الموضوع: .. المقابله الثانيه لأعضاء قسم شيفروليه ..

المشاركة الأصلية كتبت بواسطة aymanmaly

استاذ حسام
تعالى نتفق مبدئيا ان الاختلاف فى الرأي لا يفسد للود قضية ( صح ؟ )
احنا فى منتدى ديمقراطى و رأي الاغلبية لة الغلبة
و المنتدى قائم على مجموعة من الاعضاء فعالين يعنى اذا المجموعة دي زهقت من عدم تنفيذ رغبتها هيبقى فية مشكلة تفاعل فى المنتدى او القسم
و طبعا اتعمل موضوعين لتحديث القسم و احد انا الى عملتة و واحد ابو يحي عملة و اية الى حصل تجاهل تام للموضوعين
طيب نعمل اية علشان نحدث القسم نتواصل مع الادارة طب هانتواصل اذاى؟
تم عمل موضوع فى قسم الطلبات و لم يتم الرد بردة
طب لازم نتأكد احنا عايزين نحدث لية ؟
علشان احنا بنحب هذا المنتدى و بنعتبرة حاجة مهمة
طيب الحل اننا نجد وسيلة اتصال بالمنتدى
طب هانجيب الوسيلة اذاى
انت زكرت انك ماكنش ليك علاقة بكريم قبل كدة و لما تقابلت معاة او كلمتة علشان الشمسات شكرت فية جدا رغم انك ماكنتش تعرفة قبل كدة يعنى الرجل محترم و متعاون
يبقى الحل نعزمة على المقابلة الثالثة وناخذ منة وعد انة يساعد فى تلبية رغبات اعضاء القسم بالطريقة الى نشوفها جيدة وطبعا مش معقول هانقول و نتوقع الى هايقولة قبل ما نسمعة .( مش كدة؟ )
طيب المشكلة ان حتى المقابلة ممكن مانكونش رسينا على رأي فى التطوير
يبقى نستغل المقابلة فى اخذ الاصوات بطريقة ديمقراطية على الاقتراحات و رأي الاغلبية يمشى
كدة مضبوط ؟

اولا بلاش حكاية أستاذ حسام دى عشان حضرتك عارف انى أصغر منك بكتير :)

الاختلاف فى الرأى لا يفسد للود قضيه أكيد

بس اسمح لى اوضحلك حاجه من خلال خبرتى المتواضعه فى المنتدى اللى بقالها اكتر من سنتين

حضرتك قولت انك عملت طلبين ومحدش رد

ممكن يكون الموضوع محدش شافه من المختصين بالرد على الاستفسارات

او ممكن يكون الطلب تاه وسط مواضيع كتير

ممكن يكون الغرض من الموضوع مكنش واضح

ممكن يكون الطلب مش مناسب انه يتنفذ فى الوقت الحالى

طبعا فى كل الاحوال كان لازم يكون فى رد سواء بالقبول او الرفض , بس برضه لازم نلتمس العذر لان الضغط على المنتدى كبير واعضاءه عددهم كبير

فاحنا نعمل على علينا ونكرر طلبنا أكتر من مره لحد ما نتأكد ان اقتراحنا وصل وبيتم بحثه وامكانية تنفيذه من عدمه

دا بالنسبه لموضوع الطلب

بالنسبه لموضوع أ/كريم

زى ماقولت الراجل متعاون وحابب يساعد الجميع

بس مش معقوله فى كل كبيره وصغيره هانكلمه

عشان كدا انا قولت ان افضل وسيله اتصال بالمنتدى والمشرفين والاداره

هى تقرير المشاركه , وقسم الاقتراحات

من خلال الحاجتين دول باطلب كل اللى انا عايزه وبيتعمل من ساعت مادخلت المنتدى وعمرى ما حاولت أكلم أ/ كريم منير قبل كدا

وطبعا ان شاء الله هاعزمه على المقابله

وفى النهايه عايز أوضح نقطه أخيره

كل الكلام اللى انا قولته مش مجرد رأى شخصى وبس , دا النظام اللى ماشى بيه المنتدى وانا عرفته من خلال متابعتى للمنتدى وأقسامه على مدار الفتره اللى فاتت

أرجو انى اكون وضحت وجهة نظرى

عمده الصوره انا لسه بحاول افهمها بس متقلقش حوصل ان شاء الله

حسام اخويا
بص سياده العميد علي الرغم من انه اكبرنا سنا لاكن الراجل تحسه تقدر تقول ديناميكي عنا وده عشان تجارب سنه بتقوله ان اللي ممكن يتعمل بكره احسن من اللي يتعمل بعدين مادام الفرصه موجوده .
ثم لما يتم توجيه نظر الاشراف في المنتدي لحاله الحراك الايجابي اللي يشهداها القسم بقاله اهه اكتر من شهرين او ثلاثه ويتم التفاعل من قبلهم بالايجاب او السلب لتوجيه الافكار وبلورتها وده كله بيصب في خدمه المنتدي صح ولا انا كلامي مش مضبوط .
انت مش واخد بالك من حاجه شوف الموضوع ده مفتوح بقاله ايه وفيه اقتراحات ممكن نتفق او نختلف عليها مفيش اي تعليق جانب الاداره عليها بطريقه تحسسك بالاحباط بجد انا والله حاسس بكده فين التشجيع عشان الناس تتطلع الحاجات الحلوه اللي جواها .
علي فكره ممكن سياسه المنتدي كده من ناحيه الاشراف وانا بحترمها لاكن برضه اللي احنا حسينه وبنطلبه ده حاجه مش غريبه وخصوصا انها موجوده في عالم المنتديات من زمان واحنا كاعضاء اتعودنا عليها .
انا عايز احس بدور مشرف القسم اكتر من كده مش مهم مين هوه لاكن المهم انه يكون موجود في المشاركات الايجابيه قبل السلبيه مش عايز اشوفه في المشاكل فقط .
الاستاذ كريم دوره مفيش حد يقدر ينكر دوره في المنتدي وعارفين مشاغله ويمكن عشان كده عايزين نقابله يفهمنا ونفهمه يعرفنا ونعرفه نتبادل معاه الافكار الخاصه بقسمنا وبالمنتدي بصفه عامه .
اعتقد بكده اكون اوضحت اغلب اللي احنا بنفكر فيه وعايزين نقوله .
شكرا