هل فيه ضرر من اعطاء شحنة !

**Adham** · 29-08-2010 02:25 PM

المشاركة الأصلية كتبت بواسطة أحمد كمال

الخطر لو التوصيل حصل غلط
التوصيل الصح يتم كالاتي
تفتح الكبوتين و تطفي العربيتينتوصل السالب بالسالب الأولو بعدين الموجب بالموجب و بعدين تدور العربية اللي بطاريتها سليمة (عربيتك) و تمورها (n أو مور لو مانيوال) و تزود بنزين (يعني على 3000 او 4000 rpm) و بعد كده التاني يدوراول ما عربيته تدور بطل عربيتك و فك الموجب الأول من الطرفين بحذر عشان ما تتكهربشو بعدين السالب و مبروك عليك الثواب الكبير

+1
بس ملحوظتين :

الموجب يتوصل بالموجب و و السالب بتاع بطارية عربيتك توصلة بجسم السيارة المطلوب دوارتها و ليس بسالب البطارية

والموجب يتوصل الاول و السالب اخر حاجة و لما تفصل بعد الدوارة تفصل السالب الاول (زي لما بتفصل البطارية بتفصل الارضي الاول و لما توصل توصل الارضي في الاخر يعني التلميس للكهرباء او فصلها بيبقى التحكم فية من توصيل او فك كابل الارضي حماية للمكونات الالكترونية للسيارة "الكونترول يونيت")

و كهربة السيارة 12 فولت ما تكهربش

المشاركة الأصلية كتبت بواسطة جمال

اعتقد انه لايوجد خطر من التكهرب لان 12 فولت تيار مستمر لايمكن تكهرب
وانا معك فى ان الحذر مطلوب حتى لايحدث تلامس من السلك الموجب لارضى ايا من السيارتين فيحدث شرر

المهم ان القفلة دي ماتحصلش بتلميس السلكين ببعض (لازم تكون اسلاك تخينة قوي مش اي سلكين) لان القفلة دي ممكن تطير كمبيوتر العربية (الكونترول يونيت)

**l0new0lf** · 29-08-2010 02:25 PM

الخطر فى الموضوع ان فى ناس ساعات بتعمل الاتى و ده لان معندهمش توصيله
بيشيل البطاريه الضعيفه و يركب البطاريه المشحونه
و بعد كده يدور العربيه
و بعد كده يشيل البطاريه المشحونه من العربيه, حد هيقول العربيه هتطفى, اقول له مش هتطفى لان الدينامو بيشحن ده لو مكانش العيب اساسا من الدينامو انه مش بيشحن
و بعد كده يركب البطاريه اللى عاوزه شحن
طبعا خطورة الحركه دى ان ممكن كتاوت الدينامو او الكونترول يطير فيها

**أحمد كمال** · 29-08-2010 02:34 PM

المشاركة الأصلية كتبت بواسطة جمال

اعتقد انه لايوجد خطر من التكهرب لان 12 فولت تيار مستمر لايمكن تكهرب
وانا معك فى ان الحذر مطلوب حتى لايحدث تلامس من السلك الموجب لارضى ايا من السيارتين فيحدث شرر

المشاركة الأصلية كتبت بواسطة Adham

و كهربة السيارة 12 فولت ما تكهربش

الفولت أو فرق الجهد مش هو اللي بيموت ... اللي بيموت شدة التيار

بدليل ان الصاعق (electric tasers) أو الكتريك شوك زي ما الناس بتسميه بيبقى بالكيلو فولت بس ما بيموتش ..... لان شدة تياره بتبقى بكسور من عشرات الالاف من الامبير ......

بطارية العربية 12 فولت بس 50 او 70 امبير يعني تموت .......

**Adham** · 29-08-2010 02:41 PM

المشاركة الأصلية كتبت بواسطة l0new0lf

الخطر فى الموضوع ان فى ناس ساعات بتعمل الاتى و ده لان معندهمش توصيله
بيشيل البطاريه الضعيفه و يركب البطاريه المشحونه
و بعد كده يدور العربيه
و بعد كده يشيل البطاريه المشحونه من العربيه, حد هيقول العربيه هتطفى, اقول له مش هتطفى لان الدينامو بيشحن ده لو مكانش العيب اساسا من الدينامو انه مش بيشحن
و بعد كده يركب البطاريه اللى عاوزه شحن
طبعا خطورة الحركه دى ان ممكن كتاوت الدينامو او الكونترول يطير فيها

+1

سمعت دي كذا مرة من كذا حد بس عملتها كذا مرة في الفرونتيرا و اللانسر و محصلش اي حاجة

**أحمد كمال** · 29-08-2010 02:50 PM

المشاركة الأصلية كتبت بواسطة Adham

امسك قطاشين البطارية بايديك و قوللي حاتتكهرب و للا لأ

تقدر تمسك سلك 220 فولت عريان ؟؟؟

الالكتريك شوك بيموت لو حطيتة في دماغ اللي قدامك او لوضغطت علية لفترة

موضوع الالكتريك شوك دة اكبر دليل ان اللي بيكهرب هو الفولت مش لامبير, لان الالكتريك شوك فولتة عالي و مالوش امبير و بيكهرب

انما بطارية العربية فولتها واطي و تقدر تمسك سلكين كهرباء و ارضي منها او من اي حتة في العربية من غير ما تتكهرب

Electrical Safety: The Fatal Current

Electric shock - Wikipedia, the free encyclopedia

السلك ال 220 فولت ده بيموت لان عداد كهربة البيت 40 امبير ...... لو كان الفولت 220 بس التيار 50 مللي امبير مثلا عمره ما يموت .....

الاليكتريك يموت لو طول .... بس عمره ما يموت من لمسة

و بطارية العربية لو مشحونة كويس تموت ....... بالذات لو الايد نضيفة من الدهون او مبلولة مية ........

**Adham** · 29-08-2010 02:58 PM

المشاركة الأصلية كتبت بواسطة أحمد كمال

electrical safety: The fatal current

electric shock - wikipedia, the free encyclopedia

السلك ال 220 فولت ده بيموت لان عداد كهربة البيت 40 امبير ...... لو كان الفولت 220 بس التيار 50 مللي امبير مثلا عمره ما يموت .....

الاليكتريك يموت لو طول .... بس عمره ما يموت من لمسة

و بطارية العربية لو مشحونة كويس تموت ....... بالذات لو الايد نضيفة من الدهون او مبلولة مية ........

حضرتك عداد الكهرباء دة بيعد الكهرباءاللي بتستهلكها مش بيحدد شدة التيار اللي في السلك يعني لو السحب زاد عن 50 امبير (استهلاك منزلي) العداد حايضرب بعد فترة انما التيار برضة حايكون مر و شغل الاجهزة (حصلت عندنا في البيت لفترة زمان ايام العدادات ال 10 امبير لغاية ما غيروا العداد ب 80 امبير)

حضرتك ال 220 فولت و 50 مللي امبير حايكهربك (زي الالكتريك شوك) انما ال 12 فولت 70 امبير زي بطارية السيارة مش حايكهربك اساساً لو مسكت اقطاب البطارية بايدك يعني مش حايكهربك لو لمست الطرفين بايدك

انما لازم تمرر التيار من خلال جسمك بانك تكون عنصر في دايرة كهربية بين البطارية ملمسة موجب في ايد مثلا و موتور كهربي او مارش مثلا ملمس في الايد التانية و الكهرباء تمر من خلالك علشان تشغل الموتور

حضرتك لما بتغسل حوض الموتور في البنزينة, المياة بتبقى واصلة بين الأقطاب و مغرقة البطارية مياة (ملمسة الاقطاب من خلال بلل المياة) و مع ذلك لا البطارية بتعمل شرز و لا بتنفجر و لا بتعمل اي قفلة في السيارة خالص و شوفها بنفسك و انت بتغسل السيارة, او ادلق قزازة مياة على البطارية و غرق الاقطاب وتعمد ان المياة توصل بين القطبين

لكن في البيت لو شوية مياة اتدلقوا و دخلوا فيشة كهرباء شوب البلاوي اللي بتحصل

**Deshahcoka** · 30-08-2010 01:23 AM

رجالة بجد ربنا يخليكوا :) مش عارف اشكركم ازاي على الدروس الجامدة ديه :) فل الفل :) الف شكر

**l0new0lf** · 30-08-2010 06:11 PM

المشاركة الأصلية كتبت بواسطة adham

+1
سمعت دي كذا مرة من كذا حد بس عملتها كذا مرة في الفرونتيرا و اللانسر و محصلش اي حاجة

انا باعملها على طول بس مع العربيات الى مفيهاش كونترول
بس بعمل حركه ساعتها و هى انى بنور النور العالى لان المفروض لو الكتاوت هيطير هيكون فى اللحظه اللى بشيل فيها البطاريه المشحونه علشان ساعتها خرج الدينامو مش هيلاقى حاجه يروحلها فبنور النور العالى و تقريبا الحركه دى بعملها بمعدل مره كل اسبوعين لمدة 5 سنين لظروف شغلى :0