الموضوع: .. المقابله الثانيه لأعضاء قسم شيفروليه ..

سيادة العميد
بما أن حضرتك حاطط صورة البرت أينشتاين واللى عمل نظريات كتير جداً وأشهرها بلا شك نظرية النسبية واللى إستفاد بيها أوبي دايم أيزنهاور ، وعملوا القنبلة الذريه الأولى.
ممكن حضرتك تبلور أفكارك في شكل نقط محددة علشان عند العرض على الإداره تكون الإجابات قاطعة ، وأعتقد ان الشباب اللى فى المنتدى عليهم حمل كبير ومشكورين جداً على مجهوداتهم الجباره دى أعني المشرفين ، لكن (جنه من غير ناس ما تنداس ) لإن قوة أى مكان هى بالقوة البشرية اللي فيه ومجال المنافسه كبير جداً - مثلاً لا حصراً - مشاركات زى الأستاذ المحترم بجد / حسام أوبتراوى وغيرو ومش عاوز انسى حد انا بقول مثلاً ، الناس اللى واخده الموضوع على محمل الجد رغم انه نت ومنتديات يعنى عند الشخص العادى (تضييع وقت ) لكن كمية المعلومات والمشاركات مؤثرة جداً وكما جاء في النص القرآني - لو شئت لإتخذت عليه أجرا- لإن اللى إحنا بنستفيده من المنتدى يسمى بالدعم الفني وده بفلوس أعتقد إنطلاقاً من - خيركم من تعلم العلم وعلمه - ولا يبخلوا على أي حد بأي معلومه ، أنا عن نفسي عرفت المنتدى إني كنت بأعمل بحث عن معلومه ومحرك البحث عرضها من مشاركات المنتدى ولما إستفدت منها قررت أني اشترك فية علشان استفيد وأفيد طبعاً استفيد اولاً : لإني جديد في المجال فمن المعطيات البسيطه ديه اعتقد أننا ممكن نستزيد من الخير وفعلاً نرفع من مستوى المنتدى مش بين المنتديات المنافسه بس لكن ممكن يكون لنا كلمه فاعله فى مجال تجارة السيارات في مصر وتشير المجلات المتخصصه الى قبول منتدى نايل موتورز مثلاً لسياره معينه او إعتراض على أسعار او إستعانة بعض التوكيلات فى مصر بالمنتدى لتقييم آداء موظفيها او مراكز الصيانه أو حتى تجارب القيادة للموديلات الجديده ، ومن الواضح أن المنتدى يملك المؤهلين للأدوار ديه لكن المهم التنظيم .
هوه ده الشئ او المكون اللى ممكن يركب الموضيع دى كلها مع بعض زى برنامج التشغيل للكمبيوتر .

الموضوع كبر اوي و انا مش موجود

سيادة العميد أينشتاين
آسف سيادة العميد أيمن

البروتوكول اللى حضرتك وضعته أعتقد أنه مناسب وكمان سهل التنفيذ ، يعنى قبل اللقاء بإذن الله تتعمل أجنده بالنقاط المطروحه للنقاش وتعرض على الأعضاء الكرام قبل اللقاء بموعد كافي ويتعمل نوع من التصويت لإختزال النقاط الى عدد محدود لسهولة المناقشة والعرض وبعدها فى الإجتماع ممكن جمع توقيعات على الطلب المقدم لإدارة المنتدى لإن المنتدى يتبع قوانين وليست دساتير (القوانين تغير اما الدساتير فلا - لتغيرها يجب القيام بثوره) فلذا يمكن التغير ، كما أن المنتدى لايجب ان يكون فرد فى قطيع بل يجب ان يكون قائد ، فإذا كانت سياسة المنتديات الأخرى تتبع قوانين محددة فهى كما نرى فى مواقع متزيله الترتيبات العالميه - إذا كان لها ترتيب أصلاً - اما رواد التغيير فهم فى عليائهم وإسمح لى أقتبس كلمه من كلماتك
Some men see things as they are and say WHY?
But I Dream With Things That never were and say WHY NOT

أستاذى العزيز / أيمن ، أخوتى الأعزاء / محمد عرفه وحسام أيمن ( الفنان )

إيه الكلام الكبير ده كله ......

يا جماعه الغرض الوحيد من إقتراح ( ترشيح مشرف من قسمنا ) هو سرعة التفاعل مع المواضيع وإتخاذ القرارات اللازمه نحو تطوير وتنظيم القسم . ليس أكثر ولا أقل " على حسب فهمى "

أنا حاسس إن لو واحد من المشرفين شاف الكلام الكتير إللى مكتوب ده ، ح يقبضوا علينا بتهمة قلب نظام الحكم ( إدارة القسم )

يا جماعه محدش إتهم أى واحد من المشرفين بالتقصير لا سمح الله ، الموضوع أبسط بكتييييير من كده ، إحنا عايزيين مصلحة المنتدى وقسمنا ( شيفروليه ) بالتحديد .

المشاركة الأصلية كتبت بواسطة aymanmaly

باسم باشا
ليا عتاب كان فية رسالة هاتيجى على الخاص و انت نسيت تحطها فاكر ولا ناسى
( ان كنت ناسي افكرك )

والله يا أستاذ / أيمن بعتها من ساعة مـ كتبت موضوع المقابله التانيه ، وبعتها لحضرتك وكل الأعضاء ، بس برضوا ح أبعتها لحضرتك تانى .

المشاركة الأصلية كتبت بواسطة aymanmaly

انت متأكد ان الكلام دة بتاع Albert Einstein
الى اتولد 14 مارس 1879 و مات 18 ابريل 1955 و من اهم نظرياتة النسبية و كان فزيائى و فيلسوف و كان من المانيا
و ترجمة الكلام
يَري بعض الرجال الاشياء كما هى و يقولو لماذا
لكنى احلم بالاشياء التي لم تكن موجودة و اقول لم لا ( بعتزر على الترجمة اصل انتم عرفين انا ابتدائية قديمة )
ولا اعرفة مين اينشتاين دة ؟
ياعم انت فاهم غلط خالص دة واحد شبهه صورتة عجبتنى قلت احطها
تفتكر هو ؟
ابن اللزينة وحطة قدامى كل دة و مايقوليش الكلام الجامد دة
طب عقابا لية هاخلية متعلق كدة

عندك حق يا باشا دا كان George Bernard Shaw

واضح ان الزهايمر دخل الدنيا في بعضها علشان طول ما قاعد بفكر في الأجازه عندى اجازه لمدة 3 ايام من بكره بمناسبة اليوم الوطنى ومش عارف اعمل فيها ايه ( مكه ولا الطائف ولا ابها ) لكن بجد على المعلومات عن أينشتاين انا معلوماتى عنه مش بالعمق ده.
اما عن الصوره فأعتقد ممكن يمشى احمد فؤاد نجم وهو هيبي سبيعناتي