الموضوع: زيت فتيس الياريس

متابع ................

مممممم فى عندك نوعين للقياس فى عصايه مستوى زيت الفتيس
فى قياس فى حاله العربيه وهيا بارده اول ما تنزل الصبح وتدور
وفى قياس فى حاله العربيه لما تكون راجعه من مشوار وسخه
نيجى للشائع ان العربيه تكون راجعه من مشوار وسخنه

1- افتح الكبوت
2- شد الهاند اجمد
3- اعمل على المارشدير r
4-سيب العربيه وانزل روح للكبوت ( كل دا والماتور شغال وانتا شادد الهاند وعامل مارشدير )
5- هتلاقى عصايه طرفها برتقالى غامق تحت البطاريه كدا دى بتاعت الزيت شدها وماتقلقش مش هتطرطش زى زيت الماتور
6- هتلاقى فى 4 علامات محفوره على العصايه اتنين قريبين من بعض واتنين قريبنين من بعض ومابينهم مسافه
7-العلامتين الاتنين الى فوق ( لما يكون راس العصايه لفوق البرتقالى ) لو الزيت مابينهم يبقى المستوى تمام
8- لو الزيت اعلى منهم يبقى ازيد من الازم ولازم تقلله ولو الزيت اقل من العلامتين دول يعنى فى المسافه الكبيره الى مابين العلامتين الى فوق والى تحت يبقى ناقص جدا ولازم يتزود
9- نفس الحركه تعملها لو عايز تقيس الصبح والعربيه بارده اول ما تدور بس هتبص على العلامتين الى تحت

المشاركة الأصلية كتبت بواسطة BLOODY_STONE

احنى نشد الهاند عشان العربية متمشيش لما تعشق r
طب في المانوال؟

مظبوط شد الهاند كويس وتعشق على r علشان ماتمشيش
بالنسبه للمانيوال
مش بتحتاج تكشف على الزيت بتاعه ماتقلقش مش هينقص الا لما تفك الطبه وتنزل الزيت او تعمل شغل فى الكبالن او الدبرياج
بس على العموم عندك طبه تحت العربيه بتفكها وتحط ايدك لو لمست الزيت يبقى مظبوط لو ما لمستهوش يبقى ناقص ومحتاج يتزود بس للنصيحه ماتلعبش فى زيت بلادها ولا تغيره

المشاركة الأصلية كتبت بواسطة yarisawi

تمام كده بس انا عربيتى مانوال

كان مفروض تحدد من الاول يا باشا على العموم مش مشكله
بص اقولهالك من الاخر لو عربيتك مانيوال ماتكشفش على الزيت خالص ولا تلعب فيه دا بتاع بلادها وعمرك ما هتلاقى زيه
الا لو اضطريت وعموما لو هتغير وخلاص لعبت فى دماغك تغير الزيت غيره على طول وماتقيسهوش
يعنى خلاصه الحوار مافيش مقياس لزيت المانيوال لانه مش هينقص بازن الله