ايه رايك فالارتباط من عالنت سواء بنت او ولد ( المناقشة مفتوحة )

**AshTurbo** · 11-09-2010 12:51 PM

زي أي حاجة في الدنيا هي مسألة قابلة للنجاح وقابلة للفشل ولكن في رأيي هي طريقة غير جيدة للأرتباط وبيئة غير صحية لتطور علاقة حب بين شخصين تقدر تستمر لفترات طويلة .

**sherif_84** · 11-09-2010 01:15 PM

اولا كل سنة وانتم طيبين
ثانيا كل حاجة فى الدنيا دى فيها الحلو وفيها الوحش بمعنى :
النت فيه الكويس و الوحش / زواج الصالونات فيه الكويس و الوحش / معرفة الجامعة او العمل فيها الكويس و الوحش
هو ربنا خلق الدنيا كده وفى نفس الوقت ادانا اعظم نعمة وهى العقل فى ناس بتبقى داخلة تتعرف على بنت بقصد الزواج و هو اكيد بيلاحظ من البنت اللى بيكلمها دى جادة ولا بتاعت تسلية وخلاص نفس الكلام للشاب
ممكن يكون داخل يتسلى مع اى بنت ويظبط معاها خروجة
فى موقع اسمه بنت الحلال ده موقع زواج محترم ومش عشان بقول كده يبقى كل اللى فيه كويسين لا طبعا فى بنات ممكن تبعتلك رقم تليفونها مباشرة من غير مانت تقولها وفى بقى انت لو عايز ترتبط بواحدة وجاد فعلا
بتبحث فى المواصفات البنت المطلوبة وربنا بيوفقك للبنت الكويسة لان نيتك اصلا كويسة ياريت تكونوا فهمتوا قصدى

أخوكم شريف

**mr_vampire** · 11-09-2010 04:46 PM

المشاركة الأصلية كتبت بواسطة magyver

فعلا كل حاااجة فيها مبدا استخدام الحلال والحلااااااااام
والنت ممكن يكون كوسيلة زي ممكن تشوف بنت في الشاارع
وتجيب اصلها وفصلها عشان تسال عنها
هيا ممكن تكون وسيلة والشخص اللي بيحدد اية اللي بيتم بعد كدة بقي

بالظبط كدة يامعلم هو ده اللي بحاول اقوله. شكرا لمرورك ياباشا

المشاركة الأصلية كتبت بواسطة human12

و لو اتجوزها يبقى حرام برضه؟
زى الاستاذ اللى افتى ان ده باطل و ما بنى على باطل باطل

معلش مين اللي قال كدة. شيخ ولا ايه ؟؟؟

هيه كلمه حرام سهل كل واحد يرميها كده؟؟؟ و يحرم على الناس عيشتها حتى لو حد بيعمل حلال!!

هو فعلا الحرام بين والحلال بين بس الفرق بينهم شعرة والشخص هو اللي بيحددها تمشي ازاي.

المشاركة الأصلية كتبت بواسطة zakiali

يعتبر لعب بالنار

برده الشخص الاساس.

المشاركة الأصلية كتبت بواسطة ahmed_nubira

اعصابك يعم مش كده احنا عايزينك

معلش ياصاحبي بستازنك تبقي الردود احسن من كدة عشان المناقشة تبقي مثمرة وتحقق اللي عيزينه في اننا نفهم دماغ الناس . لاننا مش بنهاجم او بنعترض علي اشخاص . فكل واحد يقول اللي عايزه بس يقنعنا بوجعة نظره.

**mr_vampire** · 11-09-2010 04:53 PM

المشاركة الأصلية كتبت بواسطة ashturbo

زي أي حاجة في الدنيا هي مسألة قابلة للنجاح وقابلة للفشل ولكن في رأيي هي طريقة غير جيدة للأرتباط وبيئة غير صحية لتطور علاقة حب بين شخصين تقدر تستمر لفترات طويلة .

صح كدة يامعلم زي ماانا بقول وسيلة زي اي وسيلة وبعدها المعاملة بتظهر الشخصيات علي حقيقتها. وفي نقطة انها بيئة غير صحية ( تشبيه حلو علي فكرة عجبني جدا ) عندك حق فيه بس احنا اللي خلناها غير صحية باستخدامنا الغلط للنت والشات وعشان كدة اخد سمعة وحشة حتي من الناس اللي متعرفوش. بس علي فكرة دلوقتي البيئات الغير صحية في كل مكان طبعا كلنا بنمشي فالشارع وبنشوف. شكرا ياجميل لمرورك

المشاركة الأصلية كتبت بواسطة sherif_84

اولا كل سنة وانتم طيبين
ثانيا كل حاجة فى الدنيا دى فيها الحلو وفيها الوحش بمعنى :
النت فيه الكويس و الوحش / زواج الصالونات فيه الكويس و الوحش / معرفة الجامعة او العمل فيها الكويس و الوحش
هو ربنا خلق الدنيا كده وفى نفس الوقت ادانا اعظم نعمة وهى العقل فى ناس بتبقى داخلة تتعرف على بنت بقصد الزواج و هو اكيد بيلاحظ من البنت اللى بيكلمها دى جادة ولا بتاعت تسلية وخلاص نفس الكلام للشاب
ممكن يكون داخل يتسلى مع اى بنت ويظبط معاها خروجة
فى موقع اسمه بنت الحلال ده موقع زواج محترم ومش عشان بقول كده يبقى كل اللى فيه كويسين لا طبعا فى بنات ممكن تبعتلك رقم تليفونها مباشرة من غير مانت تقولها وفى بقى انت لو عايز ترتبط بواحدة وجاد فعلا
بتبحث فى المواصفات البنت المطلوبة وربنا بيوفقك للبنت الكويسة لان نيتك اصلا كويسة ياريت تكونوا فهمتوا قصدى

أخوكم شريف

وانت طيب ياشريف. وهو ده فعلا اللي بقوله ان في كل شيء الكويس والوحش والحلال والحرام والاشخاص هما اللي بيحددو يمشوها ازاي. شكرا ياباشا علي تفصيلك لوجهة نظرك

**m_elkhishin** · 11-09-2010 10:09 PM

المشاركة الأصلية كتبت بواسطة human12

و لو اتجوزها يبقى حرام برضه؟
زى الاستاذ اللى افتى ان ده باطل و ما بنى على باطل باطل

هيه كلمه حرام سهل كل واحد يرميها كده؟؟؟ و يحرم على الناس عيشتها حتى لو حد بيعمل حلال!!

يا أخي الفاضل انا لم أقل حرام أو حلال، لأني زي مانت تفضلت لا املك اني افتي.
انا قلت رأيي في الوسيلة نفسها انها وسيله في وجهة نظري خاطئة لما تحتويه من سلبيات وفتح الباب للشيطان ليقوم بافعاله.
ولما قلت ما بني على باطل فهو باطل لم اكن اقصد بطلان الزواج لأن ده له شروط لو استوفاها خلاص يبقى صحيح، وانما قصدت ان توابع هذه العلاقة ممكن يكون فيها مشاكل - بس يمكن التعبير خانني شوية-

يعني حديك مثل ممكن يكون بعيد شوية بس فيه تشبيه، لو واحد اتعرف على واحده في كباريه، واتزوجها انا في وجهة نظري ان ما بني على باطل فهو باطل ( بالنسبة لتبعات الزواج) على الرغم من ان زاجهم ده صحيح 100*100 شرعا

أرجو اني اكون وضحت وجهة نظري

**Soma_Sooma** · 12-09-2010 02:33 PM

المشاركة الأصلية كتبت بواسطة heshamzaky

الاخت الزميلة سوما أنتى أكيد قرأتى مشاركتى ألاخيرة و سبق و أن تشاركت معك فى المنتدى فى عدة مواضيع و انا من النوع الى بحب الهزار جدا بس ما سألتيش نفسك لية قلت أن الموضوع دة بس الى يفضل الابتعاد عنة أنا أقولك السبب أنتى بتقولى لما نكون احنا دلوقتى بنتكلم فى الموضوع دة أولادنا بقى نسيبهم كدة و لا لازم ناخد بالنا و نفهم و ننتناقش علشاان نتعامل معاهم بعدين . و بلاش نعمل زى النعام . من هذا المنطلق أنا كان رأيى ان بلاش الموضوع دة دى حرية شخصية بس أنا لما قولت بلاش الموضوع دة أنتى كتبتى الاجابة بنفسك الخبرة فى الحياة هى الى حا تفرق و الفرق العمرى بينى و بين حضرتك ههههههههه معلش فى صالحى أنا لانى أكبر سنا و ممكن خبرة مش شرط يكون عقلا و لكن خبرة على الاقل للفارق الزمنى وصلت و لا لسة هههههههههههههه أنا طيعا لا أقصد أى شيىء سيىء أو تقليل من ذكائك أو خبرتك بس بحاول ألفت انتباهك للى ممكن ميكونش جة فى بالك و أختلاف وجهات النظر لا يفسد للود قضية

اى موضوع او اى ظاهرة فحياتنا بتبقى فيها حرية شخصية مش بالضرورةانى اعمل بكلام حد غير بأقتناع ولكن لما بنفتح موضوع اراء الناس وتجاربهم بتوضحلنا حجات كتيرة وزى ما بتقول كدة عامل السن و الخبرة الحياتية بتفرق ودى احنا بنستفيد منها البعض قال انة اتجوز من النت و البعض قال لا مش مقتنع بية والبعض دخلها فأمور دينية بحتة كل واحد من دول انا استفدت منة فحاجة هى دى وجهة نظرى...

المشاركة الأصلية كتبت بواسطة heshamzaky

الاخ العزيز mr_vampire و الاخت العزيزة سوما اوعو تكونو زعلتو لما أنا قولت لكم أن الموضوع دة من الافضل عدم الكلام فية أنا عمرى ما بهاجم حد و لا اقصد أغلس على حد بس قولت رأيى أنة بلاش كلام فى الموضوع دة لانة ممكن يعمل شد و جذب بين الاعضاء و مش طالبة مشاحنات و عموما شوفولنا كليب كدة حلو علشان نروق بية ههههههههههههه ماشى حد فيكم زعلان و لا عادى

بالعكس انا بشوف مشاركاتك على مواضيع كتيرة بعملها و بيكون فيها نوع من الهزار ودة عادى انا كمان كدة

وانا مش زعلانة خااااااااااالص بس خفت اتفهم غلط مش اكتر لأن كل واحد ليه فكر ومعرفش كل واحد هيستقبل كلامى ازاى

وانا استفدت من موضوع عملتة قبل كدة عن نظرة الشباب للبنت عالنت ،، وفهمت منة ان مش كل الناس هتفهم نيتى صح واتعلمت من اراء ناس كتيرة فية...

عشان كدة بقولك ان اى موضوع بنطرحةونتناقش فية بستفيد منة جدا ،،

والأختلاف فى الرأى لا يفسد للود قضية

**mr_vampire** · 12-09-2010 04:56 PM

خلاص يعني صافي يالبن. نرجع بقي لموضوعنا ونستقبل مشاركات تانية ونقول الووووووووووووو

**ahmad--ezzat** · 12-09-2010 05:12 PM

الو مساء الخير هههههههههه

**mr_vampire** · 12-09-2010 05:15 PM

المشاركة الأصلية كتبت بواسطة ahmed_nubira

الو مساء الخير هههههههههه

مساء الفل يااعم احمد. انا حاسس انك متربصلي وراشقلي في كلمة بقولها. ليه ياعم الاستنصاد ده

**icehearted girl** · 12-09-2010 07:02 PM

النت ماهو الا وسيلة تعارف في مجتمع افتراضي زيها زي الشغل والاهل والجيران الخ الخ

دلوقتي الموقف بيتوقف عن طريقة التعارف ومكان التعارف

يعني هل هو موقع زواج مثلا؟؟؟ طب مزيه زي زواج الصالونات

ولا هل هو موقع بيتطب الدخول باستمرار والمناقشة زي بعض المنتديات المحترمة

ولا مجرد شات روم عبيطة ولا ولد (شقط) زي مبتقولوا ايميل بنت واتعرف عليها by chatting

تفرق طبعا 180 درجة.. والنت دا مبقاش شئء واحد علشان نتكلم عنه فلمطلق ..لأ دا له الف باب وباب