ايه هو التصرف الصحيح في حالة ان العربية عومت ؟

**محمد محمد** · 24-09-2010 06:45 PM

وهاتي الدركسيون براحة عكس اتجاهه العومان.

المشاركة الأصلية كتبت بواسطة KHALED AYMAN

الموضوع مش سهل ..متخافيش ..
اصل اوقات العربيه مش هتتعدل غير لما تكبسى بنزين ..
اوقات لازم فرمله جامده تحجم العربيه
فى حالات قاسيه بقى لازم تلفى الدركسيون على الاخر عشان تمشيها بجمبها وبعد كده تعدليها
طبعا ده كله مش بييجى غير من الجرى
طول ما انتى هاديه مش هيسحل حاجه من دول ان شاء الله
ممكن تعوم خفيف
ودى حلها زى ما الاعضاء قالو

وخد النصيحة من مجرب.

**zrzr1** · 24-09-2010 06:56 PM

اهم حاجه بس لو العربيه راحت منك متحاوليش تلميها بقسوه ...ع الهادي كده وخليكي مركزه
+العربيه مش هتعوم غير لو فيها عيوب ف العفشه حاولي تعمليها ومتجريش بسرعه

**otefa** · 24-09-2010 07:14 PM

هو موضوع العوامان بصفة عامة معناه فقد التراكشن مع الأسفلت لأي عجلة من الأربعة أو في الأسوء كلهم
أسبابه
- الأرض نفسها فيها ميه أو رمل أو أسفلت ناعم (الحرص بزيادة في حالة ملاحظة أي منهم)
- السرعة الزيادة ودخول الملفات بيها لدرجة تفوق التراكشن بتاع الكاوتش نفسه(عدم الأسترخاص في الكاوتش وتركيب نوعيات جيدة وتاريخ صنع حديث كمان)
- في الطريق السريع علي الطوالي تيجي ساعات عالي وواطي في الأرض(المحافظة علي خط سير العربية مستقيما مع تجنب أستعمال الفرامل لأن العربية بتبقي تقريبا طايرة في الهواء ووزنها بيخف جامد فلو فرامل متوسطة لجامدة العجل ممكن يقفش ويخلي العربية تعوم أحسن حاجة المحافظة علي سبات السرعة تقريبا والأستعانة بالفتيس لتبطيء العربية تدريجيا)
هندسيا معظم العربيات متصممة وزنها الأمامي أكتر من وزنها الخلفي بأستثناء (البي أم و أعتقد المرسيدس و......) فلما بتاخدي ملف جامد العربية بتكون عاملة تراكشن كويس في الأمام بس في الحقيقة ضهر العربية أخف فأسهل يفقد التراكشن فاتعوم من الضهر
الحل في القيادة الهادئة (مش شرط البطيئة) تسارع تدريجي وفرملة تدريجية لعدم نقل مركز الثقل للعربية بسرعة فا تعوم
ألي بيحصل في الفرامل العنيفة أن الوزن بيتنقل بزيادة للكوتش الأمامي(أكتر من ما هو مش موزون من الأول في التصميم-الوزن) النتيجة أن الكاوتش ألي ورا بيقفش والعربية بتعوم (زي ألي بيمسك هاند بريك وهو بيلف كاأستعراض) وده ميزة ودور التراكشن كنترول والأيه بي أس كتجهيزات أضافية في بعض العربيات بيقلل التعويم بنسبة عالية لدرجة عدم حدوثه تقريبا

**ahmedsamir5edr** · 24-09-2010 07:18 PM

شكرا علي المعلومات

**otefa** · 24-09-2010 07:23 PM

المشاركة الأصلية كتبت بواسطة kemoelord

الحمد لله بس الفترة دي عندي شوية مشاغل كده والف شكر ليك على سؤالك وكل عام وحضرتك بخير ,, والكلمة فعلا بنقولها في السعوديه هههههههههه

وحضرتك بخير وصحة وعافية يارب

**mr_sameh** · 24-09-2010 07:46 PM

اهم شئ السيطره علي الدركسيون

**أشرف العدوي** · 24-09-2010 07:47 PM

هي حصلتلي مرة كنت ماشي على طريق اسيوط الغربي
كنت على سرعة 100 كم تقريباً و عامت مني جامد بدون سبب ( ممكن تيارات هوائية ) المهم انا اتخضيت طبعاً و سيبتها هي تعدل نفسها بنفسها
كل الي عملت كلبشت في الدركسيون جامد و مورت العربية بس ما حولتش الف الدركسيون او اي حاجة
و الحمد لله عدت على خير

**cOrn** · 25-09-2010 03:30 AM

..بتبقى رايحة جاية من اليمين للشمال كده كاني عمالة العب بالدريكسيون يمين وشمال ..

غيرى الكاوتش و الكاوتش الجديد بيعلى سعر العربية لأنه بيبقى مكتوب عليه سنة الصنع , و برده عشان اللى هيشتريها ميدعيش عليكى لا قدر الله

و بالنسبة لموضوع رايحة جاية دة مش طبيعى خالص لو عربيتك 206 و كدة فيه مشكلة ولازم تتحل فى اقرب وقت سواء بقى ظبط زوايا , ترصيص كاوتش و ضبط ضغط الكاوتش الخ.....