الموضوع: هل فيه ضرر من اعطاء شحنة !

المشاركة الأصلية كتبت بواسطة أحمد كمال

الفولت أو فرق الجهد مش هو اللي بيموت ... اللي بيموت شدة التيار

بدليل ان الصاعق (electric tasers) أو الكتريك شوك زي ما الناس بتسميه بيبقى بالكيلو فولت بس ما بيموتش ..... لان شدة تياره بتبقى بكسور من عشرات الالاف من الامبير ......

بطارية العربية 12 فولت بس 50 او 70 امبير يعني تموت .......

+111111111

شدة التيار هي اللي بتموت

بطارية العربية مش حتموت لان مع ان الامبير عالي الفولت قليل جدا فالتيار مش حيمشي في الجسم و يموت.

و حتى لو الفولت و التيار عاليين حتفرق طريقة التعرض ليه و حالة الجسم عشان يموت.

الفولت مثل الضغط هو اللي بيمشي التيار في المقومة اللي امامه.

50 ملي في القلب او 20 ملي في المخ تموت.

حاجه تانية مينفعش نقارن بين كهربة البيت ac و التيسر و البطارية dc .

المشاركة الأصلية كتبت بواسطة keko

انا عن نفسى بريح دماغى من لخمة الاسلاك واحط البطارية السليمة فى العربية العطلانة وندور وبعدين يفضل مزود بنزين لحد ما ارجع البطارية العطلانة مكانها بعد كده احط السليمة فى عربيتها وادور بس طبعا لو البطارية فضيت تشوفو واحد تالت بقا ههههههههه

المشاركة الأصلية كتبت بواسطة Adham

+1


سمعت دي كذا مرة من كذا حد بس عملتها كذا مرة في الفرونتيرا و اللانسر و محصلش اي حاجة

أنا كنت على طول بعمل كده لغاية ما في مرة الديناموا كله ضرب مني وغيرته من غير ما أعرف ضرب ليه وإستمريت أعمل كده لغاية ما المرة اللى بعدها السليكونات بتاعة الديناموا المسئولة عن شحن البطارية هية اللى ضربت .. عرفت ساعتها إنه بسبب الحركة دي ... طبعا الكلام ده كان في العربية البيجو

لكن أعتقد الكلام في العربيات الجديدة اللى فيها كنترول هايكون الموضوع معقد أكتر وفيه مخاطرة أكبر

المشاركة الأصلية كتبت بواسطة kingnoro

بطارية العربية مش حتموت لان مع ان الامبير عالي الفولت قليل جدا فالتيار مش حيمشي في الجسم و يموت.

و حتى لو الفولت و التيار عاليين حتفرق طريقة التعرض ليه و حالة الجسم عشان يموت.

الفولت مثل الضغط هو اللي بيمشي التيار في المقومة اللي امامه.

50 ملي في القلب او 20 ملي في المخ تموت.

حاجه تانية مينفعش نقارن بين كهربة البيت ac و التيسر و البطارية dc .

الكلام ده هوة اللى مظبوط



لو كان فرق الجهد ضعيف زي 12 فولت عمره في حياته ما يموت حتى لو كان الأمبير عالي إلا إذا كان السلك مباشر على الأعصاب مثلا ... لأن فرق الجهد هوة بمعنى آخر القوة الدافعة الكهربية ولو القوة دي ضعيفة يبقى مش هاتقدر تمرر الكهرباء من خلال الجلد البشري حتى لو الأمبير عالي ..



لكن لو القوة الدافعة الكهربية (الفولت) دي عالية زي الإلكتريك شوك لكن الأمبير قليل يبقى الكهرباء هاتخترق الجلد البشري وبقوة جامدة جدا كمان وده اللى بيعمل الصدمة .. ولكن الأمبير ضعيف ---> يبقى محتاج تعريض الجسم للكهرباء دي لمدة أطول بكتير عشان الدم يتحلل وتسبب الوفاة




لكن لو في البيت الكهرباء هاتكون 220 فولت ثابتة لكن الأمبير متغير ونظريا ممكن تدي أمبير لا نهائي .. لأن كل جهاز بيسحب الأمبير بتاعه وكل ماعدد الأجهزة اللى شغالة يزيد كل ما أسحب أمبير أكتر وأعمل أحمال كهربية أكتر على الشبكة ..



التكييف مثلا معروف إنه بيسحب من 10 لـ 20 أمبير في الساعة طبعا حسب قوته وساعات أكتر أو أقل هانفترض بيسحب 15 وكمان عندك غسالة شغالة وبتسحب 5 كمان وكمان سخان بيسحب 10 ... يبقى كده مجموع الأحمال الكهربية يساوي 15+5+10= 30 أمبير ...



لو أنا عملت قفلة في الكهرباء بإني مسكت السالب والموجب بتوع البيت بإيدي ده معناه إن شدة التيار وصلت لقيمة لا نهائية مع فرق الجهد الكبير (220) = حالة وفاة للي ماسك السلك ده في وقت القفلة




أنا معرفش إيه الكلام الكتير ده ... بس مش هامسح حاجة لإنه إتكتب خلاص

المفروض اوصل القطب الموجب من عربيتك ثم القطب الموجب فى العربيه المراد تدويرها
ثم الفطب السالب فى العربيه المراد تدويرها ثم القطب السالب فى عربيتك
وتسيبها شويه دايره متوسط 3 ار بى ام ثم يقوم جارج بتدوير سيارته
وعند الدوران يتم عكس الدوره يعنى تشيل سالب عنك ثم عنده ثم موجب عنده ثم عندك