الموضوع: اغير عربيتي بماتيريا اوتوماتيك ولا بلاش ؟؟ ايه رأيكو ؟؟؟

ولله أنا من رأى الناس اللى بتقولك ماتغريش دلوقتى لأن لما تغيرى لازم تحسى بالفرق وده فى حالة الهوندا اللى معاكى مش هيبقى فرق كبير من الماتيريا و هاتدفعى فلوس أزيد - انا رايى تستنى شوية وتجيبى حاجة أعلى من الماتيريا

المشاركة الأصلية كتبت بواسطة ihab

مش عارف يا نهى انا ميال اكثر للهوندا سيتى ( مش عاملة معاك مشاكل )
هى حالتها ايه بالضبط ( يعنى عاملة كام الف و استهلاك البنزين و التكييف و الدنيا دى كلها )
بالاضافة الى ان انت حاتبقى ساكنة فين بعد الجواز ( يعنى لو فى المقطم حاقولك ماشى هاتى عربية اكبر شوية من 1300 سى سى علشان المطلع كل يوم )
زائد حاجة كمان انا عن نفسى مستغرب شكل الماتيريا جدا
سؤال بقى تانى : هل و انت واقفة من برة العربية بتبصى على الشنطة الخلفية الرف اللى ورا مغطى الحاجات اللى جوه و لا ايه النظام ؟؟

انا بحب عربيتي جدا على فكرة و معنديش مشاكل معاها بش اصلا انا مكانش معايا فلوس تكمل اجيب زيرو و كنت عايزة اصلا سيريون 1500 اوتوماتيك و فعيني برضه على الدايهاتسو
انا عربيتي داخلة على ال 30 الف و استهلاك بنزينها رووووووووووعة مع انها اوتوماتيك كمان صاحبها قبل ما يبيعها كان مدلعها و مفصلها فرش غامق عشان انت عارف البيج مصيبة فى التنضيف و كمان مركبلها spoiler و مجنطها كمان بس كان راشش اكصدام امامى بسس

المشاركة الأصلية كتبت بواسطة memo_hefnawy

نصيحة لله مش الفرق إللى عشانه تغيرى يعنى أنا أغير لما أطلع نقله حلوه من عربية سيتى مثلا لسيفك

هاحس بفرق لكن من سيتى لماتريا مش الفرق إللى يستاهل إصبرى حبه و هاتى حاجة أعلى

هى الماتريا ذى الفل مفيش فيها كلام بس عشان فلوسك تحطيها فى مكان صح يبقى إستنى حبه

نقطة تانية موضوع التقسيط بالوديعه مالوش أى داعى معاكى الفلوس إدفعى كاش لكن تحطيها وديعه و تقسطى مالوش لازمة نهائى

اصل الفكرة يا ميمو انى ال upgrade من سيتي لسبفيك صعب اوى عليه و مش هقدر انط جامد فعاوزة اخدها تدريجيا كمان انا داخلة على جواز و صعب احط ضعف التمن فى عربية لكن كدة مش هحس بيها اصلا ولا ايه؟؟ كمان انا هغير من 1300 تايلاندى2006 ل 1500 يابانى 100% و كمان 2008

المشاركة الأصلية كتبت بواسطة أبو عبدالله

أحب اوضح كذا معلومة
أولا هو مكان الفتيس ناس كتير علقت عليه
بس الأوتوماتيك مش هتحتاجيه زي المانويل يعني مش هيفرق معاكي

ثانيا العربيه الكاملة منها بتنزل بفاميه وبيتسجل في الرخصه ومحدش يقدر يتكلم عليه

اما عن موضوع الحك والكلام ده فأنا احب اقولك ان بوية الدايهاتسو من أنظف الأنواع الموجوده
وغالبا لما هتحكي في اي عربيه تانيه مش ببتأثري قوي بالحكه خالص
وشوية بولش ومش هتلاقي مكان الحكه وده عن تجارب وليس تجربه

تمام كدة يا ابو عبد الله
الف الف الف شكر و والله فتحت نفسي بموضوع الفيميه ده:o

:o

المشاركة الأصلية كتبت بواسطة Migo123

ووضعية الفتيس المانيول فعلا مزعجه

بس ان يا ميجو مش هسوق مانيوال انا هجيبها اوتوماتيك فموضوع الفتيس مش هيأثر طيب انا ركبت كمن الماتريكس مش عايزة اقولك ان لا ايدي كانت طايلة الفتيس ولا رجلى طايلة البنزين :D:D

مش عايزة تريقة لو سمحتوووو:p

ككمان انا السيتي اللى معايا 1300 ة الاوتوماتيك بتاعها حلو جدااااااا و حتى مع التكييف مش مأثر خالص فالموضوع دة مش مقلقنى خالص

المشاركة الأصلية كتبت بواسطة aif

اسمحولي اسبح ضد التيار ...
يا اونا .. انا رأيي ان الماتيرا شكلها الخارجي مستفز .. عاملة زي ماتكون واخدة بوكس شديد في ماناخيرها ( مع الاعتذار لأصحابها )
المواصفات والقدرات طبعا محترمة .. هو بس الشكل الخارجي
وطالما الهوندا مريحاكي يبقي تغيريها ليه ؟؟
انت فعلا ح تبقي عندك التزامات كتير بعد الزواج ان شاء الله
انا لو منك اشتري اسهم في البورصة بالفلوس الفرق ده حتي الاسعار نازلة في البورصة وفرصة للشراء
ربنا يوفقك للقرار الصائب ولا تنسي الإستخارة

لا ماليش فى البرصة دى خاااااااااالص ولا بحبهاااااا:D

اصل الفكرة ان ادام مواصفتها حلوة و تعليق الناس بس على شكلها يبقي مش مشكلة عشان انا بحب شكلها و مش مسببلى مشكلة بس

المشاركة الأصلية كتبت بواسطة AboRoqaiaa

اتوكلي على الله وإديها ماتيريا يا فندم
منتدى الدايهاتسو كله هايكون وراكي :)
بس اللون deep purple مرطرط أوي في الماتيريا
انا عن نفسي مشفتش ماتيريا بأي لون غيره
الأبيض هايكون جامد فعلاً

فعلا حلو اوى الابيض مع انى عمرى ماحبيته بس الابيض حلو اوى عالماتيريا

ربنا يخليك يا ابو رقية و يخليك لرقية >> انا بحب الاسم دة جدا بس الناس بس تنطقه بالقاف :D