الميكروباص عمل حادثة النهاردة الصبح

**N.a.j.d** · 26-09-2010 10:50 PM

الحمدلله ع سلامتك يا كريم
ربنا يصلح الحال دا
اخبارك ايه دلوقتي

**kar!m** · 26-09-2010 11:25 PM

المشاركة الأصلية كتبت بواسطة m7nsh

الف مليون حمدلله على سلامتك .. قدر الله و ماشاء فعل

والله معظم سواقين الميكروباصات دول عاوزين ضرب النار .. بجد بيسوقو بعته و بغبااااااااء شديد و كأنه نفسه يعمل حادثه !!

قدر الله و ماشاء فعل و الحمد لله انها جت على اد كده

الله يسلمك .. الحمد لله.

المشاركة الأصلية كتبت بواسطة mahmos2000

الف حمد الله على سلامتك يا باشا

الله يسلمك يا باشا.

المشاركة الأصلية كتبت بواسطة thegoodhacker

الف حمدا لله علي السلامة .... بجد بيبقي احساس وحش جدا موضوع الحوادث دي ..... السنة اللي فاتت وانا راكب اتوبيس شغلي واحنا علي الطريق السريع والارض كانت مندية نتيجة للمطر لقينا ميكروباص اجرة ناطط علينا من الاتجاه المعاكس و طاااااااااااااااااخ وش الميكروباص جه في بوز الاتوبيس بتاعنا ولقينا الاتوبيس بتاعنا راح متزحلق ناحية اليمين وكان خلاص حيقلب علي جنبه من قوة الخبطة ..... وطبعا ناس عندنا اتعوروا وناس حصلهم كدمات .... ده غير الاصابات اللي حصلت لركاب الميكروباص ....
بجد ربنا ينتقم من السواقين الهمج دول اللي بيستهتروا بارواح الناس

اه .. احساس بشع .. متعرفش ايه اللى بيحصل لك لحد ما العربية تثبت.

المشاركة الأصلية كتبت بواسطة sayed911

هوة بيعتقد او خيالو بيهيألو انو مادام شغال على الطريق 12 ساعة في اليوم يبقى هوة اللي سواق واحنا كلناااااااااااا مش بنعرف نسوق وانو هوة اللي فتك وبياخد غرز وبيجري واحنا كلنا بطئ بنسبالوا ولكن لما بيعلموا حاجة او بيخبطوا حاجة بيبان معندهم الحقيقي ولكن طبعا مش كل الفئات كده وربنا يستر علينا وعلى الكل يا رب العالمين والف سلامة عليك يا اخي وانا شايف تاخد اجازة يوم عشان ترتاح من الصدمة وتريح دماغك من الخبطة وترتاح شوية برضوا والله الموفق يا اخي وتحياتي ..

الله يسلمك .. هحاول أأجز بكره ان شاء الله .
فعلا تحس ان السواقين دول عندهم ثقة فظيعة بالنفس .. و استهت

المشاركة الأصلية كتبت بواسطة mhmdalsaadany

الف حمد لله علي سلامتك
وربنا يرحمنا من السواقين دول انا ساعات لما بكون مش مستعجل ولاقيت السواق شاب كدا والعربيه كلها استيكرات وكاسيت صيني على اخره مش بركب احسنلي واستنى راجل كبير شويه عشان يطلع على قده وكمان يكون نازل ياكل عيش مش يموت الناس
بس الكلام دا لما بكون مش مستعجل
لكن النصيب ساعات بيحكم والحمد لله جت سليمه واهو كله في ميزان حسناتك ان شاء الله

و الله أنا مره نزلت فى نص الطريق من طريقة سواقة السواق .. كل الناس اللى سايقة جنبه كانت بتشتم فيه.

المشاركة الأصلية كتبت بواسطة yascro

الحمد لله ربنا ستر

الحمد لله.

المشاركة الأصلية كتبت بواسطة N.a.j.d

الحمدلله ع سلامتك يا كريم
ربنا يصلح الحال دا
اخبارك ايه دلوقتي

الحمد لله يا نجد .. حاسس انى عاوز ضبط زوايا .. عارف الاحساس ده

**kar!m** · 26-09-2010 11:31 PM

المشاركة الأصلية كتبت بواسطة aymansaad

الحمد لله على سلمتك
وكلامك ده حيخلى المرور يطبق الحزام والخوذة على راكبى السيارات واسالوا كريم بتاع القرية الذكية هو الدليل على اهمية الخوذة فى السيارات

حلوة كريم بتاع القرية الغبية دى

المشاركة الأصلية كتبت بواسطة yascro

الحمد لله ربنا ستر

الحمد لله .. ربنا يسترها عليك انت كمان .. انا بدعيلك على طول .. 310