الموضوع: رسميا على موقع كيا كوريا وحصريا للكياويه , سيراتو بموتور جديد 140 حصان وفتيس 6 نقلات

المشاركة الأصلية كتبت بواسطة Hosam_Optrawy

مبروك على الماتش ياكبير وعقبال الترجى ان شاء الله

كنت عايز اسألك سؤال بخصوص البيم انا عارف انه حبيبك :)

المسافه اللى بين العجلتين الخلفيتين , يعنى طول الوصله اللى بينهم , لما تكون أطول أحسن ولما تكون أقصر

يعنى مثلا لو عربيه عرضها من ورا 1.5 متر وواحده 1.6 متر ايهما افضل , ولا ماتفرقش ؟

ومشكور مقدما

الله يبارك فيك يا باشا, و ربنا يستر في ماتش الترجي ده لاني قلقان منه بصراحه...

طبعاً انت عارف ان البيم حبيبي, و عشرة عمر...

المسافه الاطول هتكون افضل نسبياً اكيد, لكن النسبه بسيطه, و ممكن تكون مش ملحوظه (ممكن)...

تقبل تحياتي يا حسام بك...

المشاركة الأصلية كتبت بواسطة hosam_optrawy

لو قولنا ان تانك العربيه 50 لتر لو حطينا بنزين 95 يبقى هاتدفع فى التفويله 2.75 * 50 = 137.5 جنيه :)

بس ال 50 لتر دول هايمشوك 50 * 16.5 = 825 كم

فى المقابل انت دلوقتى عشان تمشى بالعربيه بالموتور الحالى 825 كم محتاج 82.5 لتر لو قولنا ان اللتر بيعمل 10 كم تقريبا

يعنى هاتدفع 82.5 * 1.85 = 152.62 جنيه !!!!

يعنى النتيجه ان بنزين 95 فى الموتور ال gdi هايبقى اوفر من ال 92 فى الموتور الحالى :)

بس الخوف بقى ان بنزين 95 يغلى عن 2.75 جنيه ودا اكيد هايحصل فى يوم من الايام :)

حسام باشا... الماتور الجديد عمرة ما حيكون اوفر بالبنزين 95 من الماتور القديم, الماتور الجديد اللتر بيعمل 16.5 كم فى احسن معدلاتة مش فى السواقة العادية فى الشارع. لو حتحسب على كلام الشركة المعلن يبقى الماتور القديم اللتر بيعمل 15.2 كم مش 10 كم يعنى الحسبة مفروض تكون كالتالى:

الماتور الجديد
50 لتر * 2.75 = 137.5 جنية حتمشى بيهم مسافة 50 * 16.5 = 825 كم
الماتور القديم
علشان تمشى نفس المسافة حتستهلك بنزين 825 / 15.2 = 54.3 لتر تكلفتهم 54.3 * 1.85 = 100 جنية.

يعنى مع الماتور الجديد حتدفع اكتر 37.5 من الماتور القديم لقطع نفس المسافة, و بالتالى الماتور القديم اوفر و كمان مش ضعيف على العربية.
دة بالاضافة انة ممكن الدعم يتلغى على البنزين 95 زى مانت قولت و سعتها حتبقى ماساة.
انا شايف ان لو الماتور الجديد محتاج بنزين 95 يبقى الماتور القديم افضل, و كفاية علينا الفتيس ال 6 سرعات و باقى الاوبشن.

المشاركة الأصلية كتبت بواسطة SAMEHNOSHI

حسام باشا... الماتور الجديد عمرة ما حيكون اوفر بالبنزين 95 من الماتور القديم, الماتور الجديد اللتر بيعمل 16.5 كم فى احسن معدلاتة مش فى السواقة العادية فى الشارع. لو حتحسب على كلام الشركة المعلن يبقى الماتور القديم اللتر بيعمل 15.2 كم مش 10 كم يعنى الحسبة مفروض تكون كالتالى:

الماتور الجديد
50 لتر * 2.75 = 137.5 جنية حتمشى بيهم مسافة 50 * 16.5 = 825 كم
الماتور القديم
علشان تمشى نفس المسافة حتستهلك بنزين 825 / 15.2 = 54.3 لتر تكلفتهم 54.3 * 1.85 = 100 جنية.

يعنى مع الماتور الجديد حتدفع اكتر 37.5 من الماتور القديم لقطع نفس المسافة, و بالتالى الماتور القديم اوفر و كمان مش ضعيف على العربية.
دة بالاضافة انة ممكن الدعم يتلغى على البنزين 95 زى مانت قولت و سعتها حتبقى ماساة.
انا شايف ان لو الماتور الجديد محتاج بنزين 95 يبقى الماتور القديم افضل, و كفاية علينا الفتيس ال 6 سرعات و باقى الاوبشن.

كلام زىّ الفل
و مستنيين حسام باشا للدفاع عن ال gdi اللى لسه ماشافش النور

حسام :)
أنا حلمت أمبارح أنى جبتها ههههههههههه
مع أنى والله الموضوع مفبالى خالص
ولما صحيت أعدت أضحك :)

المشاركة الأصلية كتبت بواسطة Hosam_Optrawy

بس انت متأكد انه 15.2 ؟؟؟؟

ايوة يا باشا...دة رابط فية مقارنة بين ماتور الالنترا القديمة و الماتور ال GDI الجديد, طبعا دى النترا مش سيراتو بس مش مهم العربية اية, لان نفس الماتور و الفتيس فى الالنترا و السيراتو, و احنا يهمنا الماتور و الفتيس الجديد حيوفر بنزين اد اية مقارنتا بالماتور و الفتيس القديم بغض النظر عن العربية.

Hyundai launched All-New Avante in Korea