الموضوع: ايه هو التصرف الصحيح في حالة ان العربية عومت ؟

المشاركة الأصلية كتبت بواسطة Miss_Pharma

عموما ميرسي جدا لكل الردود ..
الخلاصة ان الناس كلها اتفقت على الاتي :

- كله حكم عليا ان عربيتي بايظة وكوتشي بايظ ومقطع ومهري وعفشتي منيلة بنيلة والمفروض اتقلب مش اعوم بس
- سواقتي سريعة متهورة ومجنونة
- سواقتي اصلا غلط وماليش في السواقة والمفروض مركبش عربيات تاني
- لو بعمل حاجة غلط او عندي سلوك غلط في سواقتي اوعي تتدخلي تكتبي موضوع عشات تتعملي وخليكي كده زي مانتي عشان متسمعيش كلام يضايقك وكل واحد يدخل يأنب شوية ..

وفي النهاية شكرا جدا

أختي الكريمة العزيزة علينا كلنا ...

أنتي زعلتي كدا ليه بسرعة ........

اُنظري يا أختاه ( و آا أسلاماه ) و آاه سيارتاه

كل اللي أنا قصدته شخصيا ( أنا هاتعلق على مداخلتي أنا بس )

أن عومان العربيات دائما بيكون بسبب السرعات العالية أو عدم تقدير السرعة الصحيحة للمنحنى أو الدوار مع أمكانيات العربية

و لكن بغض النظر عن كل ده
أنا أتعلمت حاجة مهمة قوي قوي قوي قوي قوي قوي قوي قوي قوي قوي قوي قوي قو ي قوي في بريطانيا

أن السلامة تأتي أولا و ثانيا و ثالثا و رابعا و خامسا و سادسا و سابعا و ثامنا و عاشرا لغاية ما فمك يؤلمك من العد .

أنت بتقولي سرعتك في الدوار 70 و 80
دي سرعة عالية
المفروض و أنتي داخلة دوار .......... سرعتك لا تزيد عن 30 أو 40 ......... و بعدين تكوني مركزة تماما في دخول الدوار خصوصا في مصر علشان ممكن تلاقي سواق ميكروباظ وقف فجأة علشان يلقط زبون و ملوش دعوة مين اللي جاي وراه

للآسف لما حد بيعرض مشكلة بتتعلق بالسلامة و الأمان
تلاقي كل الناس تدخل تعرض حل للمشكلة و كأن اللي داخل يسأل داخل علشان يعرف كورسات علشان يدخل سباقات الفورميلا وان .

للآسف الحكومة سايبة الكل يعمل اللي هو عايزه ( أي حد عايز يطلع رخصة بتطلع و يطلع يبرطع في الشارع زي ما هو عايز و كل واحد و حسب فهمه و حسب هو عايز يعمل أيه )
دي الناس بتجري على كوبري أكتوبر بسرعة 100 و 120

المفروض مثلا أن أي كوبري علوي السرعة لا تزيد عن 60

بس 60 مين .......... ده أحنا في مصر
الناس وراها أشغال و يا يعني لازم كل واحد يروح يلحق المفاعل النووي اللي هو مسئول عنه أحسن يفرقع و لا حاجة .

و أنا دلوقتي بفضل النصيحة التي تتعلق بالسلامة أولا و أبعد كل البعد عن محاولة نصيحة أنه يتعلم حاجة موجودة على طرق السباقات فقط لا غير .

لأن الطريق العام ملكية عامة لكل الناس و الغرض الوحيد منه هو الوصول من مكان ا إلى مكان ب ....ده الغرض الوحيد فقط لا غير .


ربنا يستر طريقك و يحفظك و يباركلك في عربيتك

أرجوا كمان أن حضرتك تتعلمي من الخطأ اللي وقعتي فيه قبل كدا و تهدي سرعتك و تعرفي أن حياتك أهم بكتير من أن أنتي تتعلمي حركات بالعربية
الكلام ده من أخ ليكي و الله برضه أتعلم من أخطأءة و مأقصدش بها أني أعمل بها ملاك أو واعظ و لكن بأنقل تجربتي لأخواني و الله وحده شاهد .

حاجة كمان
حضرتك ممكن تكوني طبيبة أو صيدلانية حسب أسمك في المنتدى

يعني عرفتي حاجة أسمها الوقاية خير من العلاج

أخوكي برضه أتعلمها من مواقف كتيرة .

تقبليني بصدر رحب أن أخوكي و شكرا لك للأستماع و فتح الموضوع

و تحياتي لكل زهور المنتدى

المشاركة الأصلية كتبت بواسطة mmamdouh

الاعتذار من شيم الكبار

:b4_388::b4_388::b4_388::b4_388::b4_388:

Mmamdouh

الله يكرمك يا أستاذ ممدوح ........