الموضوع: ايه هو التصرف الصحيح في حالة ان العربية عومت ؟

المشاركة الأصلية كتبت بواسطة frozenfire

إيه يارجالة في إيه؟
الدكتورة بتقول لكم ملف على 180 وكمان راكبة 206 مش بورش ولا فيراري يعني.
وكمان بتقولو لها إزاي تتحكم في العربية على السرعة دي.
ياجماعة طب على الأقل ناخد بالإعتبار زي ما بتقولوا كين بلوك.
الراجل راكب سوبارو هو معدلها عشان ياخد بيها دريفتات يعني مش عفشة عادية. غير كده وده الأهم إنه بيعمل كده في تراك مخصص ليه هو بس. عارفين يعني إيه هو بس.
مش معنى هو بس إن ما فيش حد غيره بيبقى في التراك. لأ. معناه إنه مش حيخبط حد لو ما قدرشي يتحكم في العربية أو لأي سبب من الأسباب الخارجة عن الإرادة.
ياجماعة أنا كنت زيكم كده لحد ما ربنا كتب لي عمر جديد بعد حادثة ماكانشي ليا أي ذنب فيها ولكن المشكلة كانت إني لو كانت سرعتي مش عالية (كنت على 120 على فكرة بمرسيدس مو 96 مش 180 ب 206) كنت قدرت أتحكم في العربية وأتجنب الحادثة.
وبعدين السيد اللي بيقول قضاء وقدر. إسمح لي أعارضك وبشدة. لو واحد ماشي في الشارع ووقع عليه قالب طوب بنعمل إيه؟ بنقول قضاء وقدر؟ ولا بنشوف الطوبة دي جت منين؟ حد حدفها متعمد ولا لأ؟ ولما ما نلاقيش أسباب نقول قضاء وقدر.
الدكتورة عملت أخطاء جسيمة فعلا. سرعة عالية، وداخلة على ملف.
ربنا وضع قواميس ونواميس وقوانين للكون عشان يمشي عليها. يعني مثلا 1+1=2 مش ممكن تبقى 3 ونص مثلا وأقول قضاء وقدر
إنتوا حتنرفزوا الواحد ليه :)
وبعدين بتقول لكم الكاوتشات محتاجة تتغير. دا دي كارثة في حد ذاتها.
أنا كنت في جامعة 6 أكتوبر. وياما شوفنا حوادث على المحور مالهاش أول من آخر. وأكتر من 5 من أصحابي راحوا فيها بسبب السرعة.
ربنا يكفينا وإياكم شر الحوادث وربنا يلطف معانا

على فكرة .. انا مكنتش 180
انا عمري ماجبت 180 اصلا !!!

انا بقول واخدة ملف بسرعة ( بسرعة دي كانت تحت 100 اساسا ) .. او واخدة ميدان 180 درجة ( يعني ميدان كامل )
مش ملف 180 عشان بس حضرتك داخل فيا شمال جامد شوية .. ممكن حضرتك ترجع تقرا المشاركة تاني كويس ..
مفيش داعي تنرفز نفسك ..

المشاركة الأصلية كتبت بواسطة frozenfire

يمكن ما كانتشي ماشية على 180. بس أنا مش لا قي رد أرد بيه بصراحة. رغم الحادثة ورغم إنها عارفة إنه ربنا سترها معاها. عايزة تتعلم إزا تتعامل في المواقف دي. محسساني إن ده الطبيعي بتاع أي بني آدم بيسوق. وإنها ما بتعرفشي حاجة في السواقة عشان ما بتعرفشي تتحكم في العربية على سرعات عالية في ملفات.
:)
أنا بهزر والله عشان هي ما تزعلشي مني

لا زعلت بصراحة ..
وبعدين هو اللي بيسأل على الاسعافات الاولية بيسأل عنها عشان ناوي يعمل في نفسه كارثة ؟؟
ولا بيسأل عشان يتعلم ويأمن نفسه !!!

انا داخلة اسال ناس على نصيحة عشان عايزة استفيد .. اللي معندوش معلومة يفيدني بيها مش اجباري انه يرد او يعلق على كلامي ..

ميرسي لمشاركة حضرتك ..

المشاركة الأصلية كتبت بواسطة ros

هو واضح ان العيب في طريقه سواقتك واضح ان انت من اللى بيجملوا على الدبرياج و من الحادثه فضلتى حاكطه رجلك عليه عشان كده العربيه عملت معاكى كده وبعدين انتوا اصلا مش بتعرفوا تسوقوا هادى بتجرو كمان ؟؟؟


حتى اللى بشوفها منكم بتعرف تسوق لازم تقرفنا فى السواقه ده انا كنت هلبس الشهر ده فى حادثتين والله انتوا السبب فيها بس الحمد لله ربنا كرم و الواحد بيعرف يتصرف من كتر الحوادث القديمه :b4_282:

هههههههههه


على العموم خليكى لما العربيه تعوم معاكى تانى لاقدر الله شيلى رجلك من على كل حاجه والعربيه هتدهدى ان شاء الله ولا نقولك ارفعى هاندى وخمسى وكده ؟؟؟ :b4_282:


بجد سوقى براحه لان السوقه بسرعه ديه بجد عازه تركيز وقوه اعصاب وقلب ميت وده قليل لما يبقى فى بنت

سوقى براحه وربنا يستر علكيى الطريق

اول حاجة انا عربيتي اوتوماتيك مش مانيوال ..
تاني حاجة انا والله مكنتش معدية ال 100 يعني مش صاروخ يعني ..
الكلام ده حصل على سرعة 70 او 80
بس هو الملف كان جامد شوية وبرضه كتير عليه 70 ..

المشاركة الأصلية كتبت بواسطة tutankhamoun

واضح يا فندم أن العيب مش في العربية
حضرتك قولتي على المرض ............ و برضه قلتي على العلاج بنفسك

واضح أن طريقة سواقتك هي السبب في المشاكل اللي حصلتلك
أرجوا كأخ لكي أن تتعلمي مما حدث من قبل

القيادة الهادئة هي مفتاح الأمان و السلامة ........ و القيادة المتسرعة و السريعة هي مفتاح الحوادث ( و المؤمن لا يُلدغ من جُحر مرتين )
فبدلا من محاولة معالجة المشكلة ........... حاولى أن المشكلة ما تحصلش أصلا بالقيادة الهادئة .
أرجوا تقبل كلامي .... و احنا هنا علشان نذكر بعض و نفكر بعض و نتناقش و نوصل لأفضل الحلول .

يا جماعة ايه الهجوم ده .. هو مفهوم السرعة ايه بالظبط بالنسبة لكم !!!!
انا اخر حاجة جبتها بالعربية كانت 130
والحمد لله انا سواقتي عمرها ما كانت سريعة ..
لكن لما يبقى ملف حاد وماشية 70 او 80 والعربية تعوم مني
ده شيئ وارد جدا ..
خصوصا كمان اني اول مرة كنت اعدي من المنظقة دي ومعرفش ان الملف حاد او كده ..

بالراحة عليا شوية :)

المشاركة الأصلية كتبت بواسطة mmamdouh

على فكرة هى مقالتش انها ماشية 180... هى قالت العربية لفت 180 درجة

هى لو كانت عايزة تتحكم فى العربية على 180 فى ملف يبقى مفيش غير واحد بس يقدر يفيدها فى الموضوع دة:





mmamdouh

اخيرا حد نصفني وفهم انا بقول ايه ..

المشاركة الأصلية كتبت بواسطة tutankhamoun

فيما يبدوا أن حضرتك لم تقرأ الموضوع جيدا و داخل معجبكش ردي و دخلت ترد عليه من غير ما تستوعب كلام صاحبة الموضوع اللي قالت أنها بتحب الجري و بتدخل المنحنيات بسرعة عالية و بتدخل الدورانات بسرعة عالية

و انا علقت على نقطة التسرع و السرعة في القيادة ( ياريت نركز في الكلام يا أخي الكريم )

و أبقى انتقي أسلوب أحسن من كدا ............ لو مش عاجبك كلامي .... مكنتش ترد عليه بدل ما أنت داخل تنقد ردي .

عندك كلمة خير كنت قلها ........ معندكش ----- كام ممكن ترد على مداخلتي بطريقة أفضل .

ربنا يهدينا جميعا و صباح الخير

على فكرة انا مقلتش بحب الجري والله ..

عموما ميرسي جدا لكل الردود ..
الخلاصة ان الناس كلها اتفقت على الاتي :

- كله حكم عليا ان عربيتي بايظة وكوتشي بايظ ومقطع ومهري وعفشتي منيلة بنيلة والمفروض اتقلب مش اعوم بس
- سواقتي سريعة متهورة ومجنونة
- سواقتي اصلا غلط وماليش في السواقة والمفروض مركبش عربيات تاني
- لو بعمل حاجة غلط او عندي سلوك غلط في سواقتي اوعي تتدخلي تكتبي موضوع عشات تتعملي وخليكي كده زي مانتي عشان متسمعيش كلام يضايقك وكل واحد يدخل يأنب شوية ..

وفي النهاية شكرا جدا