حساس الاكسجين ..... ارجو المساعده

**amrmaismail** · 03-10-2010 03:09 PM

ادهم باشا انا عايز اشكرك جدا علي اهتمامك ومتابعتك ونصايحك الغاليه

المشاركة الأصلية كتبت بواسطة adham

انما الشمايز مايبقاش عليها اي كربون الا من اول الشميز من فوق , الجزء الذي لا يطولة البستم في مشوار شغلة

فعلا هو ده الجزء اللي انا قصدي عليه وقلت سمكه حوالي ٥ مم والميكانيكي مسحه عادي بقماشه وبنزين وقاللي لو الشمايز فيها حاجه كان لازم الاقي شفه عاليه عند آخر الشميز وكده يبقي الشميز تمام وعايزين طقم شنبر فقط

المهم انا روحتله امبارح علشان يكشف تاني كويس ويشوف فيه ايه
كبس الموتور ٨٥ ٪ ( روحت قيسته عند واحد تاني )
العربيه مابتجيبش دخان من ورا ولا من الخرطوم اللي عالعمه ( بس برده هيا الاول ماكانتش بتجيب دخان )
مافيش اي تسريب زيت من اي مكان ( انا نزلت تحتها وشوفت بنفسي )

قولتله ماليش دعوه انا اللي اعرفه اني آخدها مش بتنقص زيت وشغلتك انت تعرف منين
قاللي كده لايمكن تكون بتنقص وريني نقصت ازاي
رحت رافع المقاس ووريته نقص من فين لفين
ضحك وقاللي ده عادي لازم تكون فيه نسبة بخر والكميه اللي ناقصه حوالي ربع كيلو في ٣٠٠٠ يعني ولا حاجه
انا قولتله لأ اللي ناقص اكتر من ربع كيلو
قاللي طب نزود ونشوف ناقصها قد ايه
وزودنا طلع اللي ناقص اقل شويه من نص كيلو حوالي ٣٥٠ -٤٠٠ ملليلتر

المهم انه مصر ان العربيه تمام وزي الفل وان النقص ده معدل طبيعي جدا
وهيروح في الشتاء او اني استعمل زيت لذوجته اعلي
وانا مش عارف الصرحه ادور تاني والف عالميكانيكيه ولا كلامه مضبوط ؟؟

**Adham** · 03-10-2010 04:37 PM

طبيعي ان بعد فك الموتور و تنضيف البساتم و تركيب شنابر جديدة و عمل تجليخ و رودية للصبابات ان العربية تاكل شوية زيت لغاية ما تربي كربون "تشربن" تاني عالبساتم و الصبابات

يعني اصبر شوية و ان شاء الله حاتلاقي استهلاك الزيت راح

**Adham** · 03-10-2010 04:37 PM

طبيعي ان بعد فك الموتور و تنضيف البساتم و تركيب شنابر جديدة و عمل تجليخ و رودية للصبابات ان العربية تاكل شوية زيت لغاية ما تربي كربون "تشربن" تاني عالبساتم و الصبابات

يعني اصبر شوية و ان شاء الله حاتلاقي استهلاك الزيت راح

**Adham** · 03-10-2010 04:48 PM

سؤال

هو فية بخار زيت طالع من الفايظ و للا الفايظ نضيف تماماً؟؟

و هل حضرتك غير زيت بعد طقم الشنبر و للا لأ ؟؟ و اية الشغل اللي عملتة في الصبابات ؟؟

ياريت توضح صورة كاملة

**Dr. Halawa** · 03-10-2010 11:45 PM

انا بالنسبة لعربيتى صوتها وطى خالص و التنتيشة اللى كانت مجننانى راحت الحمد لله بس الغريب ان برده عداد الاربى ام اول ما اشغل العربية بيطلع و ينزل برده الظاهر لازم أغير حساس الاكسجين برده

**Dr. Halawa** · 03-10-2010 11:49 PM

http://www.bosch-lambdasonde.de/en/d..._catalogue.pdf
لو عايز تعرف رقم حساس شكمان عربيتك بالضبط ها تلاقيه فى الملف ده

**amrmaismail** · 04-10-2010 10:37 AM

المشاركة الأصلية كتبت بواسطة adham

سؤال

هو فية بخار زيت طالع من الفايظ و للا الفايظ نضيف تماماً؟؟

و هل حضرتك غير زيت بعد طقم الشنبر و للا لأ ؟؟ و اية الشغل اللي عملتة في الصبابات ؟؟

ياريت توضح صورة كاملة

اشكر سيادتك مره تانيه علي الاهتمام والمتابعه

هوا مافيش بخار زيت من الفايظ ( الخرطوم اللي طالع من العمه ورايح لفلتر الهواء ) مش بيطلع حاجه ولما بزود بنزين جامد من البكره بيطلع هواء جامد بس مالهوش لون بس الخرطوم نفسه من جوه مش ناشف لآ ناعم او مزيت بس بتمسحه بمنديل مش بيطلع حاجه

انا حطيت زيت وغيرته بعد التليين ( ساعتين العربيه دايره عند الميكانيكي ) وبعدين مشيت بيها ٢٠٠ كم وغيرت زيت تاني مشيت بيه لدلوقتي ٢٧٠٠ كم ونقص حوالي ١/٢ ك من ال٣.٥ بتوع العربيه

الصبابات غيرت كاوتش الصباب والميكانيكي نضف من عليها الكربون( بس ماجلخهاش عند خراط) وبعدين عمل روديه

**amrmaismail** · 04-10-2010 10:41 AM

المشاركة الأصلية كتبت بواسطة dr. Halawa

http://www.bosch-lambdasonde.de/en/d..._catalogue.pdf
لو عايز تعرف رقم حساس شكمان عربيتك بالضبط ها تلاقيه فى الملف ده

الف شكر يا دكتور علي المساعده
وليا سؤال حساس الشكمان جبته منين وسعره كام لأني مش لاقيه عند بتوع قطع الغيار
موجود عند بتوع الاستعمال ب ٢٥٠ جنيه بس انا مش عايز اشتري مستعمل
واعتقد انه مش مرتبط بنوع العربيه خالص ولا إيه ؟؟

**Adham** · 04-10-2010 12:09 PM

المشاركة الأصلية كتبت بواسطة amrmaismail

اشكر سيادتك مره تانيه علي الاهتمام والمتابعه

هوا مافيش بخار زيت من الفايظ ( الخرطوم اللي طالع من العمه ورايح لفلتر الهواء ) مش بيطلع حاجه ولما بزود بنزين جامد من البكره بيطلع هواء جامد بس مالهوش لون بس الخرطوم نفسه من جوه مش ناشف لآ ناعم او مزيت بس بتمسحه بمنديل مش بيطلع حاجه

انا حطيت زيت وغيرته بعد التليين ( ساعتين العربيه دايره عند الميكانيكي ) وبعدين مشيت بيها 200 كم وغيرت زيت تاني مشيت بيه لدلوقتي 2700 كم ونقص حوالي 1/2 ك من ال3.5 بتوع العربيه

الصبابات غيرت كاوتش الصباب والميكانيكي نضف من عليها الكربون( بس ماجلخهاش عند خراط) وبعدين عمل روديه

لا كدة تمام و كويس انك غيرت الزيت مع التليين, الله ينور

بس هل انت متأكد ان مافيش اي رشح زيت من جوان التاكيهات او جوان الكارتيرة او اي اويلسيل في البلوك ؟؟؟

لو كدة يبقى اصبر عليها شوية لغاية ماتربي كربون "تشربن" تاني في غرف الحريق بدل اللي راح مع الفك و التنضيف و ان شاء الله نقص الزيت حايمنع, بس ماتقرصش عليها خالص دلوقتي

عايز تخلص الموضوع اسرع, حط البوجيهات القديمة, و خللي الميكانيكي يحط شوية زيت موتور (نقط) من فتحة البوجيهات و هو بيركبها, وبعدين دور العربية ربع ساعه سيلانسية

و بعد كدة فك البوجيهات القديمة و ركب الأصلية "الجديدة" تاني

**amrmaismail** · 04-10-2010 01:29 PM

انا الصراحه قرصت عليها مرتين كدا علي طريق الساحل بس بعد ما لينت ١٠٠٠ كم مشيتها علي ١٨٠ ٣ دقايق كده علشان كنت عايز اطمن ان كبس الموتور اتحسن بس في العادي مش بعمل كدا وعايزك تشرحلي ازاي تربي كربون يعني لو مش هاتقل عليك اصل انا فاكر ان الكربون ده حاجه مضره وهل ٣٠٠٠ كم بعد العمره ماتكونش لسه ربت كربون ؟