الموضوع: ايه رايك فالارتباط من عالنت سواء بنت او ولد ( المناقشة مفتوحة )

الاخ العزيز mr_vampire و الاخت العزيزة سوما اوعو تكونو زعلتو لما أنا قولت لكم أن الموضوع دة من الافضل عدم الكلام فية أنا عمرى ما بهاجم حد و لا اقصد أغلس على حد بس قولت رأيى أنة بلاش كلام فى الموضوع دة لانة ممكن يعمل شد و جذب بين الاعضاء و مش طالبة مشاحنات و عموما شوفولنا كليب كدة حلو علشان نروق بية ههههههههههههه ماشى حد فيكم زعلان و لا عادى

المشاركة الأصلية كتبت بواسطة abo_farah

انت فاهم غلط انا...........معترض على الفكره مش حضرتك انا مفيش بينك غير كل خير
الاختلاف فى الراى لا يفسد للود قضيه...

الواحد يدخل البيت من الباب..ويسال كويس عن الناس من الافضل ان تكون فى محيط الاسره او معرفه حد ثقه

ويصلى استخاره............كمان ويفضل ان يصلى كل يوم قيام الليل ويدعوا الله ان يرزقه الزوجه الصالحه

الكلام ده مجرب..........والله العظيم ربنا ها يقف معاك لانك عاوز تعف نفسك فى الحلال...

وعلى فكره كثره الاستغفار.......لها مفعول اعظم من السحر.........على سبيل المثال سعه الرزق
والزوجه الصالحه رزق..........توكل على الله وقول يارب

ياباشا انا مختلفش معاك ابدا يابو فرح. انا هقول تااااااااااااااااااني وجهة نظري بناء علي كلامك هو فعلا الافضل انه يكون في محيط الاسرة وحد ثقة زي ماانتا قلت بالظبططططططططططط طب افرض انتا شايف كل المحيط من بنات العيلة والجيران مش مناسبين ( ماهي عملية قبول فالبداية ولا ايه ؟؟؟؟)

وزي ماانتا فالجامعة ممكن تعجب ببنت من احترامها واسلوبها وادبها وتقول هي دددددددددددددددددددده ومش هسيبها ممكن برده تتعرف علي بنت من عالنت وتعجب بادبها واحترامها ( الا بقي لو حضرتك شايف اصلاااااااااااااااا ان دخول البنت للنت والشات ده حاجة قبيحة يبقي الموضوع منتهيس اصلا من البداية ).

وبعد كدة ماممكن برده البنت اللي في محيط الاسرة يطلع فيها العبر ( الاحترام والادب والاصل اساسي ) ويطلع فيها صفات تختلف معاك وترجع تفشكل الخطوبة يبقي الموضوع وارد فيه النجاح والفشل بالظبط زي موضوع النت اعجبت مبدئيا بببنت ( اعتبر والدتي جابتهالي) وبعد كدة هنمشي فالموضوع بشكل طبيعي البيت والاهل والاصل والفصل وعلي فكرة الاهل ممكن يعترضو كليا لو عرفو انه من النت بس ده من اللي بيسمعوه في حين انهم بردو ممكن يرفضو بنت انتا مرتبط بيها من الجامعة او بنت جارتك فكله وارد مش حوار نت بس.

وارجع اقووووووووووووووووووووووو ول تااااااااااااااااااااااان ي وسيلة زي اي وسيلة وبعد كدة الصفات والطبايع بتظهر لان لو كذبت عليا في اسمها فالاول مش هتقدر تخبي حاجة عن اهلها بعد ماادخل البيت واجيب قرارهم واصلهم وفصلهم.

المشاركة الأصلية كتبت بواسطة otefa

+11111111111

الله ينور ياهشام :s_thum1[1]:
مش هاتيجي تاخد لفة بالريسينج بقه ههههههههههههه

ربنا يكرمك يا ياشمهندس و نفسى اخد لفة بالموتسيكل بجد و انت تبقى سايق و تجيب 200 كدة و العيال برضو عاوزين لفة بس تمشى على 20 كيلو مش أكتر ههههههههههههههههههههههههه هه دول عيال مجانين حا يقولو لك اجرى اجرى ههههههههه عيال بقى و عاوزين يتمرجحو فاكر الموضوع دة ههههههههههههههههههههههههه هههههه

اقتباسالمشاركة الأصلية كتبت بواسطة heshamzakyممكن أوقل رأى للاخ mr_vampire و الاخت soma_sooma المواضيع الى أتكتب دة من البداية أنا عندى احساس أنة كان من الافضل عدم الدخول فية من الاساس و الافضل الابتعاد عنة تماما أنا لا املك الحق فى الحجر على رأى اى شخص بس فية مواضيع كدة الافضل الابتعاد عن مناقشتها منعا للفتن و الاختلافات يعنى ممكن تتكتب أى مواضيع فى أى حاجة بس سؤال زى دة من الافضل كان عدم سؤالة و دة رأى شخصى يحمل الخطا او الصواب
لما نقول عالسؤال ده ميتسالش ونقول عن سؤال تاني ميتسالش امال الناس تعرف الغلط من الصح ازاي حضرتك. هو انا معاك انه سؤال صعب بس واقع وموجود وناس عيشاه فالافضل اننا يتسال وناس تتناقش ولا نتكسف او نحرج من السؤال ومنتكلمش.

عايز اقول لحضرتك ان المجتمع والشارع والبيت المصري فيه حاجات كتير لازم تتناقش لان الناس نسيت دينها ولو مش مصدقني اتفرج علي برنامج ( الموعظة الحسنة ) للدكتور مبروك عطية كل جمعة بعد الصلي. واسمع المداخلات التليفونية والتساؤلات هتعرف ان الناس هايسة خااااااااااااااالص حتي هو في كلمة بيقولها ( ده اسمه عكا يعك عكا) من كتر الاسئلة المستفزة. بس لازم يجاوب وينصح الناس.

المشاركة الأصلية كتبت بواسطة ahmed_nubira

طب يا باشا...هو ايه الاختلاف بين المراهق واللى مش مراهق فى الخطوات؟؟؟؟؟؟؟؟
وصدقنى هيا هيا نفس الخطوات ولا يليق ابدا من وجهه نظرى ان بنت توصل لمرحله انها تقابل شاب عرفته من النت

لادين ولا اخلاق يقول كده ولا ايه ؟

انا معاك يابوحميد ان الخطوات هي هي لمراهق او لراجل كبير حتي بس ده لو هو اصلا داخل اسف عاللفظ ( داخل يصطاد فريسة ). بس انا بتكلم عن انسان محترم اتعرف علي بنت محترمة والكلام بينهم محترم فتوسم فيها انها تكون زوجته.

وعلي فكرة الولد او الراجل اول واحد هيمسك السريع الصحراوي ويفك لو حس انها مش اللي شايفها زوجة ليه ( وبقول تاني محترم وابن ناس ) لانه لو غير كدة هيقول طب فل مانقضيها وعادي وبتاع.

فهمتني يامعلم ولا التطبيق وصلاة العيد عملو شغل عالمخيخ الداخلي والعين بدءت تقفل وعايزة تعمل shut down عشان تنام.

المشاركة الأصلية كتبت بواسطة ahmed_nubira

والله مش عارف اقلك ايه بس انت مقتنع بحاجه معينه وانا بحترم رأيك

بس صدقنى الدايره مغلقه برضه والموضوع هو هو...

واحده محترمه
وواحد محترم
تماااااااااااااام

نفس الخطوات اللى كتبتها برضه هتحصل....انا بينى وبين نفسى هقول ازاى بنت (محترمه وبنت ناس) تنزل تقابلنى (محترم برضه وابن ناس) فى الشارع كده او فى مكان...بصراحه risk جامد اوى افرض انا بمثل عليها وهيا محترمه وعايز اضرها....لو اتضرت يبقى هيا اللى غلطانه من الاول وهيا ازت نفسها عشان بتعرف ناس وتقابل ناس من النت شغل لبش....وبصراحه لو اختى او حد تبعك عمل الموضوع دة حتى لو الطرف التانى محترم مش هتقبل...احنا مسلمين ولا نقبل ببدعه الشات والفيس بوك اللى بوظ نص الشباب الله يلعنه

تقبل مرورى...

والله يابوحميد انا فاهم كويس بس امر واقع وعايشين فيه كلنا لو مش مشاركين فيها اكيد ليك صديق عايشه وبيحكيلك. فنتناقش فيه ويمكن نوضح حل للموضوع او نرجع واحد عن فعل كان ناوي يعمله ولا نعمل نفسنا مش واخدين بالنا