احترت بين سيراتو وتيدا.. هل الستبترونيك في السيراتو عامل ترجيح

**tito_1980** · 05-10-2010 07:41 PM

المشاركة الأصلية كتبت بواسطة yasserelsayad

ما انا قولت مش محتاجة مناقشة وبعدين انت قلت انك عمرك ما سوقت التيدا يعنى كلامك كله مبنى على اعتقادات وبس .. وانا مش بتناقش غير فى تجارب فعلية .. وانا عادى اضحى براحة الركاب زى ما انت بتقول مع ان الموضوع مش كدا بمقابل الثبات .. انا معظم الطرق اللى بمشى فيها نظيفة وبحب امشى بسرعة

بص يا باشا ما حاجه بالعقل كده
التيدا هاتش باك و السيراتو سيدان
و الهاتش باك معروف انه اكثر ثباتا من السيدان
و غير كل هذا و ذاك
الخلاصه انا سوقت السيراتو اكثر من مره و مدد طويله
و ركبت كمان كتير جدا في الكنبه اللي ورا
بصراحه التضحيه بالراحه اكثر من مكسب الثبات
انا قصدي في السيراتو طبعا

**tito_1980** · 05-10-2010 07:44 PM

المشاركة الأصلية كتبت بواسطة normal

مين قال الهاتش أثبت من السيدان ولا السيدان أثبت من الهاتش؟!
ملهاش علاقه بالشكل
فى تعليق وأنظمه قياده وأيروديناميكس ومليون حاجه ترجح ثبات عربيه عن أخرى
وعلى حد معلوماتى الهاتش والسيدان مش منهم
على سبيل المثال اللينيا سيدان وأثبت من البرافو الهاتش!!
ولو أنا غلطان أهو يوكو معانا يصححلى

كلامك سليم و مش محتاج تصحيح
بس انا سوقت عربيات كتير جدا
و توصلت للمعلومه اللي انا قولت عليها
انا الهاتش باك اثبت من السيدان
مع فرض تساوي العوامل الاخري

**NoRmAl** · 05-10-2010 07:48 PM

المشاركة الأصلية كتبت بواسطة eng_ahmed_90

كلامك سليم و مش محتاج تصحيح
بس انا سوقت عربيات كتير جدا
و توصلت للمعلومه اللي انا قولت عليها
انا الهاتش باك اثبت من السيدان
مع فرض تساوي العوامل الاخري

ممكن يكون فى تجربتك فقط يا هندسه
لكن صدقنى دى مش قاعده

**tito_1980** · 05-10-2010 07:49 PM

بات أعلى سنة للسيراتو (من كلام الناس)

ما هو ده اللي ودي الدنيا في داهيه كلام الناس ... ملاك السيراتو بيدافعوا عنها لاخر نقطه في دمهم و ملاك التيدا بيدافعوا عنها بس زي ملاك السيراتو و لو جيت سألت واحد تيداوي و واحد سيراتاوي عن انهي اكثر ثباتا الاتنين هيقولوا انا فالافضل التجربه الفعليه و لما قلت ثبات التيدا افضل علي اساس حاجه انا مجربها و عارفها و ندر عليا لاسوق التيدا و ان شاء الله يكون ثباتها اكتر من السيراتو (حته كيد كده في ملاك السيراتو )

لكن كهدوء موتور التيدا وخامات التيدا

كلام زي الفل يا ريس

(جننتني بنت الإيه)

هو مش هينزل منها موديل 2011 ؟ اصل العربيه دي جامده اوي

**yoko** · 05-10-2010 07:53 PM

المشاركة الأصلية كتبت بواسطة eng_ahmed_90

ما هو ده اللي ودي الدنيا في داهيه كلام الناس ... ملاك السيراتو بيدافعوا عنها لاخر نقطه في دمهم و ملاك التيدا بيدافعوا عنها بس زي ملاك السيراتو و لو جيت سألت واحد تيداوي و واحد سيراتاوي عن انهي اكثر ثباتا الاتنين هيقولوا انا فالافضل التجربه الفعليه و لما قلت ثبات التيدا افضل علي اساس حاجه انا مجربها و عارفها و ندر عليا لاسوق التيدا و ان شاء الله يكون ثباتها اكتر من السيراتو (حته كيد كده في ملاك السيراتو :e_braces[1]: )

كلام زي الفل يا ريس

هو مش هينزل منها موديل 2011 ؟ اصل العربيه دي جامده اوي

ولا كيد ولا حاجة بس أنا شوفت التيدا والسيراتو في نفس الملف مع مطب هواء التيدا عومت أكتر سنة من السيراتو
وأما اللينيا ال2011 فهما مأجلنها لحد ما تركيا تجمع الديول لوجيك فغالبا هتبقى على شعر 3أو 4 (مرارتي مفقوعة منهم ومش عاوزين ينزلوها منيوال غير مع الأوتو تيييييييييت)

**tito_1980** · 05-10-2010 07:57 PM

شكرا يا باشا علي المعلومه

**SAMEH_FOUAD** · 05-10-2010 08:28 PM

معلش ياجماعة انا معايا التيدا وحافظها حتة حتة من اول صيانتها لحد ماهيو شغالة معانا بقالها سنة ونص من حكمى عليها :

1: هدوء ماتور حتى مع القرص

2: سحب جميل ورائع بس لحد (120) وبعد كدة بتتقل

3: اوسع عربية ركبتها من الفئة دية الصراحة

4: ماشاء الله بقالها سنة ونص مابنعملش غير الصيانة الدورية ( العربية ية بتشقى كتير قوى ومستحملة الصراحة )

5: ارتفاع عن الارض وعائلية من الدرجة الاولى

6: العربية تقفيلها حلو جدا ماعدا بعض النقط

7: باور كهربائى تحفة وبيفصل بعد ال110

8: شنط واسعة وجميلة

9: خامات تابلوة وجلد وتبطين لمخادع الابواب + اماكن تخزين عديدة + مكان لجراب النظارة

10: موفرة فى البنزين

11: تكييف جيد جدا

عيوبها :

1: ثباتها بيقل بعد ال130

2: عيوب التقفيل تتضمن في التابلوة فقط

3: السيارة بتاكل تيل كتير يعنى بنغير 3 فى السنة

4: التكييف بيأثر شوية على السحب ومش هتلاحظ دة غير وانت بتشد بس

5: مشكلة العربية دية فى اكصداماتها بتقع على طول

6: مكان الكونسول الخلفى بيضايق اوى الراكب اللى فى الوسط لانة طالع عن ظهر العربية بوضوح

7: بتحس بنقلة الفتيس

دية مميزات وعيوب التيدا بكل امانة وتجربة لمدة سنة ونص

**tito_1980** · 05-10-2010 08:29 PM

المشاركة الأصلية كتبت بواسطة normal

أنا عايز أعرف أنا كمالك حتى هستفيد أيه لما أضلل بنى آدم
مش بدافع عن عربيتى لأخر قطره دم ولا حاجه :)
لكن بقول الحقيقه
وعيوب العربيه كررتها 100 مره فى 100 موضوع
بس هى الناس مش بتمسك غير فى المميزات
لو قلنا العربيه ثابته يطلع 100 واحد يقلك دا منحاز لعربيته
ولو قلت أستهلاكها مش كويس منسمعش منهم كلمه
عجبى

الله يعلم اني مقصدتش حد معين و لا حتي قصدت حد معين مش هيكون حضرتك طبعا
لان حضرتك شخصيه حياديه لابعد الحدود لاني متابع قسم كيا كويس بس مش بشارك
و مش عايزك تكون زعلان خالص

**SAMEH_FOUAD** · 05-10-2010 08:36 PM

والسيراتو سيارة كويسة وكل حاجة بس هتتهزم لو دخلت مقارنة مع التيدا لعدة اسباب

1: العفشة الناشفة بعكس التيدا

2: استهلاك البنزين عالى بعكس التيدا

3: الوسع لصالح التيدا

4: التحمل السيراتو ماتجربتش لسة مش هنقدر نحكم

5: الشكل لصالح السيراتو

6: الاوبشن لصالح السيراتو

7: هدوء الماتور لصالح التيدا بفرق كبير قوى

8: التكييف لصالح التيدا

9: الخامات التيدا

10: الماتور بقى مش هعرف اتكلم علية لان لازم الاتنين يكونوا جريوا مع بعض

كدة السيراتو كسبت التيدا فى نقطتين بس الشكل , والاوبشن والباقى التيدا تكسب

دة رأى فى التجربة

-

الموضوع: احترت بين سيراتو وتيدا.. هل الستبترونيك في السيراتو عامل ترجيح

LinkBack

أدوات الموضوع

عرض

-

-

-

-

المواضيع المتشابهه

الستبترونيك فى الميجان

عامل في عربيتي ....... , يا تري انت كمان عامل في عربيتك ايـه .... ؟؟؟

الستبترونيك!!!

تيدا فول وابشن وتيدا بلس

.:احذروا عامل البنزين . و عامل المطعم . والكاشيير .(( بعض الطرق للغش ))..

الكلمات الدلالية لهذا الموضوع

المفضلات

المفضلات

ضوابط المشاركة