المشاركة الأصلية كتبت بواسطة azmeralda
على فكرة الكلام اللى حضرتك جايبه هو بالضبط اللى انا بقوله وهو ان فى خلاف بس انت مزو د شويتين فى اراء الطرف التانى
وسواء عجبكو او معجبكوش هو ده الأسلام
وانا وضحت جدا انى مبدعوش انها متعملش واسلوب الأعضاء فى الكلام موضح هم عايشين فى نكد ليه (انا بقولها معرفش ايه فتخرس خالص)(هى بتقوللى عايزة طباخ ومعرفش ايه)( وانا مكرم فى بيت امى اللى غاصبنى عالقرف ده ) وهى ايه اللى غاصبها عالقرفين ما مامتها بتخدمها زى ما بتخدمك وتخدم اختك
انتو عايشين فى ثكنة عسكرية مش فى بيت فيه المودة والرحمة
عشان كده معظم الناس هنا بتشتم فى الجواز كل واحد واقف للتانى وعمال يجيب له ادلة ويتخانق معاه طب انا عضوة فى منتدى وجايز استحمل كام دقيقة لكن انكو تستحملوا بعض بالطريقة دى ربنا يكون فى عونكو انتو وهن
لعلمك بقى فى قول للشافعية وقول للحنفية وقول للمالكية وقول للحنابلة ان خدمة الزوجة لزوجها فى البيت غير واجبة عليها وانا بقى درست فى معهد اعداد دعاة فى الجمعية الشرعية وده اللى فى كتب الفقه
وقالوا ان الأحاديث التى يستدل بها على خدمة الزوجة لزوجها محمولة على التطوع ومكارم الأخلاق
يعنى خدمة السيدة فاطمة والسيدة اسماء بنت ابى بكر من مكارم الأخلاق وآه هن احسن مننا مليون مرة ماشى
ده حسب القول الأول
وانا قلت اعرفوا ان فى خلاف عشان تخفوا علي زوجاتكو شوية انتو قاصدين متفهموش عشان هم مضايقينكو فى البيت انا مالى
متتشطروش عليا انا
وبعدين زى مالقرضاوى قال المرأة المتمردة لا تنتظر رأى الدين ولا يهمها قول احد من الفقهاء لها او عليها
يعنى هتنفضلك حتى من غير متعرف الأراء دى
وفيها ايه لما تخدم سيادتك بحب ورضا مش اجبار وانت تتكرم وتتعطف وتتنازل وتقول كلمة شكر وتحسسها بالتقدير ولو تعبانة هات لها واحدة تنضف البيت
ماهو بيقولك القوية مش زى الضعيفة ومش عشان انت بتشيل كرسى الأنتريه بايد واحدة تبقى هى زيك وترجعوا تقولوا مبتهتمش بنفسها ليه ومبتعملش معرفش ايه ليه لأنها متحملة فوق طاقتها وسطها مقسوم نصين من التنضيف والغسيل والوقفة قدام الفرن والتعب ده كان ممكن يختفى لو ملقتش واحد بيقولها
آه امال انا واخدك ليه الست كده تخدم فى البيت وتعمل وتسوى ده واجبك انت عملتى ايه زيادة
المفضلات