حوار ودي حول مدي الديموقراطيه في نايل موتورز

**SHNORY** · 28-08-2010 09:07 PM

المشاركة الأصلية كتبت بواسطة mzeid

انا متفق معاك جدا يا ياقوت
المنتدى أصبح بيتنا التاني
و لازم علشان نساعد في استمرار المنتدى نتوافق مع القرارات اللي بتتخذها البعض لصالح أكيد فيه ناس مش عاجبها بعض القرارات بس الأكيد ان معظمنا عارف ان دة في صالح المنتدى

احيانا بيكون فيه قرارات الواحد بياخدها والناس تشوف انها غلط
بس طالما هو فاهم كويس هو بيعمل ايه فبيكون عارف انها صح
ومش حيقعد يشرح لكل واحد غرضه ايه ولا مصلحته ايه من اتخاذ القرار ده
لانه ممكن يكون خطوه سريه لهدف غير مباشر
وكتير اوي حصلت معايا اني اخد مجموعه قرارات تظهر انها عشوائيه
بس في المجمل وفي نهايه تنفيذها اركانها بتظهر وبيتعرف اني كان عندي حق فيها

**nabaster** · 28-08-2010 09:19 PM

المشاركة الأصلية كتبت بواسطة SHNORY

احيانا بيكون فيه قرارات الواحد بياخدها والناس تشوف انها غلط
بس طالما هو فاهم كويس هو بيعمل ايه فبيكون عارف انها صح
ومش حيقعد يشرح لكل واحد غرضه ايه ولا مصلحته ايه من اتخاذ القرار ده
لانه ممكن يكون خطوه سريه لهدف غير مباشر
وكتير اوي حصلت معايا اني اخد مجموعه قرارات تظهر انها عشوائيه
بس في المجمل وفي نهايه تنفيذها اركانها بتظهر وبيتعرف اني كان عندي حق فيها

حاجه كمان يا شنوري

الموضوع مش مجرد انه يكون خطوه سريه او غيره

معلش يعني المنتدي ده منتدي خاص مش منتدي حكومي

مش ملزم المنتدي اول كل فتره يدينا التقرير السنوي بتاعه ولا التقرير بتاع الخطه لكام سنه قدام

وهيعمل ايه وهيسوي ايه

فعلا انا بحسد مجلس الاداره علي حكمته من البدايه ورفضه مبدا التبرعات

والله كان زمانها بقيت سوق

وكريم كان زمانه حاليا ملاحق بالديون :)

وكان هيتعمل قسم جديد في المنتدي للمطالبه بالديون لان الناس مش راضيه عن سياسة المنتدي وعايزه فلوسها

ههههههههههههههههههههههههه هههه كان هيبقي فيلم مسخره

A.Yakout

**yoko** · 28-08-2010 10:06 PM

المشاركة الأصلية كتبت بواسطة skybird

الله يرحمك يا سعد يا زغلول
"مفيش فايده"
ايه المطلوب على وجه التحديد
نهتف " بالروح بالدم نفديك يا زعيم"
ولا لما نشوف حاجه نضايق منها نقولها بكل صراحة وصدق واكرر بالادب والاصول
انا ثقافتي متجيش مع الاختيار الاول
لان الناس اللي ردت عليا ردت من غير ما تقرأ الموضوع
انا لما انتقدت شئ تم الرد عليا بطريقة اساءت لي وفي غير سياق كلامي تماما و محدش عبرني حتى تاريخه
هو ده مدى الديمقراطية في منتدى نايل موتورز يا استاذ احمد ياقوت
ومحدش يقولي مدير وموظف كلنا متطوعين

هذا المنتدى اللي (والله العظيم) من ساعة ما اشتركت فيه اهملت كل المنتديات الاخرى اللي مشترك فيها ومش قادر اسيبه لحظة
يعني زي ما تقول مهووس بالمنتدى وكل املي اشوفة في اجمل صورة بدون رتوش وبوية وتزويق
والصراحة والصدق والشفافية هي اللي هتخلي المنتدى يعدي وينجح اكثر
ولو مش عايزين تسمعوا الكلام ده مني اسكت خالص

معلش الي إنت بتقول عليه بالأدب ناس كتير شايفاه إنه تدخل فيما لا يعني (أي حد)
لما تقول السيرفر بكذا والإعلان بكذا يبقى مفيش إحترام للإدارة ولما تغلط في إسلوب الإعلانات (مع إن الإدارة ردت) يبقى غلط في الإداره
أما موضوع الشكوى هل في حد إشتكى بعد حضرتك وترد عليه لو حصل ساعتها يبقى ليك حق في الي بتقوله
ومحدش فينا هنا على حد قولك (نهتف " بالروح بالدم نفديك يا زعيم")
بس فيه حاجة إن لما تكون حاجة مش عجباك تتكلم براحه وبمنطق عشان الي قدام يعرف يسمعك ويفهم وجهة نظرك غير كده لأ
وعلى فكرة فيه ناس كتير (أعرف جزء منهم) لما معجبهمش وضع الإعلانات بعنوا لالإدارة على الخاص وعلى الإيميل مش دخلوا شمال في الإدارة وتهكم على الإدارة على الملأ وكمان بيجادلوا بعد ما الإدارة عملت تعديلات كتير عشان ترضي الأعضاء مع إن الوضع الي الناس معترضه عليه بيدخل أكبر نسبة دخل للمنتدى (يعني لو كان همهم على الفلوس مكانوش لغوه)

فياريت كل واحد يعرف هو بيقول إيه قبل ما يتكلم
يمكن الناس كلها عارفة إني هادي جدا ومش بتعصب إلا لما ألاقي الي قدامي بيجادل في الباطل (مش واخد باله أو بيعند) فعذروني إني متعصب كده

**nabaster** · 28-08-2010 10:13 PM

المشاركة الأصلية كتبت بواسطة skybird

الله يرحمك يا سعد يا زغلول
"مفيش فايده"
ايه المطلوب على وجه التحديد
نهتف " بالروح بالدم نفديك يا زعيم" (تهكم)
ولا لما نشوف حاجه نضايق منها نقولها بكل صراحة وصدق واكرر بالادب والاصول
انا ثقافتي متجيش مع الاختيار الاول
لان الناس اللي ردت عليا ردت من غير ما تقرأ الموضوع
انا لما انتقدت شئ تم الرد عليا بطريقة اساءت لي وفي غير سياق كلامي تماما و محدش عبرني حتى تاريخه
هو ده مدى الديمقراطية في منتدى نايل موتورز يا استاذ احمد ياقوت(تهكم)
ومحدش يقولي مدير وموظف كلنا متطوعين

هذا المنتدى اللي (والله العظيم) من ساعة ما اشتركت فيه اهملت كل المنتديات الاخرى اللي مشترك فيها ومش قادر اسيبه لحظة
يعني زي ما تقول مهووس بالمنتدى وكل املي اشوفة في اجمل صورة بدون رتوش وبوية وتزويق
والصراحة والصدق والشفافية هي اللي هتخلي المنتدى يعدي وينجح اكثر
ولو مش عايزين تسمعوا الكلام ده مني اسكت خالص

بغض النظر عن التهكم الي شايفه في مشاركتك

هرد عليك برضه علشان احاول اوصلك الي موصلكش من مشاركتي الي فاتت

وردي ده من وجهة نظر شخصيه ولا تعطيني الحق اني ارد نيابة عن (كريم منير) رئيس مجلس ادارة المنتدي

وله الحق الكامل في الرد سواء هنا في الموضوع ده او في موضوعك الذي ينظر فيه حاليا امام اللجنه

سيدي الفاضل

يمكن الموضوع الي بتناقش فيه اتحذف

بس انا فاكره وفاكره كويس اوي

انا معاك انك بدات مشاركتك بالادب

بس هل من الادب والاصول انك تنهي مشاركتك

بانك تقول (فيما معناه) ان الاداره مش عارفه تدير المحتوي الاعلاني للمنتدي؟؟

ده كلام؟؟؟

ده غير طبعا كلامك بخصوص ان الاستضافه تمنها كذا وان الجيجا مش عارف بكام والكلام ده

مستني طيب استاذ كريم يرد بايه؟؟

دي اول نقطه

بالنسبه بقي لنقطة عدم الرد لحد دلوقت

فعادي ان بعض الشكاوي بتااخر في بحثها وليها اكتر من سبب (وجهة نظر شخصيه)

اعضاء اللجنه مشغوليين

او تشعب الموضوع وتعدد جوانبه

او ان الشكوي بتخص اكتر من فرد

وفي اسباب تانيه تخلي الرد علي الشكوي يتاخر بس ده الي فاكره حاليا

هقولك علي موقف وكان في نفس الموضوع واكيد قريته من ضمن المشاركات

احد الاعضاء تطاول علي الاداره وانتهك اكتر من قانون في مشاركه لا تتعدي التلات سطور

العضو ده اتوقف

وكان رد استاذ كريم قاسي شويه (من وجهة نظري)

والي فعلا من المرات القليله جدا جدا جدا الي اشوف استاذ كريم متعصب كده

ورغم ان الموقف في صالح استاذ كريم

ولاكن في اعضاء كتير (وانا منهم) انتقدت اسلوب استاذ كريم في الرد علي العضو

مع ان العضو غلطان

متهيالي ده يوضحلك العنوان الي حضرتك اتهكمت عليه (مدي الديموقراطيه في نايل موتورز)

A.Yakout

**yoko** · 28-08-2010 11:00 PM

لكن انا لما عملت موضوع مخاطبا الادارة مفادة انى المفروض يبقى لى راى يؤخذ به فى اى تعديل للقوانين اللى انا وافقت عليها مسبقا قوبلت بالرفض بشكل لطيف
يعنى كديموقراطية مش موجودة
والنظام الحالى غير سيء على الاطلاق بالعكس كويس جدا كمان
بس فيه احسن

مش للدرجة دي بس للإسف زي ما حضرتك شايف هنا لما إتغير مواقع الإعلانات الناس هاجت إزاي على الإدارة فتخيل لو الإدارة وفقت إن الأعضاء يغيروا القوانين تخيل إيه الي ممكن يحصل!!!
لكن أنا مع إن لو عضو عنده إقتراح في القوانين يبعته بشكل خاص على إيميل الإدارة وهما أكيد لو شايفين إنه أحسن هينفذوه (الإداره أكتر من واحد وأكيد فيه مشوره)

**Karim_Monir** · 29-08-2010 12:32 AM

أحمد ياقوت
احييك على الحوار الهادئ من كل الوصول لنقطة تلاقي بين الادارة والاعضاء
واشكرك واشكر باقي الاعضاء سواء المؤيدين لقرارات الادارة او مخالفين لها
لذا اسمحولي بصفتى لا بشخصي اوضح بعض الامور التي قد تغيب عن الكثير منكم
والتي منها ما اشار اليها اجمالا احد اعضاء مجلس الادارة(دكتور احمد عبد الغني) بحكم رؤيته لغرف الادارة(وهو اي دكتور احمد -احد انزه من عرفتهم في حياتي ولا يخشى في الحق لومة لائم ولا نزكي على الله احدا)

المهم:
كلكم يعلم ان المنتدى بدء عامه الرابع منذ عدة اشهر
وهو وقت طويل في عالم المنتديات المتخصصة كنايل موتورز وليس كمنتدى عام
لان الشائع في عمر المنتديات(كما هو معروف في علوم العوالم الافتراضيه) يتراوح بين الثلاثة سنوات والخمسة سنوات
فعند منتصف العالم الثالث ان لم يبلغ المنتدى ذروة نجاحه يكون بلوغه قد تاخر كثيرا
وعند دخول العام الخامس(اي شهر ابريل القادم في حالتنا)يكون المنتدى كمنتدى بلغ ذروة النجاح له وبدء مرحلة الانحسار
وان لم يتم استخدام نجاح المنتدى الفعلي في هذة المرحلة يتحول لمنتدى ثري جدا ومهم جدا ولكنه خاوي جدا بلا مناقشات مفيدة
لذ وفي هذة المرحله يجب استغلال اقصى ما حققه المنتدى
ونرجع بقى نتكلم بالتفصيل على حالتنا ومنتدانا بالذات

منتدانا بفضل الله حقق اعلى مستويات من التقدم(بالارقام) بفضل اعضاء غاية في النشاط وادارة غاية في الحزم اشهد لها بشدة رغم اختلافي معهم اكثر من مرة ولكن الاصل الاتفاق والحمد لله
ورغم ان العديد من الاعضاء استائو من قرارات الادارة الشديدة ولكن دعونا نتذكر ان افضل المدارس نجاحا من تمتلك اشد القرارات حزما
اينعم احنا مش مدرسة ولكنه اسلوب ادارة ليس اكثر

نجاحنا كترتيب وارقام كان فقط على الانترنت ولم يترجم مطلقا لارقام بلغة المال
يمكن عشان دايما كان همي حاجات تانية كتير زي الصلة بين الاعضاء وخدمتهم وكان نصب عيني مراعاة الله ورسوله في كل عملي
واكبر دليل على ذلك من يعلنون لدينا يعلمون تماما ثمن الاعلان المتدني جدا جدا والذي لم يتغير منذ كان ترتيبا مائة الف على مستوى العالم
لان همي الاكبر كان السعي في الحصول على معلن يخاف مصلحة الاعضاء ويضعها نصب عينيه
والحمد لله كلهم هذا الرجل
والحمد لله مافيش فلوس
اينعم
دخل الاعلانات مع اعلانات جوجل يغطى بالكاد مصروفات المنتدى
بطريقة اثارت ضحك كل من حاول شراء المساحات الاعلانية للمنتدى في الوقت السابق
ورغم ان الشركة المطورة الحالية التي تعاقدت مع المنتدى اثارها بشدة اسعار الاعلانات
واخبرتنا بمدى ظلمنا لانفسنا بالرضاء بهذة الارقام الهزيلة مع هذا الكم من الاعضاء والارقام الجيدة والادارة الحازمة
لذا كان القرار بتطوير المنتدى بشكل عام وكلي
قبل ان تنتهي المدة الزمنيه في عمر ازدهار المنتدى ويصبح كالشيخ الذى امتلئ حكمه ولكنه لا يقوي على استخدامها
او كلاعب كرة القدم الذي امتلك مهارات كثيرة بعد فوات الاوان وبقى سنه كبير مش قادر جسمه ينفذها فاكتفى بالتدريب للاعبين جدد
كان لازم نستغل نجاحنا عشان مانموتش
وده اللي بدانا فيه
ولن تتخيلو مدى صعوبة الوضع والموقف والاحمال القاسية والاتصالات الكثيرة ومدى الخطط والمشروعات وضيق الوقت لتنفيذها
وسباق الزمن للتخطاها وتبدء في غيرها لتشعر معاها ان عقلك لا يساعه كثرة الامور والمشغوليات بالاضافة لحياتنا اليومية العادية

قرارات الادارة بطيئة فعلا لكنها حكيمة عشان ماتظلمش
لان نبرء الف مذنب افضل من ان نتهم بريء واحد

التطوير قائم ولكن ببطء شديد لصعوبة التبعات
لما كان عددنا الفين وتلاتة كنا بنسمع بسهولة ونجرب ونفشل ونرجع تاني نجرب وننجح
لكن لما يكون عددنا كبير جدا وترتيبنا كبير يبقى لازم تروي وتاني

لما كنا عزاب كانت قراراتنا سريعة ومش بنبص تبعاتها ايه
لاننا بطولنا زي مابيقولو
لما اتجوزنا وخلفنا
وبقى عندنا رعية
وكلكم راع وكلكم مسئول عن رعيته
بقت القرارات ابطئ واهدى عشان الرعية

لذلك ودائما هناك قائد واحد يتحمل تبعات قراره
دائما قبطان السفينه من يتحمل تبعية قراره
ياخذ راي مستشاريه وينظر في الخرائط وياخذ بالاسباب ولكنه قرار واحد عليه ان يتخذه ويتحمل تبعاته
وعمري بفضل الله ما استمعت لمؤيد دون صواب ولا مجامل ولا (ماسح جوخ) بل بالعكس اقسو عليهم بقراراتي ولا استمع لهم مطلقا
لكن راي العقل يبقى فوق كل اعتبار

والحمد لله وبفضل الله وحده اولا واخيرا لم تسقط ادارة نايل موتورز سقطات مدوية
اخطأت احيانا لانها بشر
ولكن استمرارها ونجاحها يعني صحة ما تتخذه من قرارات وما يتبعه من نتائج بفضل الله وحده

لله الامر الامر من قبل ومن بعد
وعذرا للاطالة وعدم قرائتي لكافة الردود ولكن لرأس الموضوع اجمالا لضيق الوقت

تحياتي
كريم منير
واحد من ادارة المنتدى

المشاركة الأصلية كتبت بواسطة mazagangee

لو فكرنا شوية بهدوء ....
1؛؛ ايه الهدف من وجود مواقع الانترنت ؟
اجاوبك و اقولك ..

احييك وبشده على ردك الهادئ الذي مس 90 % من الحقائق
وانا ايضا معترض على انت معترض عليه
ولكن كله حسب القواعد والاصول
تحياتي
كريم

-

-

-

الموضوع: حوار ودي حول مدي الديموقراطيه في نايل موتورز

LinkBack

أدوات الموضوع

عرض

-

-

-

-

-

-

المواضيع المتشابهه

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

اول راب باسم منتدي نايل موتورز يخص بايكرز نايل موتورز

حصريا لنايل موتورز - نايل موتورز يكرم فريق هندسة المطرية

الكلمات الدلالية لهذا الموضوع

المفضلات

المفضلات

ضوابط المشاركة