الموضوع: لما قلت اخطر مشكلة فى السيراتو ....كان عندى حق

المشاركة الأصلية كتبت بواسطة glimmer

السلام عليكم

اخي الكريم ابو ليلي ( قدر الله وما شاء فعل ) لعله خير ان شاء الله .

قال تعالى : ( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ ) ...

( إنَّ عِظم الجزاء مع عظم البلاء ، وإنَّ الله عز وجل إذا أحب قوماً ابتلاهم ، فمن رضي فله الرضا ، ومن سخط فله السخط )

قال رسول الله صلى الله عليه وسلم ( ما من مسلم تصيبه مصيبة فيقول ما أمره الله " إنا لله وإنا إليه راجعون ، اللهم أجرني في مصيبتي وأخلف لي خيراً منها " إلا أخلف الله له خيراً منها )

اخوك
ماجد

المشاركة الأصلية كتبت بواسطة morasystem

السيد المحترم أبو ليلى ... كان الله فى عونك و انا مقدر جدا اللى حضرتك فيه بجد
بس عاوز أقول حاجة ... واضع من الكود ده P0748 Pressure Control Solenoid Valve A - Electrical إنه المشكلة فى حاجة اسمها Electrical Solenoid Valve A و متهيألى ده هو الصمام اللى غيروه لحضرتك فى مركز الصيانة ... بدليل إن العربية مشيت مع حضرتك شهر و اسبوع من غير أى مشاكل ... يبقى إذن المشكلة كانت فى الأساس من حاجة تانية هى اللى بوظت الصمام ده و لما حضرتك غيرت الصمام ... العربية قعدت فترة كويسة و بعد كدة لنفس السبب المجهول باظ الصمام ده تانى و خلى العربية ماشية على ال Safe Mode "Gear 3"


إذن المشكلة فى الأساس هى إن جهاز تشخيص الأعطال اكتشف مشكلة الصمام و لم يكتشف السبب الأصلى اللى بوظ الصمام ده ... بس بم إن المشكلة فى الأساس كهربائية مش ميكانيكية بدليل إن الصمام ده "كهربائى Electrical" مش ميكانيكى ... قد يكون الكونترول يونت أو أى حاجة تانية .... حاول حضرتك تخلى الفنى بتاع الجهاز إنه يدور عن المشكلة فى مكان تانى ... و تذكر حضرتك إن السيراتو ليها فيشتين Diagnostic واحدة تحت التابلوه من جوة جنب علبة الفيوزات و التانية فى الكبوت على اليمين فوق... لأن اللى فهمته عن تشخيص الأعطال بعد ما لفيت لفة فى النت إنه ممكن المشكلة متظهرش فى حتة و تظهر فى حتة تانية بشكل تانى ...ربنا يعوض فى اللى اتصرف و بإذن الله الرد اللى جاى أكون بنهنيك بإصلاح المشكلة اللى انا كمان بقالى- يمكن من أول ما ظهرت عند حضرتك - متجنن و عاوز أعرف إيه السبب فيها و بجد قلبى معاك

تقبل مرورى و اعذرنى لو كنت مش بفهم أوى فى هذا النوع من الأعطال بس انا بحاول أترجم لحضرتك اللى فهمته يمكن ده يوصلك لحل
السلام ختام

الكود اللى بيظهر مش فيه كلمة فلف نهائى (P0748 Pressure Control Solenoid Electrical )

الى عرفته عن مشكلة الفلف انه بيظهر لما تحس ان العربية بتنتش منك وهى بتدى غيارات او مش بتدى غيارات خلاص والاتنين دول مش عندى والدليل ان ساعات لما كنت بطفى العربية واشغلها بتدينى كل الغيارات .معنى كده ان الفتيس سليم والفلف سليم

لما الفنى بيشيك على الفيشه اللى بتركب فى الكنترول يونت بيقياس كل حاجه فيها وبتكون سليمة على حسب كلامهم ( اكتر من مركز ) وبالتالى الفيشة الاولى اللى تحت التبلوه سليمة .

المشاركة الأصلية كتبت بواسطة morasystem

استاذ أبو ليلى ... متاخد عنوان الراجل ده ... يمكن يكون عنده الحل ؟؟

الفكرة انا تعبت من التجربة ومعنديش استعداد اروح لحد تانى يجرب فى العربية

المشاركة الأصلية كتبت بواسطة medomezo

أسأل الله العلي القدير في هذه الأيام المباركة أن يزيل عنك همك ويصلح لك بالك وسيارتك .
اللهم آمين

كنت قاعد امبارح قدام الجهاز وزوجتى معايا وبتشوف الردود اللى بتكتبوها ليا

سألتنى هى الناس دى بتدعيلك وبتحاول تساعدك ليه ...هى تعرفك ...؟

قلتها اعرف ناس منهم وناس لا بس الاهم اننا كده فى المنتدى كلنا بنحاول نساعد بعض واللى يقدر يعمل حاجه بيعملها من غير الانتظار لمقابل .

بصتلى وهى مش مقتنعه وقالت طيب ...!!!!

بشكر كل الناس اللى بتحاول تعمل اى شى بجد انا فخور انى هنا معاكم وربنا اللى يعلم مدى اعتزازى

بكم رجالة كيا ونمورها والاعضاء اللى من اقسام تانية جزاكم الله كل خير ويتقبل الله داعائكم

المشاركة الأصلية كتبت بواسطة tlrsiap

كان الله في عونك

الله يخليك ويبارك فيك على فكرة احنا اخوات لان اسمى وائل محمد فوزى راجع الذكرة كده .

المشاركة الأصلية كتبت بواسطة أبو صلاح

بجد والله من كل قلبي ربنا يوفقك في حل مشكلتك

الله يخليك يا ابو صلاح وديما معانا فى الخير

المشاركة الأصلية كتبت بواسطة ehab_osman

قلبي معاك .............

والمصحف الشريف ابدا ولا شفته دور عليه يمكن تكون نسيته فى حته ....كده ولا كده

الله يخليك يا ايهاب باشا اقعد انت مختفى كده ولا بنشوفك ولا بنعرف اخبارك انا الحمد لله تمام

وده اختبار كده صغير من عند ربنا والحمد لله قادر عليه والفلوس ولا تسوى حاجه من ضفر بنت من بناتى .......وبرضه بحب السيراتو ......بس هى الظهار مش بتحبنى