الاخوة الكرام ...

تلبية لنداء البعض بتنشيط قسم تويوتا النايم ..

و رغم أني ماليش في الشد و السباقات و الكلام ده ...

و لأني عارف اللانسر اللي ركبتها قبل كده و بأحترمها جدا

ألا أني قولت اجرب أشد و فعلا لاقيت لانسر سوداء ورايا عمال يشد علشان يلحقني و كانت سرعتي ساعتها 60 كم/ساعة و طالعة بهدوء و أول ماوصلت 80 كم/ساعة و مقدمة اللانسر بقت يادوب جنب ظهر العربية ضغطت دواسة البنزين علي الاخر مرة واحدة

العربية نقلت مرة واحدة و لفات الموتور أرتفعت الي 4000 rpm و في ثواني السرعة وصلت 110 كم/ساعة و سمعت صوت اللانسر هو كمان بيشد لكن قبل مايقرب مني كانت سرعتي وصلت 130 كم/ساعة و بدأت أفرق عنه و فضلنا علي السرعة دي مسافة حوالي 2 كم لحد مابدأت أهدي علشان كان فيه مطب صناعي و هو حصلني علي المطب و سبته بعد كده

بصراحة انا أستغربت جدا ... أنه ماقدرش يحصلني لكن ...
انا اطمئننت علي شوية حاجات في العربية عندي أهمها :
- حالة فلتر الهواء اللي لسه كنت منظفه
- حالة البوجيهات اللي رفضت تغييرها في التوكيل و اجلتها الي صيانة ال 60000 كم
- حالة الرشاشات و سرعة أستجابة المحرك
- حالة الاوتوماتيك و أدئه لعمله بكفائة
- و أهم حاجة ... حالة الفرامل و ضغط الاطارات

أنا كنت اتكلمت قبل كده عن الكيك داون في الياريس و بصراحة كنت بأشكك فيه علشان العربية 1300 بس النهاردة و قبل كده ثبت لي أنه كويس و ممكن يسعفني في بعض المواقف

مع خالص تحياتي
م/ سمير الشهاوي