حوار ودي حول مدي الديموقراطيه في نايل موتورز

**blazer** · 27-08-2010 02:37 AM

المشاركة الأصلية كتبت بواسطة SHNORY

المنتديات التانيه مفيهاش حوار مفتوح بين الاعضاء والاداره
انما هنا يعتبر تقريبا فيه صداقه بين الاعضاء والاداره
ففيه ناس بتفهم الموضوع ده غلط
ولما الاداره بتمارس سلطتها اللي هي حقها اصلا الناس بتزعل
سواء في تعديلات او وقف

ما انا بقول كدا
انا كنت مشرف فى 3 منتديات قبل كدا
وعارف ايه النظام

بجد
بجد
انتوا فى نعمه والله

وحريه

**aly_hosny** · 27-08-2010 04:18 AM

المشاركة الأصلية كتبت بواسطة shnory

تسلم ايدك علي الموضوع الجميل ده يا ياقوت
فعلا الناس بقالها فتره بتستنكر وجود اعلانات
وبتستنكر الزياره الاجباريه للموضوعات
وبيستنكروا حاجات كتير اوي ومش عاجباهم
دا حاليا كمان لما عضو بيتوقف تلاقي جبهه دفاع وقفت وبتطالب بالغاء وتخفيف الوقف
مع ان اغلبهم مش عارف الوقف ده تم بناء علي ايه
ولا ايه مخالفات العضو السابقه
البني ادم عمره ما حيرضي باي شكل من الاشكال
حتي لو المنتدي اشتري لكل عضو عربيه
حتلاقي اعضاء طالعه تقولك انتم ليه مسالتونيش علي لون العربيه اللي انا عاوزه
وبعتتولي اللون ده
------------------------
نيجي لجزئيه التمويل بتاعه المنتدي بقي
احيانا ناس بتقول نلم تبرعات للمنتدي او نفتح حساب في البنك ومل واحد يدفع مبلغ
فبيكون الرد ان يا جماعه فيه استيكرات للمنتدي ممكن تشتروها وبكده تبقوا اتبرعتم للمنتدي وساعدتوا فيه
وهوب
تلاقي الناس سكتت
ولا حد اشتري استيكر ولا حد اتبرع
واصلا التبرع ده مبداء مرفوض من اداره المنتدي

ولك ان تتخيل لو حد فعلا اتبرع وصحي الصبح لقي اعلانات جوجل زياده
ولا هاك اجبار علي مشاهده موضوع
حيبقي يومنا اسود
لانه مشارك بفلوسه وحيقولك فلوسي راحت فين
ناقص تلاقيه بيقولك حطولي صوره عيالي في الهيدر علشان عيد ميلادهم
ولا يكون عاوز اقرارات المنتدي الضريبيه علشان يعرف فلوسه بتروح فين
يا ريت الاخوه المعارضين يفهموا شويه ويكون عندهم مرونه وتقبل للوضع
والا فالمنتديات كتير واكيد حيلاقوا مكان تاني يرتاحو فيه ويريحونا احنا كمان

انا معاك في كل ال قلته
وممكن نعمل الفكرة دي وتعتبر حل وسط

المشاركة الأصلية كتبت بواسطة ahmed nouh

ليا اقتراح بخصوص الاعلانات وهو نظام احترافى متبع من كل المواقع العالمية ومفيهوش اى مشكلة ولا اهانة لأى عضو وبيحقق المصلحة للطرفين

الادارة تتفضل بعمل عضوية خاصة مقابل مبلغ يتم تحصيلة سنويا تنحصر مميزاتها عن العضوية العادية فى كون الموقع يعرض من خلالها خالى تماما من اى نوع من الاعلانات

كدا انا كمتصفح مش عايز اشوف اعلانات ولا هستفاد منها هعيش مع الموقع براحتى وفى نفس الوقت بعد ما كنت ممكن اشوف الاعلانات طول السنه ومدوسش على ولا واحد منهم ولا الموقع هيستفيد منى مليم ابقى عملت مساهمه فى دخل الموقع

اللى مش عايز هيكمل مع الاعلانات عادى بكل رضا وهو عارف ان الفرق بينه وبين المميز فقط ان التانى مبيشوفش اعلانات

ممكن الاداره تضيف مميزات للعضويات المميزة او لا دى حاجه ترجع لسياستكم الخاصه بس المهم هو عدم اجبارى على مشاهدة الاعلانات فى حين انى ممكن اساعدكم بطريقة تانيه , هى دى الفكرة

قانونا هى مفيهاش اى مشاكل نهائى لأنها مش تبرع ده دفع مقابل خدمه وكل الانترنت متبع النظام ده , وديا مش هتزعل حد من المنتدى لأننا مقفلناش الموقع وقولنا ده بفلوس بس واللى معهوش يطلع برا كل واحد حسب احتياجاته فى التصفح

وبشكل عام المنتدى او شركة الدعايا هتستفاد فعليا 400% اكتر من الجوجل المستفز اللى محدش بيستفيد من اعلاناته حاجه

ارجو دراسه الاقتراح ده جديا وعدم اخذ كلامى بمحمل كراهية مساعده المنتدى

وكمان ياريت يا جماعة مهما كان النقاش تبقى الحدة اقل من كدا
وميبقاش ال على لسانا ال مش عاجبه يمشي
يعني اه ال مش عاجبه يمشي ودي حرية لادارة المنتدى بس برضو مش كدا

**SHNORY** · 27-08-2010 04:39 AM

المشاركة الأصلية كتبت بواسطة aly_hosny

وكمان ياريت يا جماعة مهما كان النقاش تبقى الحدة اقل من كدا
وميبقاش ال على لسانا ال مش عاجبه يمشي
يعني اه ال مش عاجبه يمشي ودي حرية لادارة المنتدى بس برضو مش كدا

يا باشا لما الموضوع يوصل لدرجه بتجيبوا منين وبتودوا فين
وبتصرفوا علي ايه
وانتم مش عارفين تمشوا موقعكم
يبقي اللي مش عاجبه ميقعدش
احنا ضيوف عند اداره المنتدي
وبيبذلوا جهد كبير اولا للارتقاء بالمنتدي
ولراحه الاعضاء
ولرفع اسم المنتدي وسط المنتديات التانيه
اظن من حقهم علينا اننا نتعامل بشكل كويس معاهم طالما قاعدين في مكانهم
ولو مش قادرين او مش مستحملين المكان اللي هما مستضيفيننا فيه يبقي نمشي

**SkyBird** · 27-08-2010 06:47 AM

المشاركة الأصلية كتبت بواسطة shnory

يا باشا لما الموضوع يوصل لدرجه بتجيبوا منين وبتودوا فين
وبتصرفوا علي ايه
وانتم مش عارفين تمشوا موقعكم
يبقي اللي مش عاجبه ميقعدش
احنا ضيوف عند اداره المنتدي
وبيبذلوا جهد كبير اولا للارتقاء بالمنتدي
ولراحه الاعضاء
ولرفع اسم المنتدي وسط المنتديات التانيه
اظن من حقهم علينا اننا نتعامل بشكل كويس معاهم طالما قاعدين في مكانهم
ولو مش قادرين او مش مستحملين المكان اللي هما مستضيفيننا فيه يبقي نمشي

قيمة اي منتدى يكتسبها من أعضاءه
والشد والجذب والحوارات دي بتخلي للمنتدى طعم وحلاوة وحيوية بس طبعا كله بالاصول والادب
وانا متابع ان اي تطوير دايما الادارة تاخد راي الاعضاء
احنا حاسين اننا اسرة واحده ادارة واعضاء علشان كده ممكن العشم يخلي البعض يدوس شوية
فعلشان كده بلاش ندعو لوضع فوارق طبقية بين الاعضاء والادارة ونضيع الميزة الكبرى والنادرة لمنتدى نايل موتورز
انا واحد من الناس ممكن اكون خبطت كثير بس والله من عشمي فقط
ولو ان في كثير من الاحيان العشم يودي في داهيه ويحرجك ويجرحك لما تلاقي حد مهم يقولك (انت فاكر نفسك مين او انت نسيت نفسك) او بهذا المعنى
يارب تعدي الايام الجاية على خير ويستقر الوضع على افضل شئ

**yoko** · 27-08-2010 07:20 AM

اولا موضوع فوق الممتاز يا ياقوت ويا ريت الناس تفهم الي بتقوله

المشاركة الأصلية كتبت بواسطة skybird

قيمة اي منتدى يكتسبها من أعضاءه
والشد والجذب والحوارات دي بتخلي للمنتدى طعم وحلاوة وحيوية بس طبعا كله بالاصول والادب
وانا متابع ان اي تطوير دايما الادارة تاخد راي الاعضاء
احنا حاسين اننا اسرة واحده ادارة واعضاء علشان كده ممكن العشم يخلي البعض يدوس شوية
فعلشان كده بلاش ندعو لوضع فوارق طبقية بين الاعضاء والادارة ونضيع الميزة الكبرى والنادرة لمنتدى نايل موتورز
انا واحد من الناس ممكن اكون خبطت كثير بس والله من عشمي فقط
ولو ان في كثير من الاحيان العشم يودي في داهيه ويحرجك ويجرحك لما تلاقي حد مهم يقولك (انت فاكر نفسك مين او انت نسيت نفسك) او بهذا المعنى
يارب تعدي الايام الجاية على خير ويستقر الوضع على افضل شئ

أستاذ سكي بيرد مهما كان العشم مينفعش الواحد يزودها (أعتقد متفق معايا) لإن مهما كان العشم بيبقى ليه حدود
ثانيا في الشغل مهما كان مديرك بيهزر معاك وبياخد رأيك في حاجات لما ياخد قرار مينفعش تقله لأ ولازم تنفذ الي في دماغي!!! لإن هيفضل هو المدير
ثالثا مينفعش برده تسأل مديرك هو بيصرف كام على الشغل وبيكسب كام (كل واحد ليه وظيفته) زي ما إنتا مش هترضى الي تحتك يسألك في صميم عملك! وللعلم أنا متأكد من إن المنتدى صافي ربحة بالسالب معظم السنة
رابعا وده الأهم إن بعد كل الي ذكرته فوق مكنتش أتوقع إنك تشتكي كريم منير لما يرد عليك بصفته أحد إداريي المنتدى (كلامه كان بالجمع مش بالمفرد على فكره) مش بصفته مالك للمنتدى
وتتهمة بتغير النفوس (ويعض الأشياء الأخرى) لمجرد إنه غير اللقب!!!! ورد عليك بعصبيه والي أعتقد مبرره بعد أكتر من موضوع بتتهم بيه الإدارة بغير حق و بعد تدخل ناس كتير في أشياء ليست من إختصاصها!!!!!!

------------------------------------------------------
للجميع
على فكره كلامي ده لإني كنت عضو في إداره أحد الأقسام في أكبر المواقع العربيه والي إتباع لمكتوب و بعد كده ياهوو إشترت مكتوب بالموقع (أكيد إتعرف) و سبب بيعة إن الأعضاء همها المصالح الشخصيه أكتر من المنتدى و كمان بعض المشاكل في الإدارة و الحمد لله من الواضح إن إدارتنا قويه ومترابطة فياريت منبقاش سبب في ضياع المنتدى

وأسف للإطاله وبشكر تاني ياقوت على الموضوع المميز والي بيوضح للأعضاء حاجات كتير مكنوش عرفينها أو مش واخدين بالهم منها

**nabaster** · 27-08-2010 07:28 PM

المشاركة الأصلية كتبت بواسطة skybird

قيمة اي منتدى يكتسبها من أعضاءه
والشد والجذب والحوارات دي بتخلي للمنتدى طعم وحلاوة وحيوية بس طبعا كله بالاصول والادب
وانا متابع ان اي تطوير دايما الادارة تاخد راي الاعضاء
احنا حاسين اننا اسرة واحده ادارة واعضاء علشان كده ممكن العشم يخلي البعض يدوس شوية
فعلشان كده بلاش ندعو لوضع فوارق طبقية بين الاعضاء والادارة ونضيع الميزة الكبرى والنادرة لمنتدى نايل موتورز
انا واحد من الناس ممكن اكون خبطت كثير بس والله من عشمي فقط
ولو ان في كثير من الاحيان العشم يودي في داهيه ويحرجك ويجرحك لما تلاقي حد مهم يقولك (انت فاكر نفسك مين او انت نسيت نفسك) او بهذا المعنى
يارب تعدي الايام الجاية على خير ويستقر الوضع على افضل شئ

انا هرد علي الجزء ده بس لان احمد يوكو رد علي الباقي

فوارق طبقيه ايه يا باشا الي بتتكلم عنها؟؟

مين الي قال فوارق طبقيه؟؟؟

هوا لما نراعي الاداره ونحترم شغلها ومندخلش فيه كده بقيت فوارق طبقيه

لازم ندخل يعني وناخد حق مش بتاعنا علشان نحس بالمساواه؟؟؟ !!!!!!!!

لما تقول انتا لكريم فيما معناه انكم مش عارفين تديروا المحتوي الاعلاني للمنتدي

عايزه يرد عليك يقولك ايه؟؟

اقل واجب انه يرد عليك بالكلمتين الي قالهم

بص يا باشا انا مش عايز اغير ولا احول مسار الموضوع وكمان لان ده مش مكان للشكوي

عموما في مثل بيقولك

ان كان حبيبك عسل .......

فلو افراد الاداره صحابنا وحبايبنا وبيعاملوا الاعضاء بما يرضي الله بلاش نستغل الموضوع ده اكتر من كده

ولازم نحترم قراراتهم مهما كانت لانهم اعلم مننا

A.Yakout

**nabaster** · 27-08-2010 09:56 PM

المشاركة الأصلية كتبت بواسطة ams

بما ان رأيى لن يغير شيئا
فسأحتفظ به لنفسى

احمد باشا

الموضوع اول كلمه في عنوانه (حوار)

يعني حضرتك ممكن تتكلم ونسمع رايك

حضرتك شايف وجهة النظر المطروحه

ممكن حضرتك تطرح وجهة نظرك

مش يمكن فيه جديد كان غايب عني او مش واخد بالي منه؟؟؟

احمد نوح عرض فكره مقبوله جدا (بس يمكن التنفيذ مش متاح في الوقت الحالي)

مش يمكن برضه رايك يبقي فيه فكره شبه دي او يمكن احسن؟؟

مستني اسمع رايك ووجهة نظرك

A.Yakout

-

-

-

الموضوع: حوار ودي حول مدي الديموقراطيه في نايل موتورز

LinkBack

أدوات الموضوع

عرض

-

-

-

-

-

-

المواضيع المتشابهه

انفراد .. تفاصيل زيارة أعضاء نايل موتورز لمصنع نيسان موتورز مصر - حلم تحول الى حقيقة

اول راب باسم منتدي نايل موتورز يخص بايكرز نايل موتورز

حصريا لنايل موتورز - نايل موتورز يكرم فريق هندسة المطرية

الكلمات الدلالية لهذا الموضوع

المفضلات

المفضلات

ضوابط المشاركة