سؤال للفتيات (الفرح) ؟

**ashouhdy** · 09-09-2010 06:04 AM

المشاركة الأصلية كتبت بواسطة Ahmed_Emad

أنا عندي لاءات تلاتة زي لاءات مؤتمر الخرطوم كده

لا للفرح (يستبدل بعشاء لعشرين فرد على أقصى حد فى أي باخرة نيلية، وتبقى تلبس الفستان ساعتها)

وبقيت العيلة والاصحاب فينهم .. مينفعش تعزم عشرين وتسيب بقية اهلك يعنى مينفعش تميز حد عن حد ....

لا للنيش والبوفيه والصالون الدمياطي المدهب (كل العفش هيبقى أمريكان)

العروسة و أمها حيكونوا فى غاية الانبساط .. لكن أمك انت وأبوك حيعترضوا دة احنا دافعيين مهر !! مينفعش بردوا!

لا للمضي على قايمة (وهفرش الشقة من أولها لآخرها ومش عايز منهم حتى منديل)

مفيش حد دلوقتى بيتكلم ف قايمة ... ياعم هو حد لاقى جواز الحق اتجوز قبل مالفلوس تتصرف عالفاضى

المهم إني لسه مجربتش الشروط دي على أرض الواقع لحد دلوقتي...ومش عارف هثبت على موقفي ولا لأ!

ربنا يستر

كان غيرك أشطر ههههههههههههههههههههههههه ههههههه

**blazer** · 09-09-2010 07:08 AM

انا بفكر فى حاجه
انا سمعت انك ممكن تأجر فيلا مثلا لمده يوم تعمل فيه الفرح
تجيب بس ترابيزات وكراسى " اماكن بتأجرهم و بيبقى شكلهم شيك "
و تعمل بوفيه محترم
بس مش اكتر
ولو حلكت تشغل اغانى هاس سماعتين يعم :d
بس المشكله هل ايجار الفيلا دى هتبقى غاليه؟
يعنى الموضوع يتكلف كام الف جندى

**Miss_Pharma** · 09-09-2010 08:25 AM

لازم فرح ..
والله العظيم الموضوع ده حصل معايا بالظبط ..
قالي بلاش فرح وفلوس الفرح نحطها على فلوس شهر العسل وبدل مانروح تايلاند نروح جزر المالديف او بالي ..
وافقت وقلتله ماشي وكنت متحمسة جداا ..

بعدها بيومين قعدت اتفرج على فساتين الفرح البيضاء والقاعات والكوشة والفرحة بتاعت اليوم ده ..
قعدت اعيط مع نفسي يومين ولما حسيت الموضوع فعلا جد اني مش هعمل فرح قلت لااااااا .. وفي اليوم التالت كلمته عيطتله وقلتله ماليش دعوة انا عايزة فرح ..

مش لازم يبقى فرح جامد وفلوس كتير .. بس فرحة اليوم ده متتعوضش
وبعدين انا مش عاملة فرح للناس عشان اقول مهما عملت مش هيعجبهم .. سوري يعني بس طظ فيهم
انا عاملة الفرح ده ليا عشان افرح وانبسط وانا عروسة في احلى ليلة في عمري واللي بيحبوني بجد هيكونوا مبسوطين بيا ومعايا والتانيين دول بقى ياريت ميجوش اصلا ..

**Miss_Pharma** · 09-09-2010 08:30 AM

المشاركة الأصلية كتبت بواسطة blazer

انا بفكر فى حاجه
انا سمعت انك ممكن تأجر فيلا مثلا لمده يوم تعمل فيه الفرح
تجيب بس ترابيزات وكراسى " اماكن بتأجرهم و بيبقى شكلهم شيك "
و تعمل بوفيه محترم
بس مش اكتر
ولو حلكت تشغل اغانى هاس سماعتين يعم :d
بس المشكله هل ايجار الفيلا دى هتبقى غاليه؟
يعنى الموضوع يتكلف كام الف جندى

ايجار الفلل فاضية يتراوح من 3000 ل 12000 جنيه حسب المكان
كل ما كان ابعد كل ما كان ارخص ..
والبوفيه والكوشة والفراشة والسماعتين لوازم الفرح يعني بتعمل على الاقل 12 الف لحوالي من 100 ل 150 فرد .. هي فكرة لذيذة بس لازم كل المعازيم يكون معاهم عربيات
لان اغلب الفلل دي بتكون في المريوطية او طريق مصر اسكندرية ..

**blazer** · 09-09-2010 08:38 AM

المشاركة الأصلية كتبت بواسطة miss_pharma

ايجار الفلل فاضية يتراوح من 3000 ل 12000 جنيه حسب المكان
كل ما كان ابعد كل ما كان ارخص ..
والبوفيه والكوشة والفراشة والسماعتين لوازم الفرح يعني بتعمل على الاقل 12 الف لحوالي من 100 ل 150 فرد .. هي فكرة لذيذة بس لازم كل المعازيم يكون معاهم عربيات
لان اغلب الفلل دي بتكون في المريوطية او طريق مصر اسكندرية ..

يعنى لو فيلا متوسطه 5000
والبوفيه والكوشة والسماعتين لوازم الفرح يعني ب 15الف
يعنى 20 الف !
بردو مش قليل
بس 150 فرد كتييييييييييير
خليهم 80 بس كفايه
كدا ممكن يبقوا كام 15 الف المجموع؟