الموضوع: انا عايزة اتجوز واجيب بيبى واطلق!!!!!!!!!!!!!

دا ما اتربوش صح
و كمان ملاقوش الراجل إلى يصبحهم بعلقة و يمسيهم بعلقة

المشاركة الأصلية كتبت بواسطة bmya

اولا هي اصلا عايشه لوحدها وهي واخوتها البنات في مصر والدها والدتها عايشين في الكويت وهي مقضياها سفر رايح جاي
يعني الرفض مش عشان السفر خالص
لا الرفض لمجرد الرفض :b4_388:
حكايه التبني دي مفيش بنت عاقله تفكر فيها اصلااااا (على فكره دي صحبه اختي الوحيده يعني الانتيم المفروض يعني) وبعدين انا كنت خاطب اختها الصغيره كماان وبفضل مجهودها الوفير وعبقريتها فزه وحاسه كرومبو السادسه بتاعتها هي اللي بوظظت الموضوع
وبعدين هو اختي كانت بتضربها ده يدوب قالت لها في واحخد حالته كذا وشغال في كذا ايه رأيك نتقابل في البيت عندي وتشوفوا بعض (هي اصلا كانت لاجئه عن اختي في بيتها ماهي صحبتها الوحيده بقه)
راحت دي رافضاه وششششش من غير حتى اي كلام وراحت قايله البوقين ايهم بتوع التبني وانها عايشه اهو من غير راجل مش هتموت يعني

وربنا يشفي

على فكرة أنا عمالة اتفرج على المناقشات الظريفة بتاعتكوا من أول الموضوع ما أتفتح و مش عايزة أتدخل خالص لأن أغلب اللي بيرد واخدها فرصة عشان يهاجم الستات و الزوجات و خلاص. بس بصراحة أنا مندهشة من كلام حضرتك جدااااااااااا.

يعني نص الرجالة اللي أتكلموا في الموضوع ده اللي مش متجوزين بيقولوا مش عايزين جواز و لا وجع دماغ و المتزوجين برضه بيشجعوهم على كدة, لكن لما واحدة تقول مش عايزة أتجوز تبقى مجنونة و ربنا يشفيها؟؟؟؟ ليه؟ هو حضرتك متخيل أن الجواز ده جنة للستات؟؟ و لا متخيل أن اللي عمالين يشتموا و يحكوا و يتحاكوا على زوجاتهم و الخلافات الي بينهم دول هما ملايكة و مهنيين زوجاتهم والستات هما الي شياطين؟؟؟

أكيد هى كمان متعقدة من اللي شايفاه من الرجالة في الزيجات اللي حواليها فمش عايزة تتجوز, براحتها هي مش بتضر حد. و بعدين حتى موضوع التبنى ده - رغم ان واضح انه مش نية حقيقية قد ما هو رد على حكاية انها تتجوز عشان تبقى أم - ايه المشكلة فيه؟ يعني هي لو قدرت تكفل طفلة يتيمة و تربيها في بيتها تبقى غلطانة في أيه أنا مش فاهمة؟؟ هو الراجل اللي مش عايز يتجوز حر في تصرفاته و الست اللي مش عايزة تتجوز كفرت؟ بصراحة منطق غريب.

و بالمرة نفسي أوجه تساؤل للرجالة المتجوزة اللي بتهاجم الجواز, أنتوا ليه مش بتنهوا الجوازة دي؟ بجد و الله مش تريقة أنا نفسي أفهم بجد. يعني لو العشرة ما بينكم بالسوء ده و مفيش أي سعادة أو تفاهم, مستمرين ليه؟ و يا ريت محدش يقول لي عشان الأولاد لأن مش منطق أبدا ان اتنين مش طايقين بعض يفضلوا متجوزين بحجة ولادهم, رغم أن أكيد الخلافات المستمرة دي تأثيرها السلبي أفظع كتير على الطفل من الانفصال.

المشاركة الأصلية كتبت بواسطة shnory

هو فعلا الكلام ده صح
وفي صحه
ولا تقربوا الصلاه
انا عملت بحث علي الموضوع ده علي النت
وطبعا كله كلام ملهوش اساس من الصحه او بمعني تاني واخين نصه وسايبين نصه التاني
كل واحد بيدور علي اللي ليه يا برنس

بذمتك انت عملت بحث ولقيت ملوش اساس من الصحة!!!!!!!!!!! انت كده بتتهمنى انى بفترى على الدين ودى تهمة جامدة يبؤ بها احدنا بقى
انا مكنتش ناوية ارد تانى لأن الحوار لما يبقى بين رأى انسان وانسان يتقبل فيه اللى بيحصل ده
لكن لما يكون من كتاب شرعى معدش فى كلام ارد بيه لكن انك تتهمنى واسكت يبقى بأكد اتهامك
انت شايف انى واخدة نصه وسايبة النص التانى انا قلت الرأيين موجودين وكل رأى له ادلة
واالى عايز يبحث يدور بس دورت فين بقى؟

انا مش فهمة اصلا الثورة دى كلها على ايه امال لو كنت عملة دعوة لعدم خدمة الأزواج كان حصل ايه انا بوضح رأى نقلته من كتاب الفقه عشان كل واحد يرحم مراته مش عشان هى تقول له مش هعمل حاجة ولا انتو قلقانين لما الستات تقرا الكلام ده يلعب فى مخهم ؟لأ متقلقوش كله بقى مكسور الجناح الأيام دى وبيسمع الكلام فى الآخر

وانكو اول مرة اصلا تسمعو الكلام ده دليل على ان كل واحد بيتجوز من غير ميحاول يقرا ولو كتاب دينى او فقهى مبسط عن الزواج وحقوقه وواجباته
(د/عبلة الكحلاوى بتعمل دورات لكن الرجالة هيهتموا ليه اصلا طالما بياخدوا حقهم بدراعهم بعد الجواز اى ست عايزة تعيش وخلاص الكلام هنا عام مش عن الخدمة هه)

والكلام ده اتقال فى برامج دينية قبل كده برضه وفى رجالة ثاروا نفس الثورة بتاعتكو دى
مسمعتهوش فى التلفزيون كمان انا مش جايباه من كوكب تانى وده قول الجمهور


طب ادينى بحثت والكلام ده من على النت بس انا مفضلش الكلام لعلمك من النت وافضله من كتب الفقه
قال الحنفية ان ذلك يتبع حال الزوجة فان كانت من الأسر التى لا تخدم نفسها او كان بها علة تمنعها من الخدمة فعليه ان يأتيها بطعام مهيأ
اما اذا كانت قادرة على الطحن والعجن والخبز بنفسها
فأنه يجب عليها ان تفعل والفصل فى هذا للعرف
فمتى كان العرف جاريا على ان هذه الزوجة ممن لا تخدم وامتنعت عن الطهى والخدمة كان لها ذلك والا فلا
بل يجب عليها ان تفعل من الخدمة ماهو متعارف بين امثالها من الناس

(واخد بالك من امثالها دى يعنى كل الدكاترة اللى اعرفهم بيجيبوا واحدة تنضف البيت التنضيفة الجامدة بتاعة كل اسبوعين دى مبينضفوش بنفسهم )


ويؤيد هذا ان الرسول صلى الله عليه وسلم قسم اعمال الخارج لعلى والداخل لفاطمة وكانت اعمال المنزل شاقة لأنهم كانوا يطحنون على الرحى
=======================

المالكية:
اذا كانت المرأة موسرة لا تخدم نفسها
او كان الزوج ذا جاه وقدر لا يصح لأمرأته ان تخدم نفسها فأنه يفرض عليه خادم لها اذا كان ذا سعة
والا فانها تلزم بخدمة المنزل وعليه ان يساعدها بنفسه فى اوقات فراغه من عمله ولا تلزم بخدمة غير منزلية كخياطة وتطريز وغير ذلك
========================
الشافعية:
يجب على الزوج ان يأتى بخادم لزوجته ولو كان معسرا بشرط ان يكون مثلها ممن يخدم وان لم تخدم بالفعل
================================================== ===
الحنابلة:
اذا كانت الزوجة ممن لا يخدم مثلها نفسه فأنه يجب عليه ان يحضر لها خادما يخدمها
================================================
رأى تانى عشان متزعلوش: قال ابن القيم

جرى العرف فى بلاد المسلمين قديما وحديثا على خدمة المرأة زوجها ولا نعلم امرأة امتنعت عن ذلك ولا يسوغ لها الأمتناع ولا يصح التفريق بين شريفة ودنيئة وفقيرة وغنية
ومن تفسير القرطبى قال بعض علماء المالكية:
ان على الزوجة خدمة مسكنها
فأن كانت شريفة المحل فعليها التدبير للمنزل وأمر الخادم

وان كانت دون ذلك فعليها ان تقم البيت وتطبخ وتغسل

وان كانت من الكرد والديلم والجبل كلفت ما يكلفه نساؤهم
=================================================

يعنى من الآخر برضه فى خلاف غلطتش انا

وبعدين الكلام كله داير على رجالة لهم القوامة الكاملة يعنى بيصرفوا على الزوجة دى بحق ربنا وموفرين لها مسكن اظن كلامى واضح

=======================
واحد السلف قال كلام ما معناه انا مبخدش الحق اللى ليا كله على زوجتى عشان ربنا ميحاسبنيش على حقها كله عليا

وبعدين انتو فاهمين كويس وبتعرفوا تقروا وقريتوا قصدى وفهمتوه عمالين تسألوا تانى نفس الأسئلة
انا قلت يقدرها يقولها كلمة شكر ده الهدف اللى عامل نفسه مش فاهم بقى هو حر

المشاركة الأصلية كتبت بواسطة hh

على فكرة أنا عمالة اتفرج على المناقشات الظريفة بتاعتكوا من أول الموضوع ما أتفتح و مش عايزة أتدخل خالص لأن أغلب اللي بيرد واخدها فرصة عشان يهاجم الستات و الزوجات و خلاص. بس بصراحة أنا مندهشة من كلام حضرتك جدااااااااااا.

يعني نص الرجالة اللي أتكلموا في الموضوع ده اللي مش متجوزين بيقولوا مش عايزين جواز و لا وجع دماغ و المتزوجين برضه بيشجعوهم على كدة, لكن لما واحدة تقول مش عايزة أتجوز تبقى مجنونة و ربنا يشفيها؟؟؟؟ ليه؟ هو حضرتك متخيل أن الجواز ده جنة للستات؟؟ و لا متخيل أن اللي عمالين يشتموا و يحكوا و يتحاكوا على زوجاتهم و الخلافات الي بينهم دول هما ملايكة و مهنيين زوجاتهم والستات هما الي شياطين؟؟؟

أكيد هى كمان متعقدة من اللي شايفاه من الرجالة في الزيجات اللي حواليها فمش عايزة تتجوز, براحتها هي مش بتضر حد. و بعدين حتى موضوع التبنى ده - رغم ان واضح انه مش نية حقيقية قد ما هو رد على حكاية انها تتجوز عشان تبقى أم - ايه المشكلة فيه؟ يعني هي لو قدرت تكفل طفلة يتيمة و تربيها في بيتها تبقى غلطانة في أيه أنا مش فاهمة؟؟ هو الراجل اللي مش عايز يتجوز حر في تصرفاته و الست اللي مش عايزة تتجوز كفرت؟ بصراحة منطق غريب.

و بالمرة نفسي أوجه تساؤل للرجالة المتجوزة اللي بتهاجم الجواز, أنتوا ليه مش بتنهوا الجوازة دي؟ بجد و الله مش تريقة أنا نفسي أفهم بجد. يعني لو العشرة ما بينكم بالسوء ده و مفيش أي سعادة أو تفاهم, مستمرين ليه؟ و يا ريت محدش يقول لي عشان الأولاد لأن مش منطق أبدا ان اتنين مش طايقين بعض يفضلوا متجوزين بحجة ولادهم, رغم أن أكيد الخلافات المستمرة دي تأثيرها السلبي أفظع كتير على الطفل من الانفصال.

بتتفرجى وسايبانى ليه بس
لا فض فوكى

واسأليهم سؤال تانى ليه مبيحاولوش يلاقوا طريقة يحلوا بيها المشاكل ويحولوا الحياة التعيسة دى لحياة ولو حتى محتملة

اقولك انا لأن الراجل بيتربى على ان الست اللى هيتجوزها لازم تتنازل وتتطبع بطباعه وبالتالى هى بتخش الحياة تلاقى نجاحها متوقف عليها هى لوحدها مع انها مركب وكل واحد فى ايده مجداف لو مكنش فى تناسق لازم تغرق او على الأقل عمرها متمشى بهدؤ وف خط سير طبيعى
بس هو يتعب نفسه ليه
هى لما تبوز هينزل ويسيب البيت لحد متتربى وتعرف ان الوش الخشب بيضرها هى بس زى الأقتراحات الظريفة اللى هنا ده من باب الأمر بالمعروف والأصلاح بين الناس ده ولا ايه!

و بعدين سييهم ينصحوهم ميتجوزوش اللى بيفكر كده يبقى عمل خير فى واحدة كانت هتعيش نموذج مكرر للى بنشوفه هنا كل يوم

ياجماعه صلوا علي النبي وماتزعلوش نفسكم
الرجاله فعلا وحشه وماتتعاشرش
والستات ملايكه بس من غير جناحين

احنا اسفين جدا