الموضوع: حوار ودي حول مدي الديموقراطيه في نايل موتورز

المشاركة الأصلية كتبت بواسطة skybird

انا مش منتظر رد لن يأتي ابداً.... فات الاوان

الرد وصل

ومكنش يتوقعه اي حد

او علي الاقل انا مكنتش اتوقع حاجه زي كده

متهيالي مفيش كلام بعد كده

المشاركة الأصلية كتبت بواسطة لجنة فض المنازعات

قمنا ببحث الشكوى ومناقشة جوانبها وانتهينا إلى مخالفة أ كريم للقاعدة رقم 13 بقوله ما يفيد الانتقاص منك فى العبارة التى أوردتها وعليه يتم مجازاته بتحذير ووقف يوم يقوم بتنفيذه السيد المدير التنفيذى للمنتدى حيث أنه الوحيد الذى يملك هذه الصلاحية.

وحيث أن كل ما يقال فى الشكوى يكون جزءا منها وهذا ما جرت العادة عليه فى مناقشة جميع الشكاوى فقد رأينا أيضا مخالفتك للقاعدة رقم 13 حيث اتهمت أ كريم بالتعالى والغرور وتغير النفس بما يضعك أيضا تحت طائلة نفس القاعدة بما يوجب أيضا تحذيرك ووقفك يوما.

نرجو من السيد المديرالتنفيذى للمنتدى إبلاغنا بموعد تنفيذ وقف أ كريم ليتزامن مع وقف أ Skybird

المشاركة الأصلية كتبت بواسطة Nader

سيتم تطبيق العقوبة على كل من السيد كريم منير والسيد skybird بالتحذير والإيقاف لمدة 24 ساعة تسري من الساعة 11 من مساء اليوم الأحد وحتى الساعة 11 من مساء اليوم التالي.

لينك الموضوع

والله مش عارف اقول اي كلمه

http://www.nilemotors.net/Nile/175491-a.html

فعلا المنتدي ده مكبرش من شويه

A.Yakout

المشاركة الأصلية كتبت بواسطة skybird

المهم يا احمد بيه فهمت وجهة نظري في الاقتباس اللي انا كتبته في الرد اللي فات ؟
دي نقطه مهمة علشان الاستاذ كريم ممكن يكون فهمني غلط ورد عليا بعصبيه
انا يهمنى انه يتفهم كلامي على الوجه اللي انا شرحته سابقا
اما بخصوص العقوبة اللي وقعت عليا
فانا اطلب الاستئناف والنقض
حيث ان الاستاذ نادر صدق على الحكم قبل قراءة استئنافي
لان محل شكوتي لا يمكن ان يكون سبب عقوبتي انا شكوتي كانت التعالي فكيف اعاقب على شكوتي
كما احب ان اوضح
ان شكوتي كانت التعالي في الرد وليس الغرور كما ذكرت اللجنة الموقرة لان الفرق بين الاثنين كبير وانا افهم الفرق ولا يمكن ان اتهم الاستاذ كريم بالغرور لان مقامه كبير
ولذلك اطلب ايقاف عقوبتي والغائها واعتبار كأنها لم تكن لاني اعتبر نفسي مظلوم بهذه العقوبة
وذلك تطبيقاً لقول الحق تبارك وتعالى
{ وإذا حكمتم بين الناس أن تحكموا بالعدل }

استئناف ايه ونقض ايه يا باشا ؟؟؟؟؟
انت اتوقفت يوم وكريم اتوقف يوم
ويا ريت تراجع قوانين المنتدي
وبعدها تبقي تعلق علي قرارات الاداره

8- يمنع منعاً باتاً تعليق أي من الأعضاء على التنبيهات الواردة باللون الأحمر من المشرفين أو على القرارات الادارية بينما يسمح بإرسال أي شكوى إلى ساحة الشكاوى أو رفع أي مشكلة أمام لجنة فض المنازعات لجميع الأعضاء المتضررين دون تفرقة .
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذارثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.

متفق معاك في كل كلمة
بالعكس بقى , كل اللي يتعامل بأنانية مفرطة كده مع اي حاجة مفروض ما يبتسمعلوش اصلا

اللي انا اعرفه ان كل انسان بيدير حاجة بيديرها برؤيته هو
ببساطة لأن هو اللي بيبذل المجهود و يمكن بيصرف كمان , فالمفترض ان رؤيته هو اللي تمشي
هو بس من المفترض انه بيعمل مسح لرؤية اللي ليهم تعامل مع الحاجة اللي بيديرها دي عشان من المسح ده يقدر يحسن رؤيته و يوسع الزاوية اللي هو باصص منها للموضوع
اما اللي يفتكر ان من حقه انه يمشي حد بيدير اي حاجة بناء على رؤيته هو مش رؤية اللي بيدير الحاجة يبقى فاهم غلط
و واقعيا انا حضرت منتدى ( كنت انا عضو في ادارته ) وقع بسبب النقطة دي , و ان الادارة ايامها اتهاونت مع التدخلات فيما يخص رؤيتها

والله ما عارف اقولك ايه يا ياقوت
مع انك في اوقات بتبقي عصبي جدا زي موضوع الولدين والبنت لكن عادة بتبقي عاقل وحكيم كانك عندك 50 سنة
بحييك جدا على موضوعك

واقل رد على ان نايل موتورز هو افضل موقع وليس من افضل
ان رئيس مجلس ادارة المنتدي او مالكه الاستاذ كريم منير موقوف حاليا هو والعضو سكاي بيرد
لان سكاي بيرد رفض اسلوب اخونا كريم واخونا كريم شعر ان سكاي بيتدخل في ادارة المنتدي فكلم سكاي بطريقة معجبتهوش وسكاي قدم شكوي وكان نتيجتها وقف الاتنين لمدة يوم

عمركم شفتم صاحب موقع من الاخر بلاش نجملهاونقول رئيس مجلس ادارة
عمركم شفتم صاحب موقع ادارة الموقع بتوقفه لتجاوزه مع عضو


شكرا كريم منير انك احسنت ادارة الموقع لدرجة انك تتوقف في يوم من الايام

والوقف ده مش بيقلل احترامنا ليك بالعكس والله بيزود حبنا واحترامنا ليك اكتر

وشكرا سكاي بيرد عرفتنا اد ايه احنا في موقع محترم

المشاركة الأصلية كتبت بواسطة shnory

ولك ان تتخيل لو حد فعلا اتبرع وصحي الصبح لقي اعلانات جوجل زياده
ولا هاك اجبار علي مشاهده موضوع
حيبقي يومنا اسود
لانه مشارك بفلوسه وحيقولك فلوسي راحت فين
ناقص تلاقيه بيقولك حطولي صوره عيالي في الهيدر علشان عيد ميلادهم

ده انا اعملكم محضر في القسم يا شنوري
واهم حاجة هحذف كل صور الواد بيدو ابن كريم من الموقع (بيفكرني بهانى رمزي في فيلم ابو العربي - مدمن بوس)