الموضوع: حجزت صنى اتوماتيك اليوم من السبع اتوموتيف

الترخيص اللى انا عملته لمدة 3 سنوات.

أولا الف مبروك مقدما وربنا يديك خيرها ويبعد عنك شرها
ثانيا بالنسبه لموضوع الربا ده فالفقه الاسلامى اجاز المعاملات التى يتم توسيط السلعه فيها ولتوسيط السلعه لابد من انتقال الملكيه بالكامل بين 3 أطراف طرف أول هو البائع أو الوكاله , طرف ثانى هو البنك ..مشترى أول ... وأخيرا العميل اللى هوا حضرتك
وعشان تحصل الوسطنه ديت لازم تكون الخطوات سليمه فى ال 3 مراحل
يعنى لازم أخونا يجيب عرض شراء ويسلمه للبنك وبعدين ينزل مندوب من البنك يعاين المعرض والعربيه ويدرس السعر وبعدين يطلع شيك للمعرض باسم البنك ...مش يطلع شيك للمعرض باسم العميل أو يدى الشيك للعميل مستحق على البنك ...ويروح مندوب من البنك يستلم العربيه ويخلص ورقها لصالح البنك ....مش يسيب العميل يعيش حياته مع المعرض ...وبعد تمام نقل الملكيه يتم عمل عقد بيع أو ...مرابحه ...بين البنك ...مالك السياره لان خلاص المعرض طلع منها ...وبين العميل بيمثل تمن العربيه الاصلى + هامش ربح البنك ....مقابل السداد بالتقسيط والليله اللى فاتت.... وتنتقل الملكيه للعميل فى النهايه ....ده أسلوب الصحيح لتوسيط السلعه وفقا لفقه المعاملات الاسلامى والباقى انتوا فهمين ...

ُثالثا السبع باشا مستفيد حاجتين اولا فى عقد بيكون بين البنك والوكاله ان لما حضرتك ترحلوا يقولك روح للبنك الفلانى مش العلانى ...
فهوا هنا عمل حجتين ..... 1 0 قلل نسبه البنك
2 0 قلل من حجم مبيعاته قدام الضرائب بى 3000 ج
أخر حاجه خليك على موقفك لان هوا اللى تحت درسك وكلامك لو عليه دليل هيضره
جاااااااامد

النهاردة كلمت الشئون القانونية عندنا فالشركة وأكدولى أنه لازم كل الورق يمشي سليم ونقلت الكلام ده للسبع وكان الرد لأول وهلة طيب حضرتك هاتلنا محامى الشركة واحنا نقعد معاه ونقنعه ونفهمه فقلتله انت بتتكلم فإيه دى ناس فاهمة شغلها وبيعملوا مئات العقود فسكت ثوانى فكملت كلامى قلتله من فضلك بكرة تجهزلى عرض سعر جديد مكتوب فيه 91000 عشان اخده واكمل اجراءات البنك وكان الرد بكل بساطة اتفضل حضرتك بكرة سدد باقى المقدم وتاخد عرض السعر الجديد للبنك وتم انهاء المكالمة.....يا جماعة واجب ان الكل يتمسك بحقه ونصيحة محدش يوافق او يكدب لغرض تسهيل حق غير مشروع وزى مشفتم بحمد الله الموضوع بسيط طالما أصريت على وضع الأمور فى الاتجاه السليم والله الموفق.

المشاركة الأصلية كتبت بواسطة cpt_shawky

يا جماعة واجب ان الكل يتمسك بحقه ونصيحة محدش يوافق او يكدب لغرض تسهيل حق غير مشروع وزى مشفتم بحمد الله الموضوع بسيط طالما أصريت على وضع الأمور فى الاتجاه السليم والله الموفق.

كلام سليم والف مبروك مقدما

الف مبروك و ربنا يباركلك فيها و يكفيك شرها

أولا وقبل مهنيك على العربيه اللى ربنا يبركلك فيها بهنيك على موقفك الثابت لان فى ناس بتكبر وتنفض .....
ثانيا زى مقلتلك هوا اللى تحت درسك مش انت ويكفى ان انت ماشاء الله عملتله دعايه تجنن والله معرف ازاى الناس ديت اتعينت فى التسويق وهو مفتقد أ ب تسويق من اللى علموهلنا فى الكليه ..
وماشاء الله بدل ميهتموا فى السبع انهم يعملوا ميزه تنافسيه عملولهم ميزه تطفيشيه
أخيرا بصراحه احترم موقفك وأحترم حرص الناس فى المنتدى ده انهم يروا كل حاجه بتقبلهم بصراحه وصدق .
بس أنا قريت فى المنتدى أن غبور خصص فريق عمل يتابع بس اللى بيتنشر فى نيا موتورز عن هيونداى أتمنى ان نيسان موتور أيجيبت تعمل مبادره مماثله هتريح ناس
كتييير وده مش عيب .
بالنسبه لردى على موضوع الربا اللى كتبته فأنا اشاركك الرأى انه لا مكانه ولا وقته
بس الفرق كبيييير حدا بين الاتنين وده برضوا مش كلامى كمان النظام ده افضل لان كل اللى بعمله بجيب بس عرض اسعار والبنك بعد كدا مع نفسه .