سؤال للفتيات (الفرح) ؟

**hazoom2006** · 08-09-2010 05:46 PM

المشاركة الأصلية كتبت بواسطة أحمد كمال

الراجل بيتفرج على ماتش كورة ببلاش في بيته و لا بالكتير ب 20 و لا 30 جنيه عالقهوة ...... مش ب 20 و لا 30 الف جنيه ..... نفسي الستات تبطل بقى المقارنات الغريبة جدا دي !!!!

واحد صاحبي مراته عايزاه يكسر الشقة كلها و يوضبها من الاول (هيتكلف بتاع 30 الف جنيه) .... بيقول لها مفيش فلوس تقول له طب ليه جبت iPad لنفسك من كام شهر !!!!!! (تمنه 4 الاف جنيه و اول مرة يجيب حاجة لنفسه من 3 سنين مثلا !!!) .....

و واحد تاني مسافر رحلة عمل للخارج و مامعاهوش فلوس ياخد معاه مراته (حوالي 8 الاف جنيه عشان ياخدها معاه) ....... و مد رحلة العمل يومين تلاتة على حسابه الخاص عشان يتفسح و يشوف البلد (يومين تلاتة كلفوه 1000 جنيه بالكتير) ..... قالت له ليه تمد مش بتقول مامعاكش فلوس !!!!

استاااذ استاااااااااذ

**azmeralda** · 08-09-2010 05:54 PM

المشاركة الأصلية كتبت بواسطة أحمد كمال

انا مش شايف كده الصراحة

انتي بتقولي الست بتستحمل فرجة الراجل على ماتشات الكورة و خلافه

و انا باقول ان دي مش مقارنة أساسا لأن ماتش الكورة ببلاش

الفرح بعشرات الالاف

مفيش مقارنة

و للاسف البنات كلهم بيقارنوا مقارنات مش fair خالص و ذكرت الأمثلة على كده

انا فى النقطة دى بتكلم عامة مش عن الفرح بقول ان كل طرف لازم يقدر اهمية اى موضوع بالنسبة للطرف التانى ولو حتى كان مستتفهه هتلاقينى حطة الكلام بين قوسين
وماتش الكورة لو ببلاش بيحرق لها دمها ب 30 الف ج لأن نفسها الشوية اللى قاعدهم فى البيت يحتويها ويتكلم معاها لكن طبعا الحضرى اهم منها
وانا حددت الفستان البيض ومفيش كلام فى اهميته وده ممكن يتأجر ب 200 جنيه
وحددت مخها لأن مينفعش اغير مخك ولا تغير مخى انت شايف ان ده تفكير مش تمام لما تيجى تتجوز مفروض تدور على واحدة تفكيرها زيك وهتلاقى لو هى مش عاجباك ما تسيبها ما مليون بنت تانية بتعمل الفرح فى الجامع او فى البيت غير المليون اللى مهم عندهم النادى
لكن الناس بتتجوز كده هللهلى وخلاص مع ان التقارب فى التفكير من اهم الحاجات عشان كده بيفشلوا

**محمد محمد** · 08-09-2010 06:14 PM

المشاركة الأصلية كتبت بواسطة shaddadfalcon1

نفسي اعرف مين اللي قال الفرح ده بيتعمل مره واحده في العمر :)

انا الحمد لله لا عملت فرح ولا يحزنون بالرغم من ان اهلي وقرايبي وحتي اهل البلد نفسهم كانو بيقولولي احنا هندفع تمن التكاليف كلها بس اعمل الفرح - هو احنا عندنا كام مهندس يعني وانا كبرت دماغي علي الأخر

ان شاء الله تتعوض المره الجايه

هو كمان فيه مرة تانية...شكلك كده عندك عرق من جدك الجندي.

**remomemo** · 08-09-2010 06:25 PM

انا بصراحة شايفة الافراح بشكلها بتاع بلدنا مقرف ومكرر وممل
نفس الروتين ونفس الاغانى زى ما يكون الزواج على مذهب الامام هشام عباس
كل الافراح بحصل فيها فس الحركات الهبلة بتاعة التورتة والرقص
واللى بيقول شهر العسل يتعوض لا موش هايبقى فى فلوس لرحلة طويلة بعد كده
خاصة مع التقاليد العقيمة بتاعة بلدنا البنت تتجوز من هنا هوب يركبها ميت عفريت عايزة تخلف هاتروح شهر العسل مع الانجال بقى
لا طبعا بلا فرح بلا بتاع
الواحد يروح يتفسح ويعمل شوبنج ويدفع العريس دم قلبه احسن

**SeiffoZ** · 08-09-2010 10:03 PM

المشاركة الأصلية كتبت بواسطة remomemo

انا بصراحة شايفة الافراح بشكلها بتاع بلدنا مقرف ومكرر وممل
نفس الروتين ونفس الاغانى زى ما يكون الزواج على مذهب الامام هشام عباس
كل الافراح بحصل فيها فس الحركات الهبلة بتاعة التورتة والرقص
واللى بيقول شهر العسل يتعوض لا موش هايبقى فى فلوس لرحلة طويلة بعد كده
خاصة مع التقاليد العقيمة بتاعة بلدنا البنت تتجوز من هنا هوب يركبها ميت عفريت عايزة تخلف هاتروح شهر العسل مع الانجال بقى
لا طبعا بلا فرح بلا بتاع
الواحد يروح يتفسح ويعمل شوبنج ويدفع العريس دم قلبه احسن

يعنى حضرتك محلمتيش حلم كل بنت بتاع ألبس الفستان الأبيض؟

**remomemo** · 08-09-2010 10:33 PM

المشاركة الأصلية كتبت بواسطة seiffoz

يعنى حضرتك محلمتيش حلم كل بنت بتاع ألبس الفستان الأبيض؟

شوف اكيد نفسى البس فستان فرح بس موش زى اللى موجود فى السوق انا محجبة ومابعجبنيش اللى موجود حاسة انه موش راكب على بعضه
وبعدين نيجى للاهم الفرح نفسه ؟
انت رحت اى فرح مصرى ؟؟؟ بذمتك ايه الممتع فى الافراح ؟ دوشة فستان كابس على النفس ماكياج جامد فى الحر وهدة حيل
غير الدى جى ولازم العروسة والعريس يقومو يحيو الفرح مع الاصدقاء
بجد الفرح موش ممتع انا فرح اختى اتهد حيلى باستقبل فلان واوصل علان والله اخر الفرح نمت ماحسيت
والله حفلة تخرجى كانت احلى
والسخافة بقى حد سخييييييف يقولك ماتقومى ترقصى مع اختك(مشاركة وجدانية ) ناقصة تهزيق اصلها

انا شايفة الفرح يبقى عزومة شيك (وليمة زى الرسول ما قال عشان الاشهار ) وشهر عسل فسحة ظريفة مهما اتكلفت موش هاتكلف 50 الف ولا الارقام المهولة اللى بنسمع عنها

**shiko85** · 08-09-2010 10:45 PM

المشاركة الأصلية كتبت بواسطة remomemo

شوف اكيد نفسى البس فستان فرح بس موش زى اللى موجود فى السوق انا محجبة ومابعجبنيش اللى موجود حاسة انه موش راكب على بعضه
وبعدين نيجى للاهم الفرح نفسه ؟
انت رحت اى فرح مصرى ؟؟؟ بذمتك ايه الممتع فى الافراح ؟ دوشة فستان كابس على النفس ماكياج جامد فى الحر وهدة حيل
غير الدى جى ولازم العروسة والعريس يقومو يحيو الفرح مع الاصدقاء
بجد الفرح موش ممتع انا فرح اختى اتهد حيلى باستقبل فلان واوصل علان والله اخر الفرح نمت ماحسيت
والله حفلة تخرجى كانت احلى
والسخافة بقى حد سخييييييف يقولك ماتقومى ترقصى مع اختك(مشاركة وجدانية ) ناقصة تهزيق اصلها

انا شايفة الفرح يبقى عزومة شيك (وليمة زى الرسول ما قال عشان الاشهار ) وشهر عسل فسحة ظريفة مهما اتكلفت موش هاتكلف 50 الف ولا الارقام المهولة اللى بنسمع عنها

و الله يا ريت البنات كلها بتفكر كده, ربنا يوفقك و يرزقك بالزوج الصالح

**yahiahelaly** · 09-09-2010 12:10 AM

بــــــــــــــــــس
إحنا نطلع ع القسم وكل واحد ياخد حقة
ههههههههههههههههههههههههه هه

-

-

الموضوع: سؤال للفتيات (الفرح) ؟

LinkBack

أدوات الموضوع

عرض

-

-

-

-

-

المواضيع المتشابهه

دموع الفرح ...!!!

فرصه للفتيات و الشباب

الفرح الاسلامي

اعمل الفرح فين

تكاليف الفرح .. نار نااااار

الكلمات الدلالية لهذا الموضوع

المفضلات

المفضلات

ضوابط المشاركة