hano_elmorsy@yahoo.com