الموضوع: حساس الاكسجين ..... ارجو المساعده

معلهش يا عمرو باشا انا كل موضوع ليك اروح داخل فى مشكلتى انا بعد اذنك أصلى ما صدقت لقيت باشمهندس سمير
ازى حضرتك يافندم بعد التحية انا فكيت الموتور خالص عشان العربية كانت بتحرق زيت جامد خلصت كمية ال10000 فى 5000 كيلو و اسود محروق المهم قالولى فى التوكيل العربية بتسرب من الشنابر رحت فكيت الموتور لقيت الشمايز كويسة و تمام بس لسة ما فتحتش وش السلندر أفتحه ولا لأ أصل فى ناش خوفونى منه و قالولى الميكانيكى مش هايعرف يقفله سألت مهندس فى التوكيل قاللى العربية ليها اسبيشيلات زى انهو صمام يفتخ الأول و توقيت الكامة و كدة هاتلاقيه مش عارفها و ها يبوظلك الموتور ايه رأى حضرتك أعمل ايه؟

انت ممكن تنضفه بس احسن لك انك تغيره و خلاص انا العربية كانت قارياه و غيرته ما فيش فايدة و فى الأخر طلعت فيشته ملمسة فى الارضى !!

المشاركة الأصلية كتبت بواسطة dr. Halawa

قالولى فى التوكيل العربية بتسرب من الشنابر رحت فكيت الموتور لقيت الشمايز كويسة و تمام بس لسة ما فتحتش وش السلندر أفتحه ولا لأ أصل فى ناش خوفونى منه و قالولى الميكانيكى مش هايعرف يقفله سألت مهندس فى التوكيل قاللى العربية ليها اسبيشيلات زى انهو صمام يفتخ الأول و توقيت الكامة و كدة هاتلاقيه مش عارفها و ها يبوظلك الموتور ايه رأى حضرتك أعمل ايه؟

ازاي فكيت الموتور و لقيت الشمايز كويسة و حضرتك مافتحتش وش السلندر, الشمايز ما مبتبانش الا لما وش السلندر يتحل

و مافيش حاجة اسمها انهو صباب يفتح الاول, الكامه هي اللي بتفتح و تقفل الصبابات, انما مافيش حد بيشوف انهو صباب يفتح الاول و للا التاني, ركب الكامة و هي بتلف بتفتح الصبابات و تقفلها, و التقسيمة واحدة في كل العربيات ال 4 سلندر

و بيبقى فية زنبة في ترس الكامة و زمبة في ترس الكرنك بيضبط عليهم التقسيمة, و قبل ما يدول يلف الموتور لفتين من طنبورة الكرنك و بالتالي حايبان ان كانت مقسمة مضبوط و للا لأ, لو متقسمة غلط حاتدقر و مش حاتلف

المشاركة الأصلية كتبت بواسطة Dr. Halawa

معلهش يا عمرو باشا انا كل موضوع ليك اروح داخل فى مشكلتى انا بعد اذنك أصلى ما صدقت لقيت باشمهندس سمير
ازى حضرتك يافندم بعد التحية انا فكيت الموتور خالص عشان العربية كانت بتحرق زيت جامد خلصت كمية ال10000 فى 5000 كيلو و اسود محروق المهم قالولى فى التوكيل العربية بتسرب من الشنابر رحت فكيت الموتور لقيت الشمايز كويسة و تمام بس لسة ما فتحتش وش السلندر أفتحه ولا لأ أصل فى ناش خوفونى منه و قالولى الميكانيكى مش هايعرف يقفله سألت مهندس فى التوكيل قاللى العربية ليها اسبيشيلات زى انهو صمام يفتخ الأول و توقيت الكامة و كدة هاتلاقيه مش عارفها و ها يبوظلك الموتور ايه رأى حضرتك أعمل ايه؟

يادكتور دا انت منور الموضوع والله وبعدين اعتقد انت المشكلتين بتوعنا متشابهين يعني المصلحه واحده

المشاركة الأصلية كتبت بواسطة samirayad

برافو عليك

عموما

أنا برضه شاكك فى الرشاشات زيك

ولهذا السبب

يفضل أنك تنظف الرشاشات وتركب فيشة الحساس الحالى

طالما هو مش مسجل معاك خطأ على جهاز كشف الأعطال (الأسكانر ) قبل فصل الفيشه حاليا

وتشوف الوضع الجديد عامل أيه

هندسه فينك من زمان والله القسم مضلم من غيرك
وانا والله كنت مستنيك يا باشا

انا بعد ماغيرت الشنابر والذي منه ولينت وضبط التاكيهات

العربيه ادائها ماختلفش اوي بس اقصي سرعه زادت كتير

المهم العربيه لسه بتحرق زيت مش عارف ليه
انا قلت امشي بيها ال3000 كم بتوع الغيار واشوفها حرقت اد ايه
هيا دلوقتي مقربه عال2500 وحرقت ربع لتر ( 5مم عالمقاس ) تقريبا
اه مش زي الاول بس المفروض انها ماتحرقش خالص

وعايز قبل ما ارجع للميكانيكي اعرف التقصير فين علشان اعرف احاسبه
الراجل غير الشنابر وكاوتش الصباب وكل الاويل سيلات والجوانات اللي فالسكه

اعتقد ان كبس البساتم اتحسن كتير ( وده راجع لان اقصي سرعه زادت )

سؤالي لحضرتك الراجل ده لما اروحله ويكشف المفروض يكشف ازاي بالضبط علشان يعرف العيب فيين ؟؟
وده طبعا عايز اعرفه علشان مايكروتنيش ويفتح معايا شغل وانت عارف حركاتهم
وهل فيه طريقه اعرف انا بيها العيب منين ؟؟

بالنسبه لموضوع الترتيله بتاعت حساس الاوكسجين

عايز اتخيل سيناريو مع حضارتكم كده

العربيه كانت بتحرق زيت فده رسب رواسب لزجه عالحساس بوظته
بالتالي نفس الرواسب دي هتدخل تسد علبة البيئه وتبوظ مع الوقت
ولو لغيت علبة البيئه العربيه هتدخن من ورا لانها كانت بتفلتر الدخان

يبقي بنرجع لنفس المشكله الاولي وسبب المصايب حرق الزيت
مشكله لازم تتحل ولا ايه رايك
هل نسبة الحرق كدا قليله ممكن ماتسببش المشاكل اللي بتكلم فيها دي ؟؟
وفي انتظار ردكم الكريم

المهم العربيه لسه بتحرق زيت مش عارف ليه

ده مش حلو الصراحه

المفروض طالما غيرنا شنبر

ميبقاش فيه كلام من ده

وهنا غالبا الميكانيكى مكشفش صح على غرف الحريق من الداخل

مجرد أنه رص الشنابر على البساتم وركب

كعادة الميكانيكيه بتوعنا

والمفروض تعمل أختبار كبس علشان تطمن على حبك غرف الحريق

فعلا هوا عمل كده رص الشنابر عالبساتم وركب
هوا بس نضف الشمايز بالبنزين علشان عان عليها كربون محروق من اولها وبسمك حوالي ٥مم كده وبعدين وراني ان الشمايز مش عامله عتب وقاللي حالتهم تمام
وبعدين ركب وقفل وقاللي كده تمام التمام
هل لما اقيس كبس البساتم لازم يكون ١٠٠ ٪ ؟؟

المشاركة الأصلية كتبت بواسطة amrmaismail

فعلا هوا عمل كده رص الشنابر عالبساتم وركب
هوا بس نضف الشمايز بالبنزين علشان عان عليها كربون محروق من اولها وبسمك حوالي ٥مم كده وبعدين وراني ان الشمايز مش عامله عتب وقاللي حالتهم تمام
وبعدين ركب وقفل وقاللي كده تمام التمام
هل لما اقيس كبس البساتم لازم يكون ١٠٠ ٪ ؟؟

الشمايز مابيبقاش ليها كربون اساساً لان البستم بيحتك احتكاك كامل بداخلها اثناء الشغل,

اللي بيبقى عليها كربون وش البساتم (قاعدة البستم) و غرف الحريق و الصبابات انما الشمايز مايبقاش عليها اي كربون الا من اول الشميز من فوق , الجزء الذي لا يطولة البستم في مشوار شغلة




العربية و هي زيرو كبس موتورها بيبقى 88 - 89 %