الموضوع: حوار ودي حول مدي الديموقراطيه في نايل موتورز

المشاركة الأصلية كتبت بواسطة askafrawy

ممكن بس اضيف حاجة.....
بغض النظر عن الاعلانات و عمليات التطوير للمنتدى
انا ملاحظ ان موضوع الاختلاف بين الاعضاء والادارة زاد عن الحد و خصوصا ان بعض الناس بتدخل عشان تشتم الادارة و بتستخدم اللون الاحمر و بتستخدم اقذر الالفاظ لاهانة ادارة المنتدى
و موضوع ان المنتدى ناجح باعضاؤه دة برضه مش اساسى لان فيه منتديات اخرى كتير بها نفس اعضاء نايل موتورز و مش ناجح النجاح دة....يبقى مش الاعضاء وحدهم هم المسؤولين عن نجاح المنتدى لازم ان الدارة كمان تكون متجددة باستمرار و ان المنتدى دايما مواكب لمتطلبات الاعضاء

الاداره والاعضاء وجهان لعمله واحده لنجاح المنتدى
بدون واحد منهم استحاله المنتدى يوصل لهدفه

لو الاداره وحشه مكانش نايل موتورز نجح
ولو الاعضاء وحشه مكانش نايل موتورز برضه نجح

اكيد حتلاقى ان اغلب الناس الى بتهاجم اصحاب المنتدى من الناس الى لسه جديده ومش متابعه نايل موتورز من اول مظهر على النت

او من الناس الى واخده على المنتديات التانيه الى كل واحد بعمل فيها الى على مزاجه

يظهر ان الحق بيزعل الناس دلوقتى
ومن حكم فى ماله فما ظلم

المشاركة الأصلية كتبت بواسطة ASKAFRAWY

انا معاك فى الكلام دة و مأيده جدا...لكن فعلا مش كل البيهاجم الادارة بيكون عضو جديد...بالعكس فيه اعضاء كتير متابعة نايل موتورز من اول ما بدأ و برضه بتهاجم...
هى فعلا كدة من حكم فى ماله ما ظلم
لكن برضه الادارة بترد على الاعضاء و فهمت وجهة نظرها فى موضوع الاعلانات دى مع انه مش لازم يبرروا ليه هم عملوا كدة لو فعلا من حكم فى ماله ما ظلم
لكن لما اتعمل موضوع الشكاوى كل المش عاجبه حاجة بينسبها للادارة و دة فى حد ذاته غلط
و فى النهاية احنا كاعضاء يهمنا استمرار المنتدى و نجاحه لان فعلا نايل موتورز من افضل المنتديات البحبها.

انا على فكره مشفتش الموضوع الى بتتكلمو عنه لانه اتحذف وانا بقالى يومين مش متابع المنتدى اوى بس فهمت الحوار من كلامكم

و بالرغم من ان من حكم فى ماله فما ظلم فأن الاداره برضه مش عاوزه حد يزعل وبتفهم كل عضو كل خطوه وبتخطيها وليه وعشان ايه فيه حد بره فى اى منتدى بيعمل كده

فى منتدى يعمل اى تغير وبمجرد مألاعضاء يقولو انه مش عاجبهم يستجيبو ويغيروه او يشرحو هما عملو كده ليه
اظن ان الى يعمل كده يبقى نحترمه لان زى مقولت من حكم فى ماله فما ظلم طب هما مبيعملوش كده لا دول بياخدو رأينا فى مالهم هههههههههه

وبرضه انا مع ان المنتدى بأعضائه وبأدارته واحنا الحمد لله عندنا الاتنين
ولو الاداره جت علينا شويه احنا بنيجى عليها كتييييييييييييييييييييير فلازم نستحملهم

واظن احنا بنأدمين مش ملائكه ولينا اخطاء

لو مصر بتدار بنفس طريقة إدارة المنتدى بتاعنا والله مصر كانت تبقى أحسن بكتير

من داخل الكواليس أقدر أقول لكم إن الفايدة العامة والمساواة واحترام الأعضاء والارتقاء بمحتوى المنتدى وطبعا إرضاء الله فى الأول هو الشاغل الأول لطاقم الإدارة كله

علشان كده ربنا مبارك فيه وفى أعضائه

المشاركة الأصلية كتبت بواسطة nabaster

في حاجه كمان انا نسيتها يا جماعه

وشنوري مشكورا اشار اليها

قصة الالتماسات الي بقيت عمال علي بطال

وبقي اي خد ياخد وقف تلاقي في مجموعه من الاضعاء بتدافع عنه

وزي ما قال شنوري فعلا بتلاقي ان في ناس منهم متعرفش سبب الايقاف اساسا
__________________________________

في حاجه هحكيها بس مش عارف فعلا الموضوع ده بدا معايا ولا كان في التماسات قبل كده (اصر احه معرفش)

موضوع الالتماسات ده بدا مع عضو هنا في المنتدي

وكان واخد وقف نهائي (بمعني مش هيقدر يدخل المنتدي تاني)

اسمحولي مش هقدر اقول اسمه منعا لاحراجه

وكان في سوء تفاهم بينه وبين احد المشرفين واصراحه العضو ده غلط في المشرف جامد

بس في نفس المشاركه اعلن احترامه لباقي الطاقم الاداري

وبعت وقتها ايميل لكريم منير بيعتزرله عن الي حصل وانه ميقصدش خالص انه يغلط في الاداره

وقتها انا قدمت التماس علشان نصلح سوء التفاهم ده وكان معايا عضو تاني (مش فاكر مين)

واضم الالتماسين واتايد بمشاركات الاعضاء

واتخفف الوقف لشهرين بدل وقف نهائي
____________________________________________

دلوقت بقيت الالتماسات عمال علي بطال

وبقي اي حد ياخد اي عقوبه يتجمع مجموعه وتدافع عنه

طيب كده الموضوع فقد قيمته

وفي نفس الوقت بنلغي عمل لجنة فض المنازعات

طيب كده لجنة فض المنازعات وظيفتها ايه؟؟

برضه بنرجع لنفس النقطه و اننا بندي لنفسنا الحق ندخل في الي ملناش فيه

وتلاقي الاعضاء بتطالب بتخفيف الوقف زي ما حصل قبل كده مع عضو

طيب ما هو الظروف مختلفه وشتاااااااااااان بين الامرين

وكل حاجه ليها وقتها

مينفعش كده يا جماعه

وبكرر تاني بالنسبه لموضوع الالتماسات

حاليا من كترتها الموضوع فعلا فقد قيمته والاداره بترفض دلوقت حتي مجرد النقاش

بعد ما كانت علي الاقل بتنظر في الموضوع

مش عيب من الاداره

عيب الاعضاء الي استغلوا الموضوع وبقي شغال علي الفاضي والمليان

لو حد ليه تعليق او عايز يناقشني مستني اسمعه

a.yakout

عندك حق يا ياقوت فى موضوع الالتماسات عمال على بطال ده امال القانون جيتطبق على مين

سعات بيبقى فيه مواقف لازم فيها الالتماس والاداره فى ايدها الموافقه او عدم الموافقه محدش بيجبر الاداره على حاجه

لايصح الا الصحيح

عندك حق يا حمد ف كل حاجه قولتها
ع فكره انا دلوقتى قريب من اسيوط بينى وبينها ساعه لو نزلت اسيوط بكره او بعده عايز اشوفك ياريت تبعلتى رقمك علشان اكلمك ان شاء الله

انا متفق معاك جدا يا ياقوت
المنتدى أصبح بيتنا التاني
و لازم علشان نساعد في استمرار المنتدى نتوافق مع القرارات اللي بتتخذها البعض لصالح أكيد فيه ناس مش عاجبها بعض القرارات بس الأكيد ان معظمنا عارف ان دة في صالح المنتدى