الموضوع: ايه رايك فالارتباط من عالنت سواء بنت او ولد ( المناقشة مفتوحة )

انا هقول كلمتين هما خلاصة الي عندي

علاقة النت 90% منها فاشله لسبب واضح
ان معظم واغلب البنات والولاد على النت بيدخلوا يعملوا علاقات حب على النت لأنهم فاشلين في الكلام ده على أرض الواقع وطبعًا علاقة الولد بالبنت على النت مسيرها هتنزل لأرض الواقع واول ماهتنزل هتفشل لأن مكانها الوحيد الي هتستخبي فيه هو النت !!

انا هحكي عن نفسي شويه بقا اسمحوا لي اطول عليكم

انا اتعرفت على بنات كتير من النت وبصراحه مطلعتش بأي حاااااااااااااااااااااااا اااااااااجه
انا دايما مش بطول مع اي بنت عموما سواء في الكليه ولا في النت
الشخصيه الي هو بصاحب الناس زي اخواتي وخلاص ولما بقول لواحده كلام حب او كدا مش بكون صادق وانا عارف كدا جوايا بس كنت بتسلى ( عارف ان كله هيقولي انت وحش وفيك وعليك بس خلينا نتكلم بوضوح احسن)

اولا البنات على النت الي عرفتهم تلات انواع مشفتش تالت ليهم

اول نوع بنات محترمه بنت ناس مش بتحب تفتح حوار مع حد ودي بحترمها وبيكون النت بالنسبه لهم منفذ للحياة لأنهم مش بيختلطوا بالصبيان والرجاله كتير في الحياه وده نتجيه للتربيه الصحيحه الي بحترمها واقدر اهلها عليها جدااااااااااااااااااااااا اااااا

تاني نوع بنات فاضيه زهقت من كتر الصبيان في الجامعه والبيئه حواليها فداخله تكمل تهييس على النت

تالت نوع بنات فاشله في تكوين علاقات اجتماعيه على الواقع لانها مثلا مش جميله او تعليم قليل او اي عيب من الي بيقلل من قيمتها وسط الشباب فداخله النت بقا تعيش شخصيه تانيه غير شخصيتها وتلاقي الأسامي بقا مايا وجوليانا والكلام الجميل ده ولما بشوفها في الواقع بلاقي قدامي تفيده :)


رأيي في علاقات النت انها لها حدود تبقا كويسه
يعني انا لو عارف ناس استفيد منها ونتعلم من بعض ,,, ماشي
بنتكلم على منتدى ولا موقع ماشي

اضيف بنات عندي على الايميل لا ,,, وبنات تضيف ولاد عندهم لا برده ,,, وده مش علشان احنا مقفلين او عايزين نبقا عالم معقده
لا ده لأننا كلنا مؤمنين ان جوا الولاد قوة داخليه وجوا البنات بتجذب الولد للبنت والبنت للولد يعني من غير مبحس والله كنت بلاقي نفسي كل السيناريو الي بعمله مع اي بنت بيتكرر فلاحظت ان العمليه غريبه وبتكرر
وده تفسيره ان جوانا قوى تجاذب كدا بتخلي العلاقات كلها سكتها واحده
فبلاش نعمل علاقات ملهاش لزوم وخصوصا اننا كشعب عربي الرجاله مطلوب منهم يشيلوا بلادهم على اكتافهم علشان تتقدم شويه لقدام والبنات المطلوب منها تربي ولادها فين بقا الي هتربي ولاد والي هيتقدم بالبلد وهما قاعدين يقولوا كلام حب ليل ونهار واحزان وبكاء على كبوت العربيه بعد الظهر

انا زهقت الصراحه من حياتي بالمنظر فقررت اغير خط الموبايل واسيب كل الناس دي والحمدلله خلصت من دوااااااااااااااامة العلاقات الطفوليه الي شغالين فيها الناس كلها دي


وعايز اقول ملاحظه لكل واحده مفكره انها بتحب واحد على الانترنت مواصفاته متكررتش

اي ولد بيحبك من غير ميشوفك هو مش ملاك طاهر هو بيعمل كدا لأنه مش قادر يعمل علاقه ناجحه في الواقع واكيد حضرتك مش ناويه تقضي حياتك وعلاقتك معاه نت وهتفكري تنزلي معاه لأرض الواقع فالنهايه هتكون الفشل

مع احترامي ليك ولرايك بس انتا مش مقياس لكل الشباب اللي عالنت ( انتا بتعترف انك داخل تتسلي في غيرك يستحرم يعمل كدة) عشان كدة ربنا وقعك فالاصناف اللي بتقول عليها وزي ماقولت مطلعتش باي حااااااااااااااااااجة.

انا زهقت الصراحه من حياتي بالمنظر فقررت اغير خط الموبايل واسيب كل الناس دي والحمدلله خلصت من دوااااااااااااااامة العلاقات الطفوليه الي شغالين فيها الناس كلها دي


وعايز اقول ملاحظه لكل واحده مفكره انها بتحب واحد على الانترنت مواصفاته متكررتش

اي ولد بيحبك من غير ميشوفك هو مش ملاك طاهر هو بيعمل كدا لأنه مش قادر يعمل علاقه ناجحه في الواقع واكيد حضرتك مش ناويه تقضي حياتك وعلاقتك معاه نت وهتفكري تنزلي معاه لأرض الواقع فالنهايه هتكون الفشل [/quote]


معلش وليا تعليق علي اخر كلامك ده. وانا مش بهاجمك والله بصفة شخصية بس زي مابتقول رايك بناقشك فيه. اولا بخصوص حياتك والدوامة اللي عايش فيها والحمد لله ربنا نجدك منها انتا اللي عملتها بايدك وحددتها واختارتها لانك كنت داخل تتسلي ( زي ماقولت ) وعلي فكرة اراهنك انك انتا اللي كنت بتحول الصداقة لكلام حب وتمشيها فاتجاه تاني ( مش عيب فيك بس ده طبيعة الولاد ) تكلمها مرتين فالتالتة تقولها بحبك انما البنات ابداااااااااااااا كلمة الحب عندها مش بسهولة.

ثانيا: بخصوص الولد اللي يحب بنت من غير مايشوفها في نظري هو ده الملاك الطاهر لان حب شخصية واسلوب وطريقة ( لو كان حبها بعد ماشافها يبقي ده اللي ممكن ميكونش ملاك طاهر ويبقي ليه اغراض تانية. وكونه مش عارف يرتبط فالواقع ده مش عيب فيه ممكن طبيعته خجولة او يخاف ينجرح فحاول عالنت ولما لقي الفرصة عايزها تبقي واقعية لانه خلاص مش خايف من الاحراج. ياريت تكون فهمت وجهة نظري.


وفالاخررررررررررر برده لسسسسسسسسسسة عند رايي ان النت وسيلة زي اي وسيلة تعارف (مدرسة او جامعة او جيرة او شغل............) وبعد كدة المعاملة هتبين الشخصيات علي حقيقتها لان مفيش حد هيتجمل طول العمر ولو عرف يكدب ورا الشاشة هيبان لما الوشوش تتقابل.