الموضوع: انا عايزة اتجوز واجيب بيبى واطلق!!!!!!!!!!!!!

اسيبكم شوية الاقي الموضوع والع نار !!!

المشاركة الأصلية كتبت بواسطة medo_2060

مين دا الى قال الزوجه ملهاش انها تخدم زوجها... والله الكلام دا غريب ويحرق الدم
هو يعنى الزوج مقضى اليوم كله فى البارات والصرمحه والزوجه بتشتغل فى البيت!!!............

او الله كلام يحرق الدم و الغلط مش عليهم الغلط عاللي يطلع يفتي بكدة و يولع الدنيا نار و ينمرد الستات على اجوازها

خلاص بقى ستاتنا قاعدين في السراير و احنا نوكل عيالنا دليفري كل يوم و نجيب خدامة تنضف .... وللا عايشين في الجاهلية احنا و عندنا عبيد و جواري

خليها تعنننننننننننننننس وجنب امها تونس .

حلوة دي جديدة : خليها تعنس و جنب امها تونس

المشاركة الأصلية كتبت بواسطة shnory

دا علي اساس انه متبنيها؟؟؟
بس عموما لو هي بتصرف عليه ومركباه عربيه وفيلا فيها بيسين ومكتوبين باسمه بجانب انه بيدير اعمالها وبتديله مرتب خيالي
ممكن ساعتها ميجبرهاش انها تخدمه

لا هو الستات متجوزانا احنا جواز متعه محسسني ان نظرتهم للرجالة دي زي دكر النحل (الدبور) كل شغلتة يلقح الملكة و بعدها تلدعه تموتة و توكلة لعيالها

المشاركة الأصلية كتبت بواسطة tifana2010

النية فى الزواج المفروض تكون للديمومة مش فترة زى زواج المتعة بالنسبة للرجل أو الأختراع الجديد دا لحين الحصول على طفل
و الله فى شباب اليومين دول ما يعرفوا شئ عن الدين ولا التربية و مش عارفة اللى عايزة طفل بالطريقة دى حتربية ازاى و تعلمه ايه

تعلمة زي ما هي اتعلمت ان الجواز دي ظرف مؤقت كل الغرض منة انها تخلف عيل و بعدين تكوش على شقة العريس باللي فيها و تكرشة برة

، ربنا يشفى يمكن بكرة نشوف زى الغرب كدا بنوك للحيوانات المنوية اللى عايزة تخلف تروح تتلقح هناك زى البهايم من غير جواز ولا يحزنون !!!؟؟ و لتحيا العولمة ............

ماهو احنا بس بناخد من برة الحاجات السيئة و نقول عايزين نطبقها هنا

ماسمعناش ان الستات برة طلعوا بفتوى و لا جمعيات حقوق المرأة طالبت ان الرجالة تجيب طباخ و شغالة للهانم و ان الست الاوروبية او الامريكية جابت من الانجيل و التوراة نص يقول انهم مش مفروض يعملوا الاكل لاجوازهم و لا ينضفوا البيت

تلاتة بالله العظيم احنا نستاهل اللي يجري للبلد دي , دى الستات الاجانب نعمه عن الانتاج المحلي اللي بيتأمر و بيتنفسن كمان على اسس المعيشة و الاسرة و مش عايزين يعملوا اكل لولادهم و اجوازهم والله لو الستات برة يسمعوا اللي انتوا بتطالبوا بية لايقولوا عليكم مجانين واعداء الدين ياخدوا الكلام و يحتسب عالدين الاسلامي زي ما هم ما بيصدقوا يلاقوا اي كلام يشنعوا بية

المشاركة الأصلية كتبت بواسطة elassar2010

انا مش فاهم برضة
الراجل بيشتغل ويتعب علشان يجيب فلوس ويوفر حياة كريمة لمراتة

هى بقى هتعمل اية لو مش هتشوف شغل البيت ولا هتنضف البيت ولا هترتب البيت
هتاخد الفلوس الى جوزها بيجبها وتلف على الكوافيرات والنوادى!!!!!!!!!!!

وطبعا الى بيقول تجيب خادمة تساعدها دة عايش فى الطراوة لان مافيش مرتب بيكفى انة يصرف على البيت ويفيض من المرتب ويدية للخادمة الا قلة قليلة

يا عم شوفوا الستات برة في اوروبا و امريكا الطبقة المتوسطة و الغنية (ماعدا الاغنياء غنا فاحش و عايشين في قصور) مايعرفوش حاجة اسمها طباخ و لا خدامة و كل ست يوم اجازتها بتنفض البيت من اولة لأخرة و هي اللي بتتطبخ لجوزها و ولادها و لا يمكن تقبل تجيب خدامة و تدخلها بيتها و تخليها تعمل الاكل لولادها و انتوا يا ستات مصر اللي لسة عايشين ايام شجرة الدر

المشاركة الأصلية كتبت بواسطة hh

أكيد هى كمان متعقدة من اللي شايفاه من الرجالة في الزيجات اللي حواليها فمش عايزة تتجوز, براحتها هي مش بتضر حد. و بعدين حتى موضوع التبنى ده - رغم ان واضح انه مش نية حقيقية قد ما هو رد على حكاية انها تتجوز عشان تبقى أم - ايه المشكلة فيه؟ يعني هي لو قدرت تكفل طفلة يتيمة و تربيها في بيتها تبقى غلطانة في أيه أنا مش فاهمة؟؟



التبني حرااااااام في الاسلام

هو الراجل اللي مش عايز يتجوز حر في تصرفاته و الست اللي مش عايزة تتجوز كفرت؟ بصراحة منطق غريب.

و بالمرة نفسي أوجه تساؤل للرجالة المتجوزة اللي بتهاجم الجواز, أنتوا ليه مش بتنهوا الجوازة دي؟ بجد و الله مش تريقة أنا نفسي أفهم بجد. يعني لو العشرة ما بينكم بالسوء ده و مفيش أي سعادة أو تفاهم, مستمرين ليه؟ و يا ريت محدش يقول لي عشان الأولاد لأن مش منطق أبدا ان اتنين مش طايقين بعض يفضلوا متجوزين بحجة ولادهم, رغم أن أكيد الخلافات المستمرة دي تأثيرها السلبي أفظع كتير على الطفل من الانفصال.

اية يعني نطلق ونسيب بيوتنا باللي فيها و نرحل و نرجع نعيش عند امهاتنا , ونبقى سبنا الجمل بما حمل و شقا عمرنا و كمان نسيب العيال تتربى تربية حريمي., يعني هو احنا حاننتظر اللي ماخدتش حقها في التربية الصحيحة و اتعلمت ان تراعي جوزها و تريحه في بيتة حاتربي بنتها على كدة, اكيد محدش فينا نفسة بنتة تطلع كدة و كفاية الغلب اللي احنا شايفينة

المشاركة الأصلية كتبت بواسطة shnory

فهما كانو بيتكلمو علي ستاتهم ايامهم
مش علي ستاتنا ايامنا احنا
وايامهم كان فيه مثني وثلاث ورباع وما ملكت ايمانكم
ايامنا مفيهاش الكلام ده

ايوة و زي مانا قلت الكلام دة ايام مكان كل راجل عندة 500 صرة من الدنانير و عندة بدل الست 15 من ما ملكت ايمانهم و جواري و عبيد و اللي تطبخ و اللي تنضف و اللي تغسل و اللي ترعي الغنم

و الله ياريتنا كنا في الايام دي

عالاقل الواحد يطهق من وش واحدة من اللي متجوزهم يروح لواحدة من "ما ملكت ايمانكم" و البيت فية بدل الست 15 ههههههههه

المشاركة الأصلية كتبت بواسطة lion_heart

لأن كل القوانين الحالية مع الزوجة من حضانة و شقة و نفقة يعنى خراب بس على الزوج مش الزوجة و مش كل الناس تقدر تتخلى عن الحاجات دى فبيستسلموا للامر الواقع و يندبوا حظهم فى الدنيا لا اكثر.

+1

المشاركة الأصلية كتبت بواسطة azmeralda

بتتفرجى وسايبانى ليه بس
لا فض فوكى

واسأليهم سؤال تانى ليه مبيحاولوش يلاقوا طريقة يحلوا بيها المشاكل ويحولوا الحياة التعيسة دى لحياة ولو حتى محتملة

اقولك انا لأن الراجل بيتربى على ان الست اللى هيتجوزها لازم تتنازل وتتطبع بطباعه وبالتالى هى بتخش الحياة تلاقى نجاحها متوقف عليها هى لوحدها مع انها مركب وكل واحد فى ايده مجداف لو مكنش فى تناسق لازم تغرق او على الأقل عمرها متمشى بهدؤ وف خط سير طبيعى
بس هو يتعب نفسه ليه
هى لما تبوز هينزل ويسيب البيت لحد متتربى وتعرف ان الوش الخشب بيضرها هى بس زى الأقتراحات الظريفة اللى هنا ده من باب الأمر بالمعروف والأصلاح بين الناس ده ولا ايه!

و بعدين سييهم ينصحوهم ميتجوزوش اللى بيفكر كده يبقى عمل خير فى واحدة كانت هتعيش نموذج مكرر للى بنشوفه هنا كل يوم

بصي أنا قولت الكلام ده في موضوع تاني و باكرره, الزيجة السعيدة هي اللي كل طرف فيها بيحاول يسعد الطرف التاني مش بيدور على اللي هو عايزه و بس. مفيش زوج حيكون سعيد لو هو مش مريح زوجته, و لا زوجة زوجها حيسعدها لو هو مش سعيد معاها.

الجواز شركة, عمرك شفتي شركة فيها اتنين شركا واحد بيكسب و التاني بيخسر؟؟ مستحيل, يا أما الأتنين يكسبوا يا أما الاتنين يبقوا خسرانين. 99% من الزيجات الي فيها مشاكل بيبقى الطرفين فيها غلطانين, مفيش حد عايز يحاول يرضي التاني أو يغير من نفسه عشانه أو حتى يستحمله لما يغلط. قليل قوي لما بتبقى المشاكل بسبب طرف واحد بس هو اللي فعلا متجني على التاني.

و طبعا أنا متفقة معاكي ان اللي يبقى شايف أن الجواز صراع لازم واحد يكون فيه منتصر على التاني ده أحسن له و أحسن لغيره انه ميتجوزش أبدا.

المشاركة الأصلية كتبت بواسطة lion_heart

لأن كل القوانين الحالية مع الزوجة من حضانة و شقة و نفقة يعنى خراب بس على الزوج مش الزوجة و مش كل الناس تقدر تتخلى عن الحاجات دى فبيستسلموا للامر الواقع و يندبوا حظهم فى الدنيا لا اكثر.

على فكرة أغلب القوانين اللي حضرتك و غيرك عمالين تعترضوا عليها دي حقوق شرعية للزوجة ربنا سبحانه و تعالى أقرها مينفعش نقول عليها ظلم أو خراب لا سمح الله.

و بعدين بيتهيألي الزوج اللي قاعد مع مراته بس عشان ملوش مأوى تاني غير بيت الزوجية و مش حيلاقي ياكل لو أقتطع من دخله جزء عشان النفقة ده الاٍستثناء مش القاعدة. بيتهيألي أغلب الأخوة اللي علقوا في الموضوع ده و في غيره منددين بالزواج و معلنين سخطهم التام على حياتهم الزوجية ميسوري الحال - ربنا يبارك لهم - و مش هي دي المشكلة بالنسبة لهم.

المشاركة الأصلية كتبت بواسطة adham

اسيبكم شوية الاقي الموضوع والع نار !!!



حلوة دي جديدة : خليها تعنس و جنب امها تونس



لا هو الستات متجوزانا احنا جواز متعه محسسني ان نظرتهم للرجالة دي زي دكر النحل (الدبور) كل شغلتة يلقح الملكة و بعدها تلدعه تموتة و توكلة لعيالها



ماهو احنا بس بناخد من برة الحاجات السيئة و نقول عايزين نطبقها هنا

ماسمعناش ان الستات برة طلعوا بفتوى و لا جمعيات حقوق المرأة طالبت ان الرجالة تجيب طباخ و شغالة للهانم و ان الست الاوروبية او الامريكية جابت من الانجيل و التوراة نص يقول انهم مش مفروض يعملوا الاكل لاجوازهم و لا ينضفوا البيت

تلاتة بالله العظيم احنا نستاهل اللي يجري للبلد دي , دى الستات الاجانب نعمه عن الانتاج المحلي اللي بيتأمر و بيتنفسن كمان على اسس المعيشة و الاسرة و مش عايزين يعملوا اكل لولادهم و اجوازهم والله لو الستات برة يسمعوا اللي انتوا بتطالبوا بية لايقولوا عليكم مجانين واعداء الدين ياخدوا الكلام و يحتسب عالدين الاسلامي زي ما هم ما بيصدقوا يلاقوا اي كلام يشنعوا بية



يا عم شوفوا الستات برة في اوروبا و امريكا الطبقة المتوسطة و الغنية (ماعدا الاغنياء غنا فاحش و عايشين في قصور) مايعرفوش حاجة اسمها طباخ و لا خدامة و كل ست يوم اجازتها بتنفض البيت من اولة لأخرة و هي اللي بتتطبخ لجوزها و ولادها و لا يمكن تقبل تجيب خدامة و تدخلها بيتها و تخليها تعمل الاكل لولادها و انتوا يا ستات مصر اللي لسة عايشين ايام شجرة الدر



اية يعني نطلق ونسيب بيوتنا باللي فيها و نرحل و نرجع نعيش عند امهاتنا , ونبقى سبنا الجمل بما حمل و شقا عمرنا و كمان نسيب العيال تتربى تربية حريمي., يعني هو احنا حاننتظر اللي ماخدتش حقها في التربية الصحيحة و اتعلمت ان تراعي جوزها و تريحه في بيتة حاتربي بنتها على كدة, اكيد محدش فينا نفسة بنتة تطلع كدة و كفاية الغلب اللي احنا شايفينة




ايوة و زي مانا قلت الكلام دة ايام مكان كل راجل عندة 500 صرة من الدنانير و عندة بدل الست 15 من ما ملكت ايمانهم و جواري و عبيد و اللي تطبخ و اللي تنضف و اللي تغسل و اللي ترعي الغنم

و الله ياريتنا كنا في الايام دي

عالاقل الواحد يطهق من وش واحدة من اللي متجوزهم يروح لواحدة من "ما ملكت ايمانكم" و البيت فية بدل الست 15 ههههههههه



+1

يا سيدي يا ريت تهدى شوية و متعصبش نفسك, احنا بنتناقش مش بنتخانق.

موضوع خدمة الزوج ده موضوع مختلف عليه بس جمهور العلماء قالوا انه تطوع من المرأة مش واجب عليها, الكلام ده في فقه المذاهب الأربعة مش فتوى من الدعاة الجدد و لا احنا بنألف لاسمح الله. و بعدين ما أهو 90% من الستات بتعمل كل حاجة في البيت حتى اللي بيشغلوا و يساعدوا في المصاريف مقولناش حاجة. بس ميبقاش كمان فيه أمارة و عدم تقدير!! كل اللي بنقوله حاول تقدر تعبها بكلمة حلوة و لا شكر و حاول تراعيها لو قصرت شوية في يوم من الأيام.

يا أخي في أوروبا و أمريكا اللي حضرتك بتتغنى بيهم دول الرجالة و الستات و الأبناء كمان بيقسموا شغل البيت عليهم مش الست اللي بتعمل كل حاجة لوحدها.

و بعدين يا أخي الكريم و هو الراجل لو ماطلقش مراته مش هي اللي حتربي أولاده برضه؟؟ المفروض ان الأختيار من الأول يكون أساسه الأخلاق عشان حتى لو ماستمرش الزواج يكون متطمن على اولاده.

و بعدين حضرتك ليه متصور انك لو في الأيام اللي بتتكلم عليها دي كان حيبقى عندك جواري؟؟ مهو حضرتك في وقتنا ده مش قادر ماديا على أجرة الخدم يبقى برضه أيامها مكنتش حتقدر تتملك جواري لأن كل انسان ليه رزق محدد عند ربنا سبحانه و تعالى مش مسألة عصر. زي ما فيه في أيامنا ناس عندها خدم و حشم و ناس لأ, برضه أياميها كان فيه ناس عندها عبيد و جواري و ناس لأ.

أخيرا أدعو الله ان يهدينا جميعا لأزواجنا و يهدي أزواجنا لنا.

المشاركة الأصلية كتبت بواسطة dr-mohamed

هقول زي ما شنوري قال قبل كدة ومعجبش الستات
يا ريت تراجعوا الدين كويس وتعرفوا حقوق الزوجين المتبادلة وحقوق الزوج وحقوق الزوجة قبل ما تتكلموا
علشان فيه حقوق كتير جدا للزوج غير مطبقة لازم الزوجة تلتزم بيها الاول علشان تستحق حقوقها زي الاخت اللى بتقول ان الزوجة غير ملزمة بخدمة زوجها

يا سيدي ما أختلفناش, لازم كل طرف يراعي حقوق التاني بس ماجيش أنكر حق من حقوق الطرف التاني عشان مش على هوايا و لا يصح الناس تستنكر كلام جمهور العلماء أقره. بالعكس لما كل طرف يبقى فاهم حقوق التاني كويس حيبقى مقدر شريك حياته كويس. و بعدين كل الأعتراضات دي عشان ازميرالدا بتقول انه الزوج يشكر مراته على خدمتها ليه؟؟؟ و للدرجة دي صعب قوي ان واحد يقول كلمة حلوة لمراته؟؟